مصر موتورز مجتمع السيارات - نفسى العربيه تنطق

مصر موتورز مجتمع السيارات (https://www.masrmotors.com/vb/index.php)

- تعديل السيارات العــام (https://www.masrmotors.com/vb/forumdisplay.php?f=5)

- - نفسى العربيه تنطق (https://www.masrmotors.com/vb/showthread.php?t=36932)

نفسى العربيه تنطق

السلام عليكم ورحمه الله وبركاته.

انا بجد معجب بالمنتدى الجامد ده اووووى اللى بيضم احسن ناس بتفهم فى العربيات بكل انواعها ..وده اللى شجعنى وخلانى ادخل وسجل بعد ماتصفحت المنتدى .

انا عندى عربيه كريستاله 98..ولسه جايبها من حوالى شهر تقريبا.
وقررت ان ابدأ فيها حمله التجديد فيها.ولان خبرتى فى الصيانه وكده زى خبرتى فى الطيران فانا معرفش فيها حاجه اطلاقا..ptmnlo123per144 فأنا قررت اسأل اهل الخبره.
المهم..اناعايز ابدأ بالحاجات الضروريه فى العربيه..انا عندى الميكانيكى اللى بصلح عنده بس المهم انى ممكن حضراتكوا تعرفونى بالحاجات الضروريه اللى اشتريها فى العربيه ..اى حاجه ممكن تيجى فى دماغ حضراتكوا من سيور وزيوت وفلاتر ...الخ...وياريت اللى لو مش هتقل على حضراتكوا تكتبولى اسعار قطع الغيار ونوعها...لانى ساعه لما بروح عند بتاع قطع الغيار وبيعرف انى مش فاهم حاجه بيعملى من البحر طحينه..والحاجه10 ام بيخليها100.

وللعلم العربيه معديه ال100 الف كيلو بمراحل.

وياريت برضه اللى يقدر يضيفى اسماء اكسسورات وكماليات للعربيه ..انا هكون شاكر جدا.

وشكرا

رد: نفسى العربيه تنطق

اهلا و سهلا بيك استاذ قصبي(علي ما اعتقد من قرائه الاسم:) )
الف مبروك علي اللانسر
و ربنا يحميك من شرها يا رب
بص هيا العربيه مش محتاجه حاجه معينه
انت تنزل تشتري سيور من افضل نوع
سير الكاتينه دايكو ب 60 جنيه
و سير الباور و التكييف ب 40 باين و الدينامو ب 30
يعني حسبه 150 جنيه سيور
و فلتر الزيت ب 25 ياباني
فلتر الهواء ب 30 كوري و فلتر البنزين مش فاكر بكام بس مش غالي
و تغير الزيت كمان و تشوف لو تيل الفرامل بيصفر غيره في حدود 70 جنيه.
و عندك في القاهره كذا محل لقطع الغيار
احمد البلطي و دا رقم تليفونه
0123873280
0225782672
0225754759
اتصل بيهم اعرف العنوان بالضبط و دول قطع غيارهم موثوق فيها ان شاء الله

رد: نفسى العربيه تنطق

الاستاذ حازم جبلك المفيد
نغير طقم سيور و فلاتر
طقم بوجيهات جديد بالسلوك بتاعتهم
تكشف علي كل حاجه في المحرك
و شوف ايه اللي عايز يتغير او يتظبط و اظبطه
ارفع العربيه و اكشف علي العفشه و الشكمان و شوف ايه النظام
اكشف علي مجموعه الفرامل و الدبرياج و الدريكسيون و شوف ايه النظام برضه
الفتيس يتكشف عليه كويس و ظبطه

من برا بقه شوف لو عايز تديها وش رش نضافه مااااااااااااشي
شوف بقه شغل السمكره
غير فوانيسك لو مكسره و هكذا
و ده رأيي المتواضع

رد: نفسى العربيه تنطق

اولا :انا بشكر حضراتكوا على الردود والمعلومات دى
ثانيا:أنا اسمى محمود...اما بخصوص الاسم فده اسم لاعب كره اسبانى انا بعشقه....:HAPPY_~211:
ثالثا: انا من المنصوره ..وكنت ناوى انزل بورسعيد الاسبوع الجاى ان شاء الله علشان اجيب الحاجات دى.فلو الاستاذ pro mada اتكرم ورشحلى كذا محل من بورسعيد لقطع الغيار والاكسسورات وحضرته جاب عنوانيهم يبقى انا كده عاجز عن الشكر.

رد: نفسى العربيه تنطق

اقتباس:

المشاركة الأصلية كتبت بواسطة xabi (المشاركة 90386)

علي فكره انا مختش بالي ان حضرتك ضفت سؤال علي الموضوع بتاعك فعشان كده انا مردتش مش طناش و الله و لا تكبير دماغ

انا هقولك علي المحل اللي انا بتعامل معاه
اسمه ابو العز في منطقه ال 5000 وحده
و هما اتنين اخوات اللي بيديروه احمد و عمرو ( و عمرو ده صاحبي جدا )
فلما تنزل و تشرفنا في بورسعيد ياريت تكلمني علي الموبايل ( انا كتبه في التوقيع ) عشان نتقابل و نتشرف بحضرتك و نطلع علي ابو العز و نظبت العربيه ان شاء الله