|
رد: من خلال رحلة الي قاهرة المعز لدين الله الفاطمي اقدم لكم صور وفيديو من انتاجي للجميلة ايمجراند 7 من غبور
السلام عليكم الف شكر ليك يا استاذ/ عصام صور جميله والواحد مستغرب جدا !!!!!!!! فى ناس فى موضوع اخر بتقول انه يوجد فواصل وان الفروقات باينة وان الزنب مش عارف شكلها ازاى ( هى صحيح شكلها ازاى .......) كمان بيقولوا ان السيارة لايوجد بها حلقان ( اصدى دلايات ..............) هوه فى ايه ..ويقولك الكاوتش نوعه غريب مش عارف ازاى !!!!! والله يا استاذ/ عصام انا اطمنت لما شوفت كميه الصور اللى انت مصورها .... والسيارة باين عليها تحفة ..... ناقص التجربة العملية على الارض ... وشكرا لك |
رد: من خلال رحلة الي قاهرة المعز لدين الله الفاطمي اقدم لكم صور وفيديو من انتاجي للجميلة ايمجراند 7 من غبور
تسلم الايادي وان شاء الله مش حتندم ابدا وحتدعيلي وكل اللي ايدك في الشراء |
رد: من خلال رحلة الي قاهرة المعز لدين الله الفاطمي اقدم لكم صور وفيديو من انتاجي للجميلة ايمجراند 7 من غبور
اقتباس:
بص يا اخي الكريم سيبك من الكلام دا كله الناس مفكرة ان احنا بقينا زي المانيا مثلا في التصنيع او زي اليابان الناس نسيت ان احنا في مصر اللي ما زلنا لم نستطيع صناعة ابرة الخياطة اللحامات المزكورة دي ممكن تلاحظها في شفة الباب مثلا من جوة ودي شي طبيعي بس مش لدرجة انه يخلي الباب بارز مثلا وركز في الصور والفيديو وشوف تطبيع الباب حاجة مشفتهاش حتي الصني اهي ياباني وكان فيه اخ فاضل قال انك لما بتقفل الباب كانك بتعمل مووت للعربية زي التلفيزيون وكنت فاكره بيبالغ لكن لما دخلت العربية وقفلت الباب لقيت انه كلامه صحيح 100في 100 وبعدين انا هبني رايي لعربية علي اساس اللحمات ...مش عارف وهي الدليات دي حاجة مثلا صعبه قوي يعني مش ممكن يركبوا هيكلفوا 500 جنية كدا ولا حاجة ......بردو مش عارف كاوتش نوعه غريب وهو احنا نسينا ان العربية بتتجمع مش بتتصنع يعني مش ممكن الكاوتش يكون جاي من الصين مثلا من ضمن القطع المستوردة وبعدين هو الواحد مطلوب منه يعرف جميع انواع الكاوتش في مصر ويعرف هما جلويين ولا وحشيين طيب اقولك علي حاجة جميله الاخ اللي راح اتفرج وطلع العيوب دي ( وهو كان رايح يطلع العيوب بس بدليل انه مزكرش حاجة عن المميزات ) كام عيب 3 عيوب يعني مقدرش يطلع اكثر والا كان زكرها يبقي دي شهادة في حق العربية ولا ضدها ( فكر كدا فيها كويس ) 3عيوب مقابل كام ميزة حتي الان وخلي بالك احنا حتي الان بنتكلم في الشكل والامكانيات وسيبك من الاعتمادية والاداء لان وقتهم لسة جاي ( وان كان تجارب برة كتير بتقول ممتازة) لكن سيبهم الان 3 عيوب مقابل 30 ميزة مثلا يعني مش عارف اقول اية ( صدقني دي شهادة لصالح العربية مش ضدها خاصة انها مش عيوب ولكن نقدر نقول قله اتقان لا اكثر ( تتعالج مع الوقت وان كانت غير مؤثرة بنسبة 3 % حتي) صدقني اخي الكريم بمتابعة كل ما يدور حول هذه السيارة في الوقت الحالي سواء سلبا او ايجابا هو اقرار ضمني بجودة السيارة وليس العكس بس محتاجيين اننا نقرا الكلام صح ونفهم معناه هنلاقية مع وليس ضد وان بدي في الظاهر انه ضد بمعني لما اروح اعاين عربية واجي اكتب ان انا لاقيت 3 عيوب فيها يا نهار ابييييييض دي فيها 3 عيوب لكن لما انا اقرا كدا اقول يا سلام عربية فيها 3 عيوب بس والله دي حاجة جميلة خاصة انها عيوب تافهة لا توثر علي جودة السيارة او ادائها ويتضح في النهاية بانه قدر اقر ضمنيا بجودة السيارة وليس العكس بدون ان يقصد ودا شئ بيسعدني انا شخصيا وبيزيد اطمئناني تحياتي لك اقتباس:
ان شاء الله انا متفائل خير لانني صليت الاستخارة ووجدت نفسي قد بعدت عن كل السيارات اللي كنت متابعها وركزت معها وارتحت نفسيا وربنا ان شاء الله مش هيخذلنا خاصة اني مع كل صلاة بدعي لله ان يهديني للاصلح واجد نفسي اتقرب لها اكثر ودي حاجة كويسة جدا ومطمناني جدا |
رد: من خلال رحلة الي قاهرة المعز لدين الله الفاطمي اقدم لكم صور وفيديو من انتاجي للجميلة ايمجراند 7 من غبور
|
| الساعة الآن 10:46 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017