مصر موتورز مجتمع السيارات - أعرف كل شئ عن السباكة

مصر موتورز مجتمع السيارات (https://www.masrmotors.com/vb/index.php)

- تجارب اﻷعضاء (https://www.masrmotors.com/vb/forumdisplay.php?f=178)

- - أعرف كل شئ عن السباكة (https://www.masrmotors.com/vb/showthread.php?t=56497)

رد: أعرف كل شئ عن السباكة

اقتباس:

المشاركة الأصلية كتبت بواسطة nktis (المشاركة 456858)

بارك الله فيك....
كنت عايز اعرف كان زمان فيه ماده بتنضاف في الحوض لو مسدود او تصريفه ضعيف.؟
اسمها ايه وتنجاب منين.؟

والله يا دكتور محدش رافع روحى المعنويه غير حضرتك والشيخ طارق بزيارتكم للموضوع
المادة دى كان زمان بيقولو عليه سباك زمان فى برطمان
وهى عباره عن حبيبات فوارة من الملح والصودا والبوتاس
وعند سكبها بالحوض تقوم بالفوران وأذابت الدهون وتصريفها
بس عيوبها ان بعد أذابت الدهون تتجمع فى أى كوع فى خط الصرف وبذلك لا ينفع غير سلك التسليك
لاكن انا اتكلمت فى الموضوع عن أفضل طريقه للمحافظه على صرف الحوض وتسليكه باستمرار وانا تحت امرك ممكن أشرح تانى
وعلى فكرة المادة بتباع عن أى موان او بتاع أدوات صحيه
وموجودة بكثرة فى السبتيه بالقاهرة لو عايز انا ممكن أجيبها لحضرتك واتفق معاك على طريقه أبعتهالك بيها
لاكن انا مفضلهاش ولك تحياتى:fun_36_3_11[1]:

رد: أعرف كل شئ عن السباكة

ربنا يخليك ويكرمك وشكرااا يا ابو شروق علي ذوقك...
القصه عندي في الصيدليه الصرف فجاه بقي ضعيف فواحد قالي كب فيه ميه نار هتسلكه وبصراحه خايف من ميه النار مع العلم ان مواسير الصرف بلاستيك....
وشكرااا مره تانيه والظاهر مش هينفع غير موضوع السلك او خرطوم وانفخ بقي..........ههههههه

رد: أعرف كل شئ عن السباكة

اقتباس:

المشاركة الأصلية كتبت بواسطة nktis (المشاركة 456886)

دكتور نفخ ايه فى طرقه كويسه جربها وقولى النتيجه
فك كوع الحوض من الحوض والحائط ونظفه جيدا بالماء والصابون
ثم ضع خرطوم طويل فى فتحة الصرف الحائط وسد الفراغ بين الماسورة الخاصه بالصرف والخرطوم بقطعة قماش مقصوصه كرباط الضغط الصغيرهتلفها على الخرطوم ثم تكبسها فى ماسورة الصرف

والطرف الثانى من الخرطوم تثبته فى مصدر مياة عن طريق قفيز مثل بتاع خرطوم الانبوبه
شرط ان يكون مصدر المياه ضغط المياه فيه يكون شديد وياريت لو المياه ساخنه من خلاط الحوض مثلا
ثم قم بفتح المياة على الاخر عملية الضغط وعدم التسريب من أى مكان من طرفى الخرطوم
هتؤدى الى ضغط المياة فى ماسورة الصرف وطرد أى سدد وتنظيفها وحاول تفتح البالوعه الى بيرمى عليها الصرف وبص فيها عشان أى شوائب هتيجى عليها ممكن تسدها لو ظهر أى شوائب شيلها أحسن تسلك الحوض تسد البالوعه

أتمنى ان أكون قدرت أوصلك الطريقه جربها وقلى النتيجه

رد: أعرف كل شئ عن السباكة

ربنا يباركلك يا ابو شروق .....
انت عارف اساس المشكله طلع ان نهايه الماسوره في التفتيش اللي في الشارع ببص علي نهايه الماسوره ولقيتها مسددوده بكيس والله اعلم هو واحد اللي عاملها ولا لعب عيال؟؟؟؟؟
المهم شلتها والتصريف رجع زي الفل.....

رد: أعرف كل شئ عن السباكة

اقتباس:

المشاركة الأصلية كتبت بواسطة nktis (المشاركة 457816)

تمام يادكتور ولو فيه أى حاجه انا تحت أمرك:fun_36_3_12[1]: