|
مسوجر دركسيون الماتريكس لا يعمل ؟
السلام عليكم
الحمد لله اشتريت ماتريكس لقيت مسوجر الماتريكس لا يعمل ؟ ايه السبب والحل من فضلكم وشكرا جزيلا |
رد: مسوجر دركسيون الماتريكس لا يعمل ؟
وعليكم السلام ورحمة الله وبركاتة صباح الخير والف مبروك على الماتريكس ربنا يهبك خيرها ويكفيك شرها
مسوجر الدركسيون ليه علاقة بالكونتاتكت وبعمود توجيه الدريكسيون فانت محتاج تتاكد ان المفاتيح اصلية وحالتها كويسة وبتدخل وتخرج الكونتكت بسلاسه وتجرب بعد ما تبطل وتشيل المفتاح من الكونتكت تحرك الدريكسيون لفة يمين او شمال علشان يشتغل فى حالة ان مفيش مشكلة فى الكونتاتكت غالبا المشكلة فى قفل عمود التوجية المشكلة ان الكونتاتكت شغلانة بتاع المفتايح والباقى شغلانة عفشجى او ميكانيكى فى رائى الشخصى لو المشكلة عندك ان المسوجر مبيقفلش .. مش بيقفل ويعلصج ميفتحش فديه اهون وممكن التعايش معاها خاصة كمان المفتايح والكونتكت تمام ومفيش مشاكل متدخلش نفسك فى فك وتركيب وممكن تجيب قفل دريكسيون خارجى http://i.ebayimg.com/00/s/NTY2WDg0OQ..._id=880000500F فى حالة ان عندك ميكانيكى شاطر وحافظ العربية وعلى قد الايد وانت لسه شارى العربية جديد روح اعمل الصيانة الدورية واتطمن على العربية كلها مكنة وعفشه وفرامل وخليه بالمرة يبص على قفل الديكسيون ويقولك رايه ان مكانش خليها مع صيانة عامة زى كدة ومش ضرورى تعملها دلوقتى |
رد: مسوجر دركسيون الماتريكس لا يعمل ؟
الحمد لله طلع بيسوجر بس بربع لفة اطول من لفة الفيرنا
بس الكونتاك نفسه حركتة تقيله وانا بطلع المفتاح المفروض اسمع تكة المسوجر مره تيجي علطول ومرة لأ الكهربائي بيقولى حطله زيت كهربا بتاع مواتير بسرنجة جوا الكونتاك الكلام ده اعمله ولا ايه السبب ؟ علما بانى برده بسمع صوت حفة لما بلف الدركسيون لفة بسيطة سالت ناس قالتلى يا علبة الدركسيون يا الاسكترا عاوزة تتشحم وناس تانية تقولى ظبط زوايا مع انى سافرت بيها وزواياها وترصيصها كويسين الحمد لله صوت الحفة منين ؟ وشكرا جزيلا |
رد: مسوجر دركسيون الماتريكس لا يعمل ؟
اولا بالنسبة للزوايا المفروض الكشف عليها دوريا زى الكشف على الكاوتش والفرامل لان ممكن مشوار او خبطة فى رصيف تخليها تخلف ومش شرط تبان على الطوالى
كمان كشف الزوايا لو مركز كويس بيبص تحت العربية على العفشه لو جلبة بتشاور عقلها بيقولك عليها لو الدريكسيون مش مظبوط ليه رجلاش بيظبطة لو حاجة بسيطة عايزة تربيط تتعمل لو حاجة كبيرة يقدر يجبها بزرجينة يقولك عليها ويعملها او يبعتك لعفشجى يظبطها وترجع تانى تكشف لما تظبط بنفس تكلفة الكشف والظبط الاصلية تزييت الكونتكت والكوالين مفيهوش مشكلة بعد كل فترة وحاجة شائعة وصح لكن الاختلافات فى نوع وطريقة التزييت هى اللى فيها اراء مختلفة والاصح والامن تستخدم WD-40 https://d2xngy2dw7hums.cloudfront.ne...0_2b7c1e02.jpg https://www.wd40specialist.com/image...y-Shot-NEW.png |
| الساعة الآن 05:54 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017