لسه شاري لانوس 2000 اتوماتيك و عندي بعض المشاكل اريد ان اعرف سببها
 

السلام عليكم و رحمة الله و بركاته
انا لسه شاري لانوس 2000 اتوماتيك حالة ممتازة و عامله 178000 كم لكن يوجد بعض الاشياء اريد ان اعرفها خصوصا انا كنت من ركاب السيارات الامريكي و لا افقه شيء في الكوري و لسه مغير طقم فلاتر و بوجيهات وسيور
1- عند المشي علي السرعة من (30-40) كم يحدث رجرجه في العربيه(الدركسيون و دواسة البنزين) و رجرجه فوق ال (90) كم فقط
2- الايطالة في دوارة العربية(7 ثواني) عند توقفها لمدة نصف ساعة او اكثربقليل و لكن بددور علطول في الصباح
3- لمبة الباب بتنور لما بدوس علي الفرامل و لما بشيل رجلي من علي الفرامل تطفي ؟؟؟
4- التكييف البارد زي الفول لكن الساخن مش حلو
5- نقصان ماء الاربة بصورة ملحوظه و لا يوجد اي تسريب
6- صوت تزييق عند كسر الدركسيون يمين و شمال
7- احساي ان صوت الموتور عالي عند بداية الدوارة و بيقل شوية لما تسخن
8- بتاكل بنزين زيادة يعني ال10 لتر بيمشوني 90 كم
و يا رب الاقي عندكم الاجابة في منتدي مصر حبيبتنا

رد: لسه شاري لانوس 2000 اتوماتيك و عندي بعض المشاكل اريد ان اعرف سببها
 

الف مبروك العربيه و ربنا يديك خيرها و يحميك من شرها
محتاج الاول تضبط زوايا و تربط علي العفشه و بعدين تعمل ترصيص علشان الرجه فوق ال 90
اما الرجه من 30 ال 40 دي ليها كذا سبب بالترتيب
1.ممكن يكون عندك فرده كاوتش اماميه السلك بتاعها اتعوج و دا بيخلي فيه رعشه في بدايه الحركه و بعدين تنتهي
ممكن تعمل تبديل للعجلات الاماميه و الخلفيه و لو فضلت الرعشه موجوده يبقي الاحتمال التاني هو السبب

2.ممكن يكون فيه كوبلن داخلي مأتب و في الحاله دي تفك الكبالن الداخليه و تكشف عليه و لو لقيت واحد وحش تغيره و الدنيا حتتظبط
راجع علي كهربا العربيه و شوف شحن الدينامو و قوه البطاريه
طالما انت مغير البوجيهات
كده في سلك ملمس و محتاجه كهربائي يشوف التلميسه جايه منين و يعالجها بسيطه مافيهاش حاجه
سيبه كده مافيش منه مشاكل
راجع علي غطا قربه الميه ممكن يكون بايظ و بيسرب و تشتري غطا اصلي حتي لو استعمال وبلاش الغطيان المضروبه
عمود الدركسيون محتاج تشحيم برضه العفشجي يبص عليها و حاجه بسيطه
دا عادي لان الصبح السخان بيشتغل لتسخين العربيه و بعدين بيبدأ صوتها في الهدوء واحده واحده
دا الطبيعي في اللانوس انها بتاكل بنزين مش عيب ولا حاجه في عربيتك

رد: لسه شاري لانوس 2000 اتوماتيك و عندي بعض المشاكل اريد ان اعرف سببها
 

اولا مبروك على العربيه انا معايا نوبيرا وصاحب محل اكسسوار سيارت شوف التاخير فى الدواره ده كده فى رشاش بيسيل بنزين محتاج بيتغير بعدها مش عتلاقى المشكله دى
اما من ناحيه البنزين بيتاكل نظف حساس الهوا
و حساس الشكمان خرجه و نظفه بسلك مواعين ناعم او غيره لانه يقرا غلط فبلتالى يدى اموامر غلط للكمبيوتر فتستهلك بنزين و نظف حساس الكرنك
المياه بتنقص اكشف على ترمبه المياه تحت السيور وبجانب سير الدينامو بص على الريداتير من ناحيه خزان الفيبر فوق التكيف
موضوع التكيف السخن حتلاقى الواير التكيف خلف لوحه المفاتيح مرخرخ محتاج يتشد
و اى استفسار بعد اذن المنتدى اتصل بى لاى استفسار سريع
0125840209
اتمنى اكون افدتك

رد: لسه شاري لانوس 2000 اتوماتيك و عندي بعض المشاكل اريد ان اعرف سببها
 

بجد الف شكر علي سرعة الرد و علي المشاركة

رد: لسه شاري لانوس 2000 اتوماتيك و عندي بعض المشاكل اريد ان اعرف سببها
 

معايا لانوس 2002 اتوماتيك عندي مشكلة في تسريب زيت الباور من علبة الدريكسيون أفيدوني