ما الذى يؤثر على سحب العربية و سرعتها القصوى ؟
 

بعد السلام والتحية على الصحبة الحلوة ديه

العربية يا جماعة كانت فى الاول طلقة بمعنى الكلمة كنت بشد بيها مع لانوس ولادا وشاهين ونيسان صنى ( بس ده لحد التالت بس طبعا الرابع هما بيطلعوا منى )

دلوقتى العربية بقى السحب بتاعها سلحفاة اكنها 128

وكمان قبل كده كنت بجيب بيها 130 و 140 والدواسة مش على الاخر والماتور صوته مش جرار صحيح مش واطى انما مكانش جرار يعنى

دلوقتى كبيرهااااااااااااااااا 100 او 120 والقى العربية بترضرض والماتور صوته ارتفع اوى

والله ماكانت كده يا جماعة ايه الحل لانى قررت انى ماروحش لصنايعية تانى الا للضرورة اوى اوى

رد: ما الذى يؤثر على سحب العربية و سرعتها القصوى ؟
 

فين العربيه وبياناتها ...........؟

رد: ما الذى يؤثر على سحب العربية و سرعتها القصوى ؟
 

ههههههههههههههه
هو انا ماجبتش سيرة عن العربية ؟ شكلى عجزت وخرفت

العربية مازدا 323 موديل 1982 1300 سى سى

سمير باشا كنت متاكد انك هاترد عليا اول واحد ( وده طبعا لانك انسان محترم وسريع فى الرد وفعلا بترد على الاعضاء لوجه الله فقط )

عاوز اقول كمان ملحوظة بتحصل فى العربية
على السلانسية صوت الماتور عالى والعربية بترضرض معايا واول ما ادوس شعرة بنزين العربية بتثبت والماتور بيهدى - كمان فيه هباب اسود بيطلع من الشكمان - كمان فلتر الهوا محتاج يتغير زى ما الميكانيكى قالى - كابل الهوا الى فى التابلوه تقريبا مالهوش لازمة فى الحياه

مش عارف اقول ملحوظات ايه تانى بحيث حضرتك تقدر تكون فكرة شاملة عن العيب لو فيه اى حاجة ياريت حضرتك تنبهنى

وتسلم ايدك مقدما وخد الدعوة دى
اللهم فرج كربه فى الدنيا والاخره كما يفرج كرب عبادك فى الدنيا

رد: ما الذى يؤثر على سحب العربية و سرعتها القصوى ؟
 

ربنا يبارك فيك أولا على زوقك

وثانيا

أدعو الله لك

بأن يهيىء لك كل الخير فى الحصول على سياره زيرو

__________________

نرجع بأه للسياره

لازم طبعا أول شىء

تكون مطمن لحالة الآتى

1- البوجيهات وكابلات البوجيهات

2- فلترى الهواء والبنزين

3- الكربوراتير ( ممكن تعمله شوية نظافه بطريقة عم : حنفى )

بحيث يتفصص الكربوراتير ويتغسل صح

ويتكشف على بيكاته

وهتاخد آداء حلو من السياره

بإذن الله

رد: ما الذى يؤثر على سحب العربية و سرعتها القصوى ؟
 

والله العظيم باشا فعلا

ده انا لسه ما قمتش من مكانى وانت رديت عليا ربنا يكرمك
رقم 1 و 2 دول مقدور عليهم

انما 3 دى هاضطر انى اروح لصنايعى وانا اتعقدت منهم ولاد الايه دول شويه معدومى ضمير والله مهما كان معرفه معظمهم بيلكلك وبيقعدوا يفتكسوا ومش خسرانين حاجة

انا كنت اسمع عن اسبراى بينظف الكربراتير والواحد بيستخدمه بنفسه
ولو فيه طالب منك بس حاجتين اسمه ايه واستخدمه ازاى ( وعلشان ما اتعبكش معايا انا هاصور الكربراتير بتاعى وهارفع الصورة وحضرتك بس تعلملى ارش فين وانا ارش على طول )