مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- ميكانيكا السيارة (https://www.masrmotors.com/vb/forumdisplay.php?f=148)

- - اويل سيل الكرنك (https://www.masrmotors.com/vb/showthread.php?t=79917)

اويل سيل الكرنك

ممكن من الناس الخبره فى مجال العربيات بس يوضحولنا ايه هو اويل سيل الكرنك و مكانه بالظبط و ايه علاقته بالفتيس

رد: اويل سيل الكرنك

يوجد عدد 2 اويل سيل للكرنك واحد اماماى ودة تغييرة سهل جدا بيتفك وش الكاتينة وطنبروة الكرنك وبيتم تغييرة بمنتهى السهولة
اما اويل سيل الكرنك الخلفى بيكون فى الجانب الخلفى للمحرك وبعدة على طول بيكون راكب الحدافة او ترس الفولام ثم الاسطوانة ثم الدسك وبيركب فوق كول دول الفتيس
اذن عشان تغير اويل سيل الكرنك الخلفى لازم تسقط الفتيس وتفك الدسك والاسطوانة
ووظيفة اويل سيل الكرنك الخلفى والامامى هو احكام الزيت الموجود بالمحرك

رد: اويل سيل الكرنك

اقتباس:

المشاركة الأصلية كتبت بواسطة mr_astra (المشاركة 617223)

شكرااااااااااااااااا بجد على المعلومات القيمه اصل كنت عند الميكانيكى وقالى الزيت اللى بينقط ده احتمال يكون اويل سيل الكرنك بس قالى ده هيبقى حوار عشان هيحل الفتيس و كده مش عارف اعمل ايه بجد

رد: اويل سيل الكرنك

http://www.aa1car.com/library/oil_leaks.jpg

لو تأملت فى الصوره التى أمامك

ستجد أن كل عمود كرنك لمحرك ما يتواجد له

1 - أويل سيل كرنك أمامى أى front crank shaft seal

2 - أويل سيل كرنك خلفى rear crank shaft seal

----------------------------------

ونظرا لأن عمود الكرنك يوضع داخل جوف المحرك

مغمورا فى الزيت

ف للحفاظ على الزيت ولمنع تسريبه إلى خارج المكنه

من حول عمود الكرنك

يتم وضع حوابس الزيت المسماه بأويل سيل عمود الكرنك

سواء أمامى أو خلفى

-------------------------------------

ويوجد الأويل سيل الخلفى من جهة الدبرياج والفتيس

ولا علاقه له بالفتيس

رد: اويل سيل الكرنك

اولا الاويل سيل :
شوف الصورة دي
http://1.1.1.5/bmi/www.classiquecars...teroilseal.jpg

الاويل سيل oil seal هوا قطعه من المطاط او المطاط المدعم بالصاج ووظيفته منع تسريب الزيت وبتركب على الاعمدة الدوارة زي عامود الكرنك وعامود الديركت في الفتيس
نيجي بقى لاويل سيل الكرنك : فيه اتنين اويل سيل واللي بتسأل عليه هوا الاويل سيل الخلفي للكرنك و دي صورته
http://1.1.1.3/bmi/bmwe32.masscom.ne...shaft_seal.jpg

وده وظيفته منع تسريب الزيت من البلوك الى ( الهاوزنج ) ... مبدئيا الصورة مبينه الجزء الخلفي من الموتور ناحية الفتيس والتجويف اللي في النص بيركب فيه عمود الديركت بتاع الفتيس ... وبيركب عليه الديسك والاسطوانه
طبيعي لو الاويل سيل ده تلف هيتسرب زيت من الموتور للمكان الموضح في الصورة وهوا الهاوزنج او التجويف بين الموتور والفتيس وبالتالي هتلاقي زيت نازل من عند الفتيس او من المكان مابين الموتور والفتيس
خلي بالك : لو الزيت لونه غامق وفيه رواسب كربونيه يبقى اويل سيل الكرنك هوا اللي تالف ... لو الزيت لونه فاتح ومافيش رواسب كربونية يبقى مصدره الفتيس لانه فيه هوا كمان اويل سيل في نفس المكان
فيه اويل سيل تاني للكرنك في الموتور من قدام ودي صورته
http://1.1.1.2/bmi/bmwe32.masscom.ne...al_replace.jpg

وده برده وظيفته منع الزيت انه يتسرب من الموتور من قدام ناحية السيور