|
أول مشاكلي مع اللانوس ارجوكم افيدوني
سيارتي لانوس 99 و شاريها من سنة تقريباً و هي أول عربية اركبها و بصراحة ما قصرتش معايا بس اليومين دول فيها حاجة غريبة و أول مرة اوديها لميكانيكي
الأول كانت بتلت 3/1 و وجدت العيب في الموبينة فتم تغيرها بواحدة جديدة صيني ب 170 جنية و مشيت كويس شهرين و بعدين من كام يوم بدورها اتأخرت في الدوارة و عملت فرقعه عالية من الشكمان و كمان وانا ماشي بطلت مني كام مرة و انا على السلنسية و ثاني يوم أخرت بردة في الدوارة و عملت فرقعة من الشكمان أقل في الصوت و بردة بطلت مني كام مرة رحت للميكانيكي قالي محتاجة طقم سرفيس وغير طقم بوجيهات و فلتر بنزين و فلتر هواء و سير كاتينة و منظف رشاشات ب 200 جنية و مصنعية 120 جنية و لكن بعدها لقيت نفس المشكلة بس السحب اصبح افضل و ما بطلتش مني تاخير الدوارة و الفرقعة بيكون بعد ركن العربية وقت طويل ( 5-6 ساعات) يا ترى يا هل ترى ده يكون عيب اية ان شاكك في الموبينة مع ان الغريب ان الميكانيكي لم يعلق على موضوع الفرقعة دة من ناحية انه يكون عيب كهربة ارجوكم افيدوني و لكم جزيل الشكر |
رد: أول مشاكلي مع اللانوس ارجوكم افيدوني
السلام عليكم انا اللى اعرفو هقوله لحضرتك وان شأء الله تجد ردود أخرى من الأعضاء الكرام بس تجربتى ديه عن السيارات الكربراتير معرفش زية زى الأنجكشن ولا لا. تاخير الدوارة ممكن تكون طرمبة البنزين او رادغ البنزين الفرقعه والتفتفة فى الشكمان يعنى دور العربية وبعد ما تسخن اطلع من العربية واقرب ودنك من الشكمان لو سمعت طرقعة وتفتفة من الشكمان ديه ظبط كهرباء وديه خلفيتى عن الموضوع أرجو أنى أكون أفدت حضرتك. أخوك محمد |
رد: أول مشاكلي مع اللانوس ارجوكم افيدوني
وسؤال كمان هل العربية لما تيجى طبطلها بتبطل علطول ولا بتلغبط معك وتنخع لو بتعمل كده يبقى الكهرباء زيادة. |
رد: أول مشاكلي مع اللانوس ارجوكم افيدوني
بص يا اخى اللى اعرفه ان اللانوس فيها حاجات لازم تجيبها اصليه ولا غنى عنها منها الموبينه لازم تبقى جى ام اصلى وتمنها حوالى 500 جنية عارف ان السعر غالى شوية بس للاسف الموبينه عندك هى روح العربيه لو فيها حاجه مبتتصلحش خلاص بتترمى على طول فلو موبينه يبقى ههات الجى ام وريح نفسك |
رد: أول مشاكلي مع اللانوس ارجوكم افيدوني
فعلا دة فى الغالب موبينة وهى فعلا غالية شوية بس ممكن تجيب واحدة استيراد تكون كويسة وربنا معاك
|
| الساعة الآن 02:15 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017