((لاول مرة)) طريقة اصلاح موبينة لانوس.. بالتفاصيل والصور
المعروف ان موبينة لانوس (وغالبية موبينات الالكترونى ) من الاشياء الغير قابلة للاصلاح فى السيارة
بمعنى ابسط لما الموبينة الالكترونى تقطع ... علطول بتجيب واحدة جديدة او استيراد ودة اللى حصل معايا من فترة الموبينة قطعت ( واحد وتلاتة ) وبعد التظيف والتكحيت ....الخ مكنش فية مفر غير انى اشترى واحدة استيراد لكن من كام يوم جت فى دماغى فكرة طايشة انا لية مفكش الموبينة وابص عليها بصة هيا كدة كدة بايظة وكدة كدة هرميها فى السندرة مع كراكيب العربية يعنى ملهاش لازمة وعليها جبت الموبينة وبصيت عليها ملقيتش فيها غير 4 اطراف بتوع الفيشة و 4 اطراف بتوع سلوك البوجيهات وبس خلاص حاولت اقيس بالافوميتر ظنا منى ان ال 4 اطراف بتوع الفيشة متصلين ب 4 اطراف بتوع سلوك البوجيهات .... ملقتش اى استجابة ومفيش فيها اى حتة ممكن تفك منها غير الجزء المعدنى المتبرشم من جوة http://i1357.photobucket.com/albums/...ps5cf263b2.jpg جبت المفك العادة وبدأت رفع الجزء المعدنى المتبرشم بحرص لانى اول مرة افكة ومش عارف اية اللى تحتة http://i1357.photobucket.com/albums/...psb927972a.jpg ودة كان الشكل بعد رفع الجزء المعدنى http://i1357.photobucket.com/albums/...ps8acb5e0b.jpg دايرة الكترونية مصغرة ومتوصلة بالجزء اللى تحت المصمط عن طريق 6 نقط توصيل لحام وموجود عليهم كلهم مادة عازلة وتقريبا حرارية وعشان الوصف بتاعها يبقى مظبوط ....هيا شبة السيلكون الابيض اللى بيستخدموة بتوع الزجاج وشفافة وبتلزق فى الصوابع برخامة غريبة بدأت انضف الجزء المعدنى (اللوحة الالكترونية) ونقاط التوصيل اللى تحت بالجفت من المادة دى http://i1357.photobucket.com/albums/...psdca11bba.jpg http://i1357.photobucket.com/albums/...ps267e394b.jpg http://i1357.photobucket.com/albums/...psf5ddc0b8.jpg وبعدين عشان اتاكد من اتمام عملية التضيف بكفاءة اخدت البوردة والجزء المصمط وغسلتهم ببنزين تنظيف وفرشة اسنان http://i1357.photobucket.com/albums/...pse947e116.jpg http://i1357.photobucket.com/albums/...ps8a8aaa10.jpg ودة كان الشكل بعد عملية التنضيف http://i1357.photobucket.com/albums/...psb3c0dbb7.jpg ومسكت الافوميتر وبدأت اقيس كل المسارات اللى قدامى على البوردة لانى افترضت انى هلاقى قطع على البوردة الالكترونية مثلا او هلاقى جزء اللحام بتاعة فاكك او قصدير اللحام مشرخ فكنت هعيد علية بالهوت اير والفلكس لحام ولما لقيت كل النقط واصلة فمكنش قدامى غير انى افترض ان القطع اللى حصل كان فى احدى نقاط التوصيل الستة من البوردة الالكترونية الى الجزء المصمط وعشان اوصل ال 6 نقط دول بوصلات قصيرة (كبارى) فكان لازم اقصر نقط التوصيل فى الناحيتين عشان ميحصلش تلامس وانا بقفل فى الاخر لان المكان هيبقى مزنوق قوى وانا بقفل التقفيل النهائى دى نقط التوصيل وهيا طويلة http://i1357.photobucket.com/albums/...ps55a23fc2.jpg وهنا بدات اقص منها الطول http://i1357.photobucket.com/albums/...psc0273dbe.jpg http://i1357.photobucket.com/albums/...pse8d8f6c6.jpg ودة كان الشكل النهائى بعد القص http://i1357.photobucket.com/albums/...ps728475b0.jpg وبعدين بدات ازود نقط اللحام قصدير فى الناحيتين فى البوردة الالكترونية وفى الجزء المصمط http://i1357.photobucket.com/albums/...ps7b438f2c.jpg http://i1357.photobucket.com/albums/...pscec83668.jpg http://i1357.photobucket.com/albums/...ps667af6e0.jpg وبعدين جبت سلك 1 مم وقصيت 6 قطع طول كل قطعة 3 سم http://i1357.photobucket.com/albums/...psaec63cd5.jpg وبعدين عزلت 2 مم من كل ناحية وزودتهم قصدير وفلكس عشان اضمن كفاءة وسرعة اللحام عشان لما هاجى الحم هيبقى المكان مزنوق http://i1357.photobucket.com/albums/...psac55cfea.jpg وبعدين لحمت ال 6 اطراف فى الجزء الالكترونى تمهيدا للحام الجزء التانى من السلك (الكوبرى) فى الجزء المصمط http://i1357.photobucket.com/albums/...ps1435689d.jpg وبعدين جيت عند اصعب حتة وهى لحام السلوك القصيرة فى الست نقط اللى فى الجزء المصمط بحرص وبدون ما الكاوية تبوظ حاجة وكان دة اصعب جزء فى العملية http://i1357.photobucket.com/albums/...pse7e27202.jpg وبعد ما خلصت لحام جبت سيلكون حرارى وحطيت كمية لا بأس بها فى وسط الاسلاك عشان من ناحية تكون عازل حرارى ومن ناحية تانية تكون عازل كهربائى بين الاسلاك عشان ميحصلش تلامس بين الاسلاك وبعضها وبعدين رجعت قفلت الجزء المعدنى على الجزء المصمط بحرص وبطء شديدددددددددددددددددد وبعدين سبتها طول الليل عشان السيلكون ياخد وضعة وينشف علما بانة سيلكون حرارى يعنى بيمسك مع الحرارة وجيت تانى يوم وخدت الموبينة ورحت العربية عشان التركيب الاول فكيت الفيشة بتاعة الكهرباء http://i1357.photobucket.com/albums/...ps771ef89f.jpg وبعدين نقلت اسلاك البوجيهات بنفس الترتيب قبل ما افك الموبينة وبعدين بدات افك الموبينة اللى راكبة فى العربية http://i1357.photobucket.com/albums/...ps890fa6d4.jpg وبعدين شبطت الموبينة الجديدة بالمسامير بس ما ربطتش جامد عشان اجرب الاول يمكن الفكرة تفشل http://i1357.photobucket.com/albums/...ps5a54249f.jpg وبعدين جيت للحظة الحقيقة اختبار كل ما فعلتة يا ترى هتدور وتعد 4 ولا هتفضل زى ما هيا قاطعة واحد وتلاتة وسميت اللة وحطيت المفتاح فى الكونتاك ودورت وهوب دارت العربية على الموبينة اللى انا صلحتها استنيت شوية لحسن يمكن تقطع تانى او واحد من الاربع اطراف يقطعوا مفيش قطع........... تمام. ركبت العربية وقلت اختبرها فى المشى والسحب......... لقيتها عادية. قلت اجرب اجرى على سرعات فوق المتوسط 120 140 كم/س.......... الدنيا شغالة. رجعت تانى وبطلت العربية واستنيت لما هديت العربية وبردت وحرقت على المسامير بتاعة الموبينة http://i1357.photobucket.com/albums/...ps28515391.jpg فية تنبية بسيط الموضوع دة كلة كان مجازفة من الاول للاخر وكان اول مرة اعمل الموضوع دة وللامانة العلمية والايضاح انا لما فكيت مكنش عندى تصور واضح للى هلاقية فى الموبينة وللامانة برضو انا لما راجعت على الدواير الالكترونية الموجودة فى البوردة كنت براجع من باب التتبع البصرى والافوميتر مكانش فية مخطط ولا مانيوال اشتغل علية انا لا ادعى العبقرية ولكنى اجتهدت ولكل مجتهد نصيب ليا طلب بسيط من ادارة المنتدى وطلب بسيط من العضاء الطلب اللى من ادارة المنتدى انها لو شافت الموضوع انة يستحق التثبيت ارجوا الا يقوموا بتثبيتة الا بعد مرور شهر على الاقل (لان المواضيع المثبتة محدش بيدخل عليها غير الاعضاء الجدد) والطلب البسيط من الاعضاء ان لو اى واحد استفاد من الموضع انة يقرأ الفاتحة بينة وبين نفسة (فى سرة) لوالدتى يرحمها اللة لتكون فى ميزان حسناتها واى استفسار انا حاضر |
رد: (( لاول مروة )) طريقة اصلاح موبينة لانوس..بالتفاصيل والصور
حقيقى مش لاقى رد على موضوعك. غير بارك الله فيك فعلا مهندس حتى لو ماكنتش مهندس فى الحقيقة |
رد: ((لاول مرة)) طريقة اصلاح موبينة لانوس.. بالتفاصيل والصور
موضوع رائع طبعاً ويستحق التثبيت وربنا يجعله فى ميزان حسناتك
|
رد: ((لاول مرة)) طريقة اصلاح موبينة لانوس.. بالتفاصيل والصور
السلام عليكم بصراحه الله ينور عليك ويجعله في ميزان حسناتك ورحم الله والدتك واسكنها فسيح جناته والله المستعان |
رد: ((لاول مرة)) طريقة اصلاح موبينة لانوس.. بالتفاصيل والصور
بسم الله ما شاء الله ربنا يحفظك يا باشا ويفتح عليك كمان وكمان
|
الساعة الآن 09:05 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017