ليه العربيات الديزل مش منتشرة فى مصر؟
 

رد: ليه العربيات الديزل مش منتشرة فى مصر؟
 

السبب الأساسى هو المحاذير التى وضعتها الحكومة على استيراد الديزل, نظرا لأنه مدعم أكثر من البنزين, فاذا انتشر استخدامه فى سيارات الركوب, يزيد الطلب عليه و يصبح تدعيمه عبئا على الحكومة,
و بالتالى سوف تعجز الحكومة عن تدعيمه و يزيد سعره, و تزيد تكلفة الشحن و النقل و المواصلات و التى تستخدم الديزل.

رد: ليه العربيات الديزل مش منتشرة فى مصر؟
 

حاجه كمان
حتي لو عربيات الديزل انتشرت فحتبقي فاشله
لان الديزل هنا في مصر مش نقي للدرجه
و دا بيخلي اصوات المواتير تبقي عاليه
و كمان اول حاجه بتبوظ في العربيه الرشاشات
و تلاقي اصوات العربيات في اول شهر عامله زي الميكورباصات كده
لان مش معقول حيغير رشاشات كل شهر بسبب الديزل اللي مش نضيف
علشان ما يسمعش الصوت دا

رد: ليه العربيات الديزل مش منتشرة فى مصر؟
 

ده طبعا سبب أساسى و لمستها بنفسى لما كانت الناس بتسألنى عن البيجو 407 ديزل و كانت متخوفة من نوعية الديزل الموجودة فى مصر,
صيانة الرشاشات المتكررة مش هتشكل تحدى كبير لصاحب ميكروباص أو عربية نص نقل لأن ده أكل عيشة, أما السائق العادى فهو محتاج لسيارة مريحة لا تحتاج لكثير من الصيانة.
محركات الديزل الحديثة اتطورت بفضل تكنولوجيا التربو ديزل حقن مباشر, و كانت فيات كروما أول سيارة تجهز بمثل هذا النوع من المحركات, و بدأت بعدها ثورة الديزل(لا تزال فيات تشتهر بأنها أفضل منتج لمحركات التربو ديزل فى اوروبا).
و هى ببساطة محركات ديزل حقن مباشر مزودة بشاحن هواء تربو, لكن مازالت مشكلة الصوت العالى و الاهتزازات غير المستحبة موجودة فى سيارات الديزل( يتم تجاوزها نسبيا عبر اعتماد كواتم للصوت و العزل و حوامل هيدروليكية للمحرك تمتص الاهتزازات).

رد: ليه العربيات الديزل مش منتشرة فى مصر؟
 

أعتقد أنها ثقافة
الناس متعودة على ان المحرك الديزل بتاع النقل و الميكروباصات و بعض الناس بتعتبره عيب انه يشترى عربية ديزل
مع ان التلوث الناتج من محركات الديزل اقل بكثير من محركات البنزين
كما أن السعر المبدئى للمحركات الديزل اغلى من البنزين و لكن على المدى الطويل الديزل اوفر طبعا لكن مصنعيات شغله اكبر و تكاليف صيانته اكتر كمان