النور الواطى
 

الواحد زعلان اليوم يا جماعة.. زى ما كتير عرف أنا شارى عربية هيونداى ماتركس 2001 مستعمله كورى. المهم اليوم نزلت أدورها شوية علشان البطارية. ساعات ما حطيت المفتاح فى العربية لقيت لمبة البطارية والزيت الماتور مولعين فى كمبيوتر روحت مدور العربية واللمبات أختفت. طبعا السبب أنى مش شغلت العربية من يوم الجمعة واليوم الثلاثاء. المهم قلت أجرب الأنوار بتاعة العربية وخاصة إنى دورتها بالليل. لقت كلة شغال ( إشارات - شبورة - نور فرامل - نور عالى للفانوسين) ماعدا النور الواطى بتاع الفانوس الشمال الامامى لقيته مطفى أما لمبة الواطى فى الفانوس اليمين كانت شغالة. طبعا زعلت لانى مش عارف المشكلة فى أيه - هل فى اللمبة بتاع الفانوس نفسها أم هل السبب عطل فى فيوز بتاع النور الواطى - ام فى الوصلة اللى دخلة للفانوس.

طبعا أنا مش فاكر إذا كنت أخدت العربية كدا لما أشترتها من أسبوعين. لم افحص العربية وقتها لان الشمس كانت لا تظهر النور بتاع الفانوس.

أنا محتار.
1- ما سبب عطل لمبة الواطى بتاع فانوس واحد أما اللمبة التانية شغالة؟
2- هل هذا العطل قد يتكلف إصلاحه كثير من المال؟
3- هل لو اللمبة السبب وإنها محروقة هل أى لمبة ممكن تتركب فى الفانوس أم إن لكل عربية لمبة خاصة بها...

أنا محتار وضايق لانى مش عارف السبب فى العطل دة أيه... ولسة مش مرخص العربية واكيد فى الفحص هيلفت نظرهم الحكاية دى

محتاج خبرتكم

رد: النور الواطى
 

الحل سهل جدا
اذهب لاقرب كهربائى عندك اعمل فحص سريع للانوار وانشاء الله الحل سهل :اما لمبة او فيوز او فيشة مهزوزة
اوعى تشيل هم اى حاجة فى العربية سهلة انشاء الله

رد: النور الواطى
 

ولا تقلق يا باشا هى اكيد المبه محروقه والمبه دى بجنيه يعنى مش غاليه خالص لكن اهم حاجه تفك المبه القديمه وتجيب زيها ومتقلش كده

رد: النور الواطى
 

أولا أنا متشكر ليكم على سرعة الرد. بس الواحد إحساسة بالخم وقلة الحيلة بيبقى وحش. أقول لكم الصراحة أنا أصلا خايف أمشى بالعربية لان مش عليها نمر لسة. وخايف أكتر من صنيعية شبين الكوم اللى كلهم صنيعية حلوين فى العربيات القديمة ولكن العربيات الحديثة دى مش شفت ولا واحد بيصلح عربية نضيفة زى دى. يا بختكم يا أهل القاهرة. عندك الصنيعية الكويسة اللى تفهم فى العربيات الحديثة وعندكم التوكيل كمان.

متشكر يا كريم على حكاية إن اللمبة بجنية. الرقم ده يطمن. المهم بس ألقى هنا لمبة مناسبة. والكهربائية يعرفوا يفكوا الفانوس ويرجعوة مكانة بدون مشاكل.

رد: النور الواطى
 

ممكن تنزل بالعربية لطنطا بنمر تجارية تظبتها وترجع تانى بالف سلامة