سوءال الى ملاك الفانتازية
 

السلام عليكم
هل واجهتكم أى مشكلة و الرجاء كتايتها سواء كانت كبيرة أو صغيرة لأنى عايز أقرر لما هجدد أجيب كورولا 2011 الشكل الجديد ولا الفانتازية 2011
ألفانتازية ككل عجبانى بس انا طبيعة سواقتى بعمل فى الدقيقة على الأقل8 أو 9 مناورات و بحتاج أقرص على الماتور عشان أعدى من عربية قدامى و فى نفس الوقت ألحق أعدى منها بسرعة عشان اللى جاى من اللاتجاه العكسى يعنى لازم ماتور فايق و بيستجاب بسرعة و يمكن وزن الفانتازية هو العامل على بطئ تسارعها و فى نفس الوقت ساعد على ثباتها عكس الكورولا سرعة التسارع مع ضعف الثبات على 170 و ما فوق,
فهل الفانتازيا تسعاعد ايضا على القيام بالمناورات السريعة ؟

رد: سوءال الى ملاك الفانتازية
 

العربية جميلة اوى الحمد اللة ,اول مأجبتها مكنش عاجبنى الاداء فى سحب علشان انا باجرى بس بعد ماعديت 5000كيلو بات انعم واستجابة احسن كتير وبعدين العربية مليانة ابشن وعلية عن الارض ودة حاجة مهمة ليا اوى وهى عيبها بنسبالى ان العفشة نشفة شوية ياعنى فى طرق غير ممهدة بتبقى مش مريحة عكس عربيتى التانية الاوبل انا كنت بقارنها بين سيفيك وكورولا بس الحمد اللة جبتها من 3 شهور وعجبانى اوى

رد: سوءال الى ملاك الفانتازية
 

ربنا يخليهالك و يديك خيرها و يكفيك شرها و كل الناس فعلا بتشكر فيها و انا حبتها بجد بس هل موضوع العفشة ده متعب قوى يعنى عشان أنا عندى الام فى ظهرى بس الحمد ده نعمة أصل أنا متعود طول عمرى على عفشة طرية من خلال ركوبى ال كورولا (95,2003,2006,2009) فا مجربتش عافشة نشفة قبل كدة و شكرا على ردك

رد: سوءال الى ملاك الفانتازية
 

العفو انا تحت امرك فى اى استفسار, العفشة مش وحشة اوى بس انا ساكن فى منطقة الارض فيها زفت فا بحس انها نشفة ياعنى بسمع صوت جامد و بارضو فى ناس بتقول مع الوقت هاتنعم و اللة اعلم, غير كدا فى الطرق نضيفة بتبقا حلوة اوى وثبات جميل انا جربتها على 180

رد: سوءال الى ملاك الفانتازية
 

كده حضرتك حببتنى فيها أكتر :playing_music: متشكر جدا على الرد GIFT4U