تقرير عن امتلاكي لكيا سبكترا
 

طبعا الموضوع دا ممكن يكون ملوش لازمة لناس كتير وكمان العربية موديل 2004 بس المشكلة ان العربية دي مظلومة ومفيش ناس كتير تعرفها ولا تعرف حقيقتها
ولما لقيتها في فئة سعرية مميزة جدا في المستعمل حبيت اني اتكلم عليها واعرف الناس بيها
نبدأ بقي
_________________________ ________
اولا الكيا سبكترا عربية شيك وزات شخصية خاصة
العربية من جوا تقريبا التابلوه زي بتاع النوبيرا
قعدة العربية مريحة جدااااااا
العربية سحبها حلو مش وحش
ثباتها جميل انا جريت بيها لحد 180 مزودتش الصراحة
فراملها جميلة اوي مع انها مفيهاش abs
العربية لو لعبت بيها تلاقيها مجنونة وبتقولك انا عاوزة العب كمان وهتلاقيها خفيفة جدا في اللعب معاك
صاج العربية جميل جدااااااا ما شاء الله عليه
موتورها 1600 سي سي وما شاء الله عليه
_________________________ ____________
نتكلم بقي علي العيوب الي انا شفتها
العربية التجميع بتاعها من بعد ال 140 مش عالي اوي
مزعجة لان مش اي حد يفهم في صيانتها عاوزة واحدة فاهملها
قطع غيارها ليها اماكن معينة لازم تبقي عارف هتجيبها منين
بس كل حاجة موجودة تقريبا ما عادا الاكصدام الي قدام تقريبا تجار الاستيرات بيستغلوه اوي ويتحتكروه ويبيعوه بضعف التمن
بس يمكن ملقتش ليها عيوب تاني الصراحة
_________________________ ____________
العربية حمالة اسية جداااااا وتستحملك اياكان طبع سواقتك
العربية عالية عن الارض
العربية بتلعب من سعر 47 لحد 55
_________________________ ____________
الي عاوز اي سؤال بخصوصها انا موجود لاني بجد صعبان عليا انها مظلومة وعربيات كتير اوحش منها معروفيين
انا معرفتش قيمتها الا لما ركبتها ومش عاوز اغيرها الا علي الياباني وبالاخص الكورولا

رد: تقرير عن امتلاكي لكيا سبكترا
 

طب هو الموضوع لو مش عاجب الناس انا ممكن امسحو لاني حاطط الموضوع بقالو يوميين مشفتش رد واحد

رد: تقرير عن امتلاكي لكيا سبكترا
 

تسلم إيد يا باشا على هذه المعلومات , أنا فكرت إنى أجيبها بس خفت من ندرة قطع الغيار عموماً ربنا يباركلك فيها و يديلك خيرها و يكفيك شرها .:fun_36_1_39[1]:

رد: تقرير عن امتلاكي لكيا سبكترا
 

رد: تقرير عن امتلاكي لكيا سبكترا
 

ياريت لو ممكن صور للعربية علشان فى ناس متعرفهاش