المشاركة الأصلية كتبت بواسطة Boodo (المشاركة 921934)

طب ماتقولى ياباشا على موضوع المايه ده احسن انا قلقان منه فى البنزينه واحد قاللى العربيه اول ما تشتريها لازم تنضف وحدة التبريد يعنى تغير المايه وتغسل الردياتير وكده وتحطلها مايه خضرا جديده لان المايه اللى فيها بتبقى ملحت مش عارف ازاى ههههههه، المهم اصلا المايه اللى فيها حمرا مش خضرا وانا عرفت ان لون المايه بيفرق على حسب نوع الردياتير المونيوم اى نحاس، بس انا لغاية النهارده ببص على القربه بلاقى المايه مابين الماكس والمين وده اعرف انه كويس وطبيعى، هل لازم اغيرها ولا ازودها ولا اعمل ايه ولا استنى فى صيانة الالف اقولهم وهما هايتصرفو، ربنا يباركلك يا باشا قولى.

المشاركة الأصلية كتبت بواسطة eslam dirar (المشاركة 922161)

السلام عليكم انا ان شاءالله هشترى جيلى باندينو الاوتوماتيك 1500 سى سى بضمان غبور فلو عند اى حد من حضراتكوا معرفة بالعربية ممكن يطمئنى بس عليها و على امكانيتها عشان خلاص الشراء هيتم بعد العيد على طول ان شاءالله و شكرا مقدما لحضراتكوا و اسف على الاطالة

المشاركة الأصلية كتبت بواسطة Karim Yassin (المشاركة 923027)

ممكن حد يقولنا لو عرف هل ممكن ملاك جيلي باندا و باندا كروس يعملوا صيانه في غبور؟ و هل قطاع غيار غبور موجودة في أي منفذ بيع ولا في مركز الصيانة فقط؟ :)