عندي مشكلة في باور العربية..شاهين 2001
السلام عليكم ورحمة الله وبركاته
انا عندي مشكلة ..ان العربية (شاهين 2001) اتحكت من تحت ,وبعدين لقيت زيت الباور بينقص وعقبال مارحت للميكانيكي كان الزيت صفى...المهم اني لحمت الماسورة ومليت زيت بس الدريكسيون لسه تقيل وبيلين لما بدوس بنزين ..الراجل قالي كده الطرمبة ضربت ولا زم تتغير..انا اضطريت اسيبه ع اني هشتريها بكرة من فيات 2000 في التوفيقية واروح له يركبها لي السؤال : تغيير الطرمبة ده مش محتاج اشتري علبة دريكسيون كاملة و لا لأ ؟ ولو انا مشيت كده بتاع اسبوع من غير ماغير الطرمبة ..مكن علبة الدريكسيون تبوظ,علما باني مغير علبة الدريكسيون دي من سنة ونص؟ ياريت تفيدوني سريعا..متشكر لذوقكم |
رد: عندي مشكلة في باور العربية..شاهين 2001
السلام عليكم
1- اتاكد ان المشكله في الطلمبه مش ان الماصوره الي اتلحمت خانقه مسار الزيت 2-لو الطلمبه تالفه غيرها فورا لانها هي الي بتغذي علبه الدركسيون بالزيت .لو فيه قصور في الزيت الي واصلل للعلبه مش هيحصل مستوى التزييت المطلوب وبالتالي هيحصل تلف اقتراح اخير :نفذ الخطوتين دول قبل تغيير الطلمبه 1- غير زيت الباور (هات زيت سعره 25 جنيه اواكتر ومتجيبش ابو 10 جنيه لانه جاز مخلوط بشويه زيت بور) 2-تغير سير طلمبه الباور وتجرب |
رد: عندي مشكلة في باور العربية..شاهين 2001
و متنساش تاخد هوا بالطريقة الصحيحة
|
رد: عندي مشكلة في باور العربية..شاهين 2001
راى انك تغير ماسورة الباور اللى اتلحمت بماسورة جديدة
واعتقد ان مشكلة حضرتك محصورة فى هواء داخل دايرة الباور |
الساعة الآن 04:01 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017