سؤالين للاصحاب الفليشيا الكرام
 

1- عندى الزراير اللى على الناحية اليمين فى التابلوه ( انتظار-شبوره امامى - شبورة خلفى ) بتنور مع النور الصغير لكن اللى على الناحية الشمال ( النور الصغير - النور العالى ) مش بتنور مع النور الصغير يعنى مش بشوفها بالليل هل هى كدة فابريكة مش بتنور ؟ ولا اللمبة عندى محروقه ؟
2- عندى مشكلة بعد ما ابطل العربية بتفضل دايره وده تقريبا ناتج عن انخفاض اوكتان البنزين عشان انا بحط 80 وحاولت تأخير وتقديم الشرارة دون جدوى - هل فى حد عنده المشكله دى مع بنزين 80 وايه الحل .
ولسيادتكم خالص الشكر .

رد: سؤالين للاصحاب الفليشيا الكرام
 

فيييييين رجالة الفيليشيا ؟
ارجو الرد فى اقرب فرصة
والف شكر

رد: سؤالين للاصحاب الفليشيا الكرام
 

اولا اللمبة محروووقة
ثانيا انا بحط 80 وعمرها ماعملت كده بص على الكهرباء بتاعت المارش او خلى الميكانيكى يشوفلك المارش ويارب اكوون فيدتك

رد: سؤالين للاصحاب الفليشيا الكرام
 

الف شكر بس اكيد حضرتك تقصد الاسبراتير مش المارش

رد: سؤالين للاصحاب الفليشيا الكرام
 

أكيد اللمبه محروقه أو مهزوزه من على دوايتها

مع البنزين المنخفض الأوكتان

بيتم تأخير الشراره وليس تقديمها

جرب توطى الكهربه شويه من الأسبراتير بلفه سنه بسيطه فى أتجاه تأخير الشراره

طبعا ده ممكن يولد مشاكل تانيه معاك

زى أنخفاض السلانسيه وممكن رجرجه على السلانسيه ورعشه للمكنه

فى الحاله دى حتحتاج تعلى مسمار البنزين شويه

____________________

بمعنى

توطيتك للكهرباء للتخلص من عملية التصفيق DETONATION مع بنزين 80

المفروض يقابلها تعليه سنه من مسمار البنزين لضمان سلانسيه مناسب