لانسر1600 منيوال VS اوبترامنيوال
 

السلام عليكم ورحمة الله وبركاته
وكل عام وانتم بخير
كنت طالب من أعضاء المنتدى الكرام مقارنه بين اللانسر1600 منيوال و الاوبترامنيوال من2006 الى 2008
وكمان انا كنت سمعت ان الاوبترا فيها موديلات فيها عيوب كتير
ارجوا الافاده أصل أنا هبيع ال128 وعايز أجدد
والسلام عليكم

رد: لانسر1600 منيوال VS اوبترامنيوال
 

بكل المقاييس لانسر اقل حاجة هاقولهالك كفايه انها يابانى مش كورى وانت ما حددتش انت عاوزها زيرو ولا مستعمل او فى حدود كام سعر

رد: لانسر1600 منيوال VS اوبترامنيوال
 

الاوبترا بديله للنوبيرا و تحمل نفس موتورها
عربيه واسعه و جميله جدا مافيش فيها عيوب ظاهره علي الاقل لحد دلوقتي.
اللانسر عربيه ذات انتشار قوي جدا و اسم كبير و سهله الصيانه
عيبها الوحيد من وجهه نظري ان سحبها ضعيف شويه مش سحب 1600
لكن مرضي بأي حال من الاحوال لمن يتطلب سياره عائليه ذات طابع شبابي.
انا لو فضلت اللانسر عن الاوبترا حفضلها لان شكل اللانسر بالنسبالي افضل.
مش حبص لكوري و ياباني حبص للعربيه اللي انا مرتاح لها
و اهم حاجه الاستخاره و اللي ربنا كاتبه حيكون.

رد: لانسر1600 منيوال VS اوبترامنيوال
 

شكرا على رد حضرتك وأنا ان شاء الله هجيبها مستعمله عن طريق قرض من البنك الأهلي المصري وانا حاطط رينج من 60 الى 75

رد: لانسر1600 منيوال VS اوبترامنيوال
 

شكرا لرد حضرتك
يعني حضرتك تقصد ان ال1300 سحبها ضعيف بس انا أسمع ان الالأوتوماتيك هيا اللي سحبها ضعيف
أنا اللي بخاف منه في العربيه علوها أو اذا كانت واطيه لان انا ساكن في مكان شوارعه بايظه جدااا وعايز أعرف اللانسر أوسع من الأوبترا أو العكس وبالنسبه لاستهلاك البنزين وخدمة التوكيل وأسعار قطع الغيار
معلش أنا عارف اني أسئلتي كتير