مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- أوبترا (https://www.masrmotors.com/vb/forumdisplay.php?f=156)

- - حساس حراره (https://www.masrmotors.com/vb/showthread.php?t=148355)

حساس حراره

السلام عليكم ....
انا معايا اوبترا 2007 اوتوماتيك فيها مشكله مش لاقى ليها حل
العربيه وهى فالزحمه فتره طويله لو ماسكها على D بلاقى الميه بتاعتها بتتبخر من عند الغطا بتاع القربه لما تسيبها سلنسيه المراوح تشتغل لحظه وتقف متكملش الا اذا زودت بنزين ...
مع العلم انى غيرت القربه، والغطا ،والرادياتير ،وطلمبه الميه، وخرطت الوش وغيرت جوان السلندر ،وكمان البوجيهات باسلك بتاعها ،وحساس الحراره كذا مره جديد واستيراد، وشلت ترموستات الكوع، ولغيت السربنتينه الشخن بتاع العربيه مش عارف اغير ايه تانى ..
فارجو الافاده لان فعلا المشكله مش لاقى ليها حل لان مفيش حد عارف السبب لا توكيل ولا بره التوكيل .. فلو حد صادفته المشكله دى يدلنا عليها ..
وجزاكم الله خيراً

رد: حساس حراره

معلش واحدة واحدة كدة اشرحلى ايه حكاية غيارات الفتيس مع نقصان المية ده
العربية وانت ماشى عموما بتسخن ؟ بتنور ؟ العربية جابت جوان قبل كدة وانت عملتة ؟ امال ليه غيرت كل الحاجات ديه ودخلت فى تغيير جوان وخراطة ؟
منتظر ردك يا هيثم واحكيلى واحدة واحدة تاريخ المشكلة ديه بداء ازاى وان شاء الله بسيطة ونوصل لحل