|
أنا هأقول لكم طلباتي بأذن الله و أنتم تقولوا لي اعمل ايه
السلام عليكم
الموضوع خير اللهم اجعله خير أني بافكر اجيب عربية بعد ما أتمرمط كتير المهم مش عاوز الميزانيه تخرم مني المطلوب عربيه ملهاش مشاكل تذكر قدر الامكان يعني ممكن اعتمد عليها في السفر لأن أنا معظم شغلي سفر العاشر او 6 أكتوبر و ممكن محافظات تانيه و بالطبع تنفع للأولاد يكونوا معايا بالاخص في المصيف و كمان ممكن احمل فيها شغل انا عن نفسي كان نفسي تكون اوتوماتك بس لو المانيوال يحقق المطلوب فبها و نعمه المطلوب عربيه لو اتزنقت و حبيت ابيعها ما اخسرش فيها جامد مطلوب تكون زيروا انا اتبهدلت ميكانيكيه و غرمت كتير العربيات حسب معرفتي المتواضعه الي اقدر اختار منهم لانوس او لوجان طبعآ الكمال لله لو ممكن حد منكميوضحلي اهم العيوب و المميزات أكون شاكر لحضراتكم و رأيكم الشخصي ايه في حدود الفئة السعرية للمانيوال من الاتنين و لو لاقيتكم بترشحوا اللوجان هاذود و اجيب الاوتوماتك منها بس مستني ردودكم ياريت بسرعه لو أمكن لو حد منكم يحب يوضح لي حاجه ع التليفون يرن عليا و انا هاكلمه 01110107705 الموضوع مهم و مستعجل لو امكن و متشكر مقدمآ |
رد: أنا هأقول لكم طلباتي بأذن الله و أنتم تقولوا لي اعمل ايه
الفئة السعريه دى تجيب جيلى ايمجراند مانوال فول اوبشنز عربيه كويسه و ناعمه بتكنلوجيا يابانية و سعر اعادة البيع كويس جدا انا متابع اسعار المستعمل و شايفه كويس لو عايز أوتوماتيك فعندك البى واى دى اف 3 فول اوبشنز بطاره مالتى و فتحة سقف و شوية اوبشنز كده وعندك طبعا اللوجان و البروتون ساجا |
رد: أنا هأقول لكم طلباتي بأذن الله و أنتم تقولوا لي اعمل ايه
لو قررت بين لانوس او لوجان فانا انصحك بالابتعاد عن اللانوس من يوم ما شيفورليه مسكتها بقت أى كلام خامات تابلوه مش كويسه و اقل جوده من الدايو لانوس تقفيل وحش جدا و ملحوظ بالاخص فى التابلوه و الدرج و كده يعنى فيه لوحة فى الطاره يعنى قادع فى تجاه و الطاره فى اتجاه تانى بخلاف جميع السيارات العفشة مختلفه عن الدايو لانوس يعنى باختصار اللانوس اخرها فى 2008 ايام الدايو بعد كده انساها اللوجان افضل منها على الاقل فيها مالتى فانكشن و كاسيت أفضل وخامات افضل و اوسع وعفشة افضل |
رد: أنا هأقول لكم طلباتي بأذن الله و أنتم تقولوا لي اعمل ايه
يحيى باشا انا متشكر لأهتمامك لكن انا أفضل أبعد عن الصيني و أعتقد اللوجان افضل و بالطبع اللوجان عندها مشكلة في الصيانه انها لازم تتم في التوكيل و كمان قطع غيارها غاليه و سعر إعادة البيع لو ظلت الاسعار على حالها هيكون سعر اعادة البيع منخفض لكن الاوتوماتك منها فيه اوبشنز كتير صحيح الكلاكس في مكان غريب و زراير الوظائف تحت الدركسيون بشكل غريب لكن ممكن التعود عليها في تصوري و كمان اوتوماتك تفتكر ممكن التغاضي عن تلك الملاحظات ؟؟؟
|
رد: أنا هأقول لكم طلباتي بأذن الله و أنتم تقولوا لي اعمل ايه
انا كان معايا اللوجان باختصار سيارة ممتاز جدا واعتمادية
اما عن الصيانة بصراحة كنت اتعامل مع مركز العبور وتكلفة الصيانة لم تكن مرتفعة كما يظن البعض خليك فى اللوجان ومبروك مقدما |
| الساعة الآن 11:47 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017