رد: تشطيب الشقة و الديكور
 

النوع الثانى للبنيوهات
الاكليرك (وده بقا فى منه أشكال وانواع كثيره منها يتم تركيبه قبل السيراميك ومنها من يتم تركيبه بعد السيراميك ومنها الجاكوزى
مرفق صوره لاحد البانيوهات لاكن الاشكال كثيره
وأفضلهم الديورافيت وأيديال أستاندر
الى فى الصوره راكب بعد السيراميك

رد: تشطيب الشقة و الديكور
 

النوع الثالث من البانيوهات
الزهر المطلى صينى(وغير مرغوب فيه لارتفاع ثمنه وشكله العقيم ووزنه الثقيل
النوع الرابع (الرخام وغير متوفر بمصرلارتفاع ثمنه
يوجد منه رخام طبيعى ورخام صناعى
فى فيلا مركب فيها واحد مستورد من 10سنوات على شكل فراشه بتنور فى الظلام عشان رخام طبيعى وكان ثمنه وقتها 25000 يا بلاش وللاسف معنديش صور ليه

رد: تشطيب الشقة و الديكور
 

اشكرك كثير يا ابو شروق ربنا يجعله فى ميزان حسناتك
اولا انا فعلا كنت رسمة الحمام زى ما حضرتك رسمت بس السخان فوق الكمبونيشن عشان المدخنة
ثانيا من فضلك البانيو انا اخترت البانيو السيرف 160 فى 90 ايديال بس خايفة من التركيب هل الدفن احسن او التركيب بعد السراميك انو افضل واحسن طريقة تركيب مع وانا مش فى امكانى اشترى الغطاء الجانبى بس لو هو افضل احسن ممكن تقول لى
ثالثا انا نوية احط الحوض المانتا ايديال استاندر بعد انتهاء فتحة الباب والكمينيشن تحت الشبال بس شمال شوية
انا مش حعمل بيدة
اية احسن نوع سيراميك الكليوباترا احسن والرويال فرز اول والجوهرة فرز تانى
ممكن تقولى اخر شى من فضلك مصنعية السباكةفى حمام زى دة مع عمل صرف غالسة كمان فية
ممكن اعرف احسن نوع خامات داخلية مع عمل صرف خارجى للحمام خاص بى ياخد تكلقة خامات ادة اية وشكرا جزيلا ربنا يجزيك كل خير:14369D~149:

رد: تشطيب الشقة و الديكور
 

أختيار ممتازللبانيو السيرف
بس المشكله أن عند التركيب قبل السيراميك لازم الصنيعى يكبس البانيو كويس من الخارج برمل ناعم مهزوز وذلك لضمان عدم وجود فراغات تؤدى لكسر البانيو لاقدر الله عند الاستخدام ولازم الدوران يتبنى كويس مع عمل حساب السيراميك عشان صنيعى السيراميك يعرف يشطب واجهت البانيو كويس
ويجب أختبار طابق البانيو كويس قبل التقفيل عليه بالطوب ومن أحس الانواع للطابق ألاتوماتيك الالمانى وسعره تقريبا 250
لاكن طبعا ميزة التركيب الخارجى بعد السيراميك مش محتاج خبره لأن لاقدر الله أى حاجه تحصل حلها ملوش علاقه بالسيراميك والتكسير مره أخرى
بالنسبه لانواع السيراميك فهى أزواق
ولايوجد أختلاف فى الخامه

رد: تشطيب الشقة و الديكور
 

بالنسبه للمصنعيات فهى تختلف
الصنيعى مصنعيته تقدر بخبرته وليس بحجم الشغل
لأن الواحد عندما يعمل فى أى مكان يبداء بأخراج أحسن ما لديه من خبره فى مجال العمل
والعائد على العميل هو أن يحصل على أفضل شىء فى منزله وهذا مجرد رائى
عن نفسى مصنعية الشقه حمام ومطبخ من 2500الى3000
وعلى فكره من رائى تعملى الشباك للحمام قلاب مثل الصور