|
طلمبة باور فيرنا ؟
السلام عليكم
فيرنا في صوت ونه فى طلمبة الباور مع العلم ان الدركسيون حالته كويسه والزيت كويس وجديد هل الطلمبة كلها بتتغير ولا فيها بلي بيتغير بس ؟ ولو هتتغير سعرها كام جديد واستيراد ؟ وشكرا جزيلا |
رد: طلمبة باور فيرنا ؟
السلام عليكم
الطلمبة قفشت والسير اتقطع ومدتنيش فرصه لاى اختيارات غير التغيير جبتها استيراد ب 250 ج وربنا يهدي الحال وتظبط الجديده ب 700 ج وناس بتبعها ب 850 ج ايه الارشادات للمحافظة ع الطلمبة من فضلكم وشكرا جزيلا |
رد: طلمبة باور فيرنا ؟
والله يا وائل يا اخويا اللى اعرفه انك تواظب على تغيير الزيت ومتقرصش على الدريكسيون فى اخر المشوار يمين او شمال وانت واقف ، هى العربيه عامله عداد قد ايه لما غيرتها ؟
|
رد: طلمبة باور فيرنا ؟
منورنى يا ابو نورا
100 الف كم وتغيير الزيت كل اد ايه ؟ علما انه مكنش بينقص خالص وكمان انا غيرته وكان كويس على فكره انا صلحت الطلمبة الاصليه والحمد لله اشتغلت كويس غيرت بلية واتفورت والحمد لله كويسه اتكلفت 100 ج تصليح عندى مشكلة اخرى مية قربة الريداتير بتنقص كل يومين وبزودها اثناء سير السيارة مية القربة بتزيد وعند ما السيارة تقف تبرد المياه بتنقص والريداتير مش بينقص هو واقف على قيمة الزور بس انا كنت شاكك فى غطاء الريداتير غيرته مرتين بغطا اصلي سالت بتاع الريداتيرات قالى ده طبيعي ان السكس بلف بتاع الغطاء بيودي ويجيب من القربة خلال التشغيل بس مش عارف ليه انا مش مقتنع ؟ واخيرا حطيت كرتونه تحت العربية وهى بارده لقيت ترشيح بسيط من المياهمن تحت الفتيس والريداتير مع اعلم انى غسلت دورة المياه وغيرت المياه وبعد اسبوعين لقيت صدا فى القربة مع انها اتخلعت بره واتغسلت اسف جدا للاطالة وشكرا جزيلا |
رد: طلمبة باور فيرنا ؟
معلش ... ربنا يعوض عليك ...
انا عندى صداع كبير اليومين دول فى طرمبة الباور بتاعتى ... و مش باين له نهاية طرمبة الباور زى اى طرمبة ... ليها عمر افتراضى .. بس ياريت كنت غيرت الاويل سيل و الريش بالمرة تغيير زيت الباور على فترات ... مش عارف بتتغير اد ايه و للأسف ... كلام ابو نورا صحيح .... حاول متكسرش الدركسيون على اخره ... و لو مضطر .. متخليش الدركسيون فى الوضع ده كتير حاول حضرتك تعرف تسريب المياه ده من فين .. و ابدأ بالنظر حوالين طرمبة المياه متابعين معاك |
| الساعة الآن 05:57 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017