مصر موتورز مجتمع السيارات - استشارات من خبراء اللانوس...

مصر موتورز مجتمع السيارات (https://www.masrmotors.com/vb/index.php)

- ﻻنوس (دايو - شيفروليه) (https://www.masrmotors.com/vb/forumdisplay.php?f=153)

- - استشارات من خبراء اللانوس... (https://www.masrmotors.com/vb/showthread.php?t=71649)

استشارات من خبراء اللانوس...

السلام عليكم ورحمة الله وبركاته
السادة ملاك و خبراء الدايو لانوس..كل سنة وانتم طيبين و في خير حال انتم و اهلكم و من تحبون.

انا بحكم العادة من زمان لما احب اشتري حاجة اسال الناس و ادور بنفسي لحد لما اقتنع او اصرف نظر.ومن ساعه ما بعت عربيتي القديمة و انا قولت اقيم اللانوس.وبدات اقرا كل مشاركات الاعضاء وعندي كم سؤال لحضراتكم..

1- رأيكم في اللانوس (خصوصا لانوس 1) بكل حيادية.ما لها و ما عليها من كل الجوانب..ميكانيكا و عفشة و كهرباء و صاج و اسعار قطع الغيار و استهلاك بنزين و معدله و التكييف و الباور و كل حاجة.

2- بالنسبة للانوس الاتوماتيك..هل الفتيس بتاعها فيه مشاكل زي النوبيرا كده ولا ابن حلال و كويس و يعتمد عليه..

3- هل فيه فرق جوهري بين لانوس1 ولانوس 2 غير الشبكة الامامية و الفوانيس الخلفية..فرق مثلا في ابعاد العربية او العفشة او الموتور ولا هم الاثنين زي بعض..

4- هل في مشكلة مزمنة في طرمبة الميه بتاعة لانوس 1 ولا كلام فاضي مالوش اساس و هل بردو فيها مشكلة سخونة مزمنة ولا بردو كلام فاضي..

5- هل لانوس1 فيها فيشة الاوكتان زي لانوس 2 ولو في.مكانها فين.وهل تعديلها بنفس الكلام اللي في لانوس 2.

6- سؤال فني بقى..بالنسبة لو انا ظبطت فيشة الاوكتان على مثلا بنزين 90 و حطيت 92 .هل ده يبقى احسن في سحب العربية ولا ايه و بنفس الطريقة لو ظبطها على 80 و حطيت 90 بردو يبقى احسن في السحب ولا ايه.

7-هل لانوس1 في منها مواصفات خليجي ولا كوري و بس..وبالنسبة للانوس2 .ايه افضل موديلات نزلت منها..هل 2001 و 2002 ولا لحد كام..وبالنسبة للاسعار عاملة كام للانوس1 و لانوس2 موديل 2002 مثلا و تكون رايقة كده..

8- انضف واكتر ناس امينة و خبرة و تشخيص حاله العربية فين بس يكون جنب 6 اكتوبر او الجيزة فين..وده لاني لما ان شاء الله ربنا يوفقني لعربية كويسة محتاج اعرف تاريخ حياتها كله بمعنى الكلمة و اعرف حالتها.باختصار افليها و افحص كل مسمار فيها..لان حضراتكم عارفين الواحد بيتعب اد ايه لحد ما بيجيب القرش و مش ناقصة ان الواحد يلبس في عربية مش كويسة.

اخيرا انا بجد باشكركم جدا على اللي انت بتعملوا مع الناس و مساعدتكم ليهم و ربنا يوفقنا جميعا و يصلح حال المسلمين عامة و بلدنا خاصه.
السلام عليكم ورحمة الله وبركاته

رد: استشارات من خبراء اللانوس...

ايه يا جماعة فين الردود...
يا مسهل يا رب..:thinkW19:

رد: استشارات من خبراء اللانوس...

بص انا هقولك كل اللى اعرفه بس
اللانوس 1 و 2
هى هى بنفس الابعاد و الموتور و كله مفيش فرق
غير الشبكه و الفوانيس
بس المعظم بيقول ان احين انتاج للانوس كان موديل 99 و 2005 بس
يعنى 2012 بردك لا

بالنسبه للفتيس الاوتوماتيك فى اللانوس هو مش منتشر فيها و سمعت مره من ملاكها انه مش كويس
(معرفش الاسباب ايه)

ده كل اللى اعرفه
بس انا افضل الفيات سينا و او البيترا عن اللانوس
من كل حاجه
لانى جربت الاتنين و الفيات كسبت
بس طبعا انت اللى بتختار مين هيناسبك اكتر

من عيوب اللانوس برده ان التكيف ضعيف شويه مقارنه بعربيات تانيه كتير
:THE_PR~18::THE_PR~18::TH E_PR~18::THE_PR~18::THE_P R~18:

رد: استشارات من خبراء اللانوس...

ايه يا خبراء..
هي اللحمة عاملة شغل ولا ايه..
يا مسهل يا رب:crying:

رد: استشارات من خبراء اللانوس...

يا استاذ توفيق متستعجلش كدة في الرد لان دي امانة علشان منبئاش السبب ونتمني ان انتا تجيب الدايو وتشاركنا الاراء
من وجة نظري: 1.استهلاك الدايو للبنزين علي السريع 14كل للتر
داخل البلد 9لكل لتر
2.قطع الغيار متوفرة بكثرة ومتوسطة السعر
3.الصاج اقوي كتير من العربيات الجديدة
4.سحب العربية في اول الدسة بطيئ نسبي
5.عفشة ممتازة ومتينة
6.التكيف كويس بس عاوز حد يظبط كويس
7.الوتوماتك معنديش خلفية لاني عربيتي مانول
8.العربية لحد 120ك سبات ممتاز
9.مش محتاج توكيل لان اغلب الميكانيكة بيعرفو فيها
ارجو لاتاخذ بنصيحتي لوحدي وربنا يوفقق