بالنسبة للشيفروليه سبارك (استفسار)
 

السلام عليكم
إذا سمحتم يا شباب انا مقبل على شراء عربية
وفي قدام مني شيفروليه سبارك بسعر 75 ألف وكنت عايز أرائكم عن العربية دي

هي شكلها حلو وشبابية يعني

تنصحوني بيها ولا بإسبرانزا m11 ؟ العربيتين بنفس السعر إسبرانزا m11 اغلى بألف جنيه بس
يعني الشيفروليه سبارك بـ75 ألف والإسبرانزا بـ 76 ألف
مع اني عارف ان الإسبرانزا فيها كماليات اكتر طلعاً بس في ناس كتير حذرتني من الصيني خصوصاً في قطع الغيار

فأنا حبيت اخد رأيكم عن الشيفروليه دي على الاقل من صيني
ايه رأيكو ؟ اتوكل على الله واشتريها ؟ ولا في حد منكو ما ينصحش بيها ؟

رد: بالنسبة للشيفروليه سبارك (استفسار)
 

شيفروليه سبارك ابعد عن الصينى تماما

رد: بالنسبة للشيفروليه سبارك (استفسار)
 

يعني اتوكل على الله واجيب السبارك ؟ اصل العربية ميني (صغيرة) وانا خايف لتكون زي كيا بيكانتو
اصلي سمعت ان البيكانتو بتواجه مشكلة مع السرعة ... السبارك تمام يعني ؟؟؟

رد: بالنسبة للشيفروليه سبارك (استفسار)
 

بص يا باشا السبارك صغيرة جدا من جوة والبيكانتو اكبر منها والوزن البيكانتو اثقل منها
انا ببركب سبارك بتاعت صاحبى كل يوم وعلى 120 كويسة جدا وبعد كدة بخاف اجرى بيها ولكن هقولك تانى صغيرة يعنى 2 ورا بالكتيير
وانا بقول زود سنة بسيطة وهات دايو فيرنا كدة حاجة واسعة وكويسة وتمشى على سرعات راحتك ماتور قوى
انا صحبى لما جابها ولقاها ضيقة على عيلتة ندم وقالى ياريتنى صبرت وجبت اوسع
لكن عموما هات عجلة ولا تجيب عربية صينى اسمع كلام مجرب