مصر موتورز مجتمع السيارات - الابيزا 94 مع البنزين ال 80

السلام عليكم ..

لكل ملاك الابيزا 94 اللي بيحطوا بنزين 90 و 92 و اللي بص علي باب التانك و شاف مكتوبلها بنزين 91 و ده مش موجود في مصر

ماله البنزين 80 ؟!

شوائب ؟

مش موجود كتير ؟

كل ده يهون !

من حوالي شهر بدأت حياتي العملية و الشغل و الحمد لله معايا عربية و كنت متخيل انها هتسهل عليا جدا المشاوير و الشغل !

كل يوم بتقطع مسافه و مشاوير تقترب من 100 كيلو ما بين شارع رايق و شارع زحمه

20 لتر بنزين 90= 35 جنيه

لو كل يومين 200 كيلو يعني كل يومين بحط 20 لتر لان العربية بيبقي فاضل فيها حوالي 5 لتر

يعني 70 جنيه كل يومين و قيس علي كده باقي الاسبوع و الشهر هتلاقي مصاريف رهيبه للبنزين اللي بيتحرق اغلبه في الزحمه !

و تسيطر فكرة ال 80 علي دماغي لعدة اسباب ..

اولا: انا بتعامل مع محرك تخطي حاجز ال 420 الف كيلو و عمره اكتر من 16 سنة فا مش موتور جديد يعني هخاف عليه من ال 80 و الشوائب بتاعته

ثانيا:قريبا جدا هغير الموتور بأكبر و تكييف و هكذا

ثالثا:فرق السعر !!

جربت في البداية ب 10 لتر بنزين 80 و التانك كان فيه 5 لتر 90

و طلعت اكتوبر .. مفيش فرق في السحب ! الفرق الوحيد اللي حسيت بيه تسقيفه خفيفه لما بنقل بدري 3 rpm او اقل يعني انما 3500 مفيش تسقيف !

العربية جابت 140 عادي جدا بدون اي تأثير علي السحب او التسارع !

السعر ! 20 لتر بنزين 90 ب 35 جنيه

20 لتر بنزين 80 ب 18 جنيه يعني فرق 17 جنيه في جيبك !

الفرق بسيط لو هتحط مرة واحده و يكاد يكون فرق تافه كمان

لكن مع الاستمرار هتلاقي انك وفرت كتييييييييييييييييييييييي ر و ده اللي انا عملته

و التسقيف حله تقليل الكهربا شوية او تروح للميكانيكي و قوله الموضوع و هو هيظبط الكهربا

و نتيجة التجربة .. حطوا 80 و انتوا مطمنين !!!!