ال 126 كلت دماغى بتعديلاتها
بسم الله :)
منورين يا رجالة بالمنتدى الفظيع ده انا للاسف لسه عارفه امبارح : :( بس يلا ملحوقة انا كان عندى كمية استفسارات مبالغ فيها عن ال 126 ونفسى الاقى اجابات عنه انا عندى ريتمو وكنت مسقطلها موتور ريجاتا 1500 بس حاليا حصل فيها كسر فى القنطرة وشرخ فى الكرتيرة الشمال والعربية بقت ملاهى كاملة مش بتعوم بس دريم بارك :):10FEE3~144: هى الصراحة العربية حلوة جدا واعدتها مريحة وشكلها حلو بس انا شيلت منها ومش ناوى اركبها تانى هصلحها وارخصها وابيعها :w6w200504112236376d حتى هى حست انى استندلت معاها بعد العشرة الطويلة وراحت لابسه فى بلاعة وكسرة بلوك الفتيس والعصاية بتاعته عقابا ليا وانا رديت عليها وقولتلها مش مصلحك اترمى تحت البيت بقا :) انا شوفت فديوهات كتير وصور لل 126 كلت دماغى بس انا مستحيل اعرف اركبها بموترها ده مستحييييييييييييييييل :fun_36_1_51[1]: انا اول عربية ليا كانت bmw الشرك 1800 سى سى والريتمو بعدها مستحملتهاش فغيرتلها الموتور وبردو كنت بحس انى هطلع الموتور من الشكمان فكون انى اركب ال 126 بموترها ده ابقى بنتحر نفسيا :F_14WA~16[1]: انا عايز اظبط الريتمو وابيعها وبتمنها اجيب 126 واظبتها صح اوى وارتاح من القرف حتى لو صغيرة انا شوفت تعديلات كتير ومواتير كتير وتلت تربعها مش عارف دى مواتير ايه اصلا (صورة) وياترى ايه الى يركب عليها استاندرد او بتعديل بسيط؟ ولو مفيش او الى موجود تعبان زى الفيات ال 500 والكلام ده يبقى ايه الى ممكن يركب حتى لو هيتعدل جامد؟ وشوفت ناس مركبة مكن امامى بجر امامى او مكن امامى بدفع خلفى معمول فيها كل حاجة المفعوصة دى :) وايه امكانية التكيف فيها عشان اكيد السربنتينة هتبقى قدام لو الموتور ورا وبالتالى هيبقى فى لعب مواسير كتير والكلام ده انا مش عارف خطورته ايه مع المطبات وكده يعنى؟ وشوفت ناس لاغيه الكنبة الى ورا :) وفى منها موديل 3 باب وموديل الشنطة زى السيات 2 باب عايز اعرف ده موديلات سنة كام وده سنة كام ومين فيهم ال bis ومين ال p ؟ هل الى يركب على دى يركب على التانية ولا كل واحدة ليها تعديلتها عشان مشتريش واحدة والبسها ومعرفش اعدل لانى مش هعرف اركبها الا لما اعدل على طول وبالنسبة لتعديلات ممكن تتكلف كام ولو فى صنايعة محترمة ترشحوهالى خاصة سمكرى وميكانيكى بيفهم انا معنديش مانع لو غباء الصنايعية هيقرفنى فى حاجات اعملها بايدى طالما هقدر وكمان هبقى حابب كده :CONGRA~238: انا من القاهرة - جسر السويس :) ويا ترى التنك بتاعها كام لتر؟؟؟ وهو فين تحت الكنبة ولا فين معلش انا طولت عليكم بالاسئلة بس العربية كلت دماغى الصراحة ومش عارف حاجة عنها او تعديلاتها اتنمى مكنش تقلت :) رغم انى حاسس انى ناسى حاجات كمان :) :CONGRA~238::CONGRA~238:: CONGRA~238::CONGRA~238::C ONGRA~238::CONGRA~238: |
رد: ال 126 كلت دماغى بتعديلاتها
اهلا بيك وبشباب عين شمس وجسر السويس :CONGRA~238:
بص انا عامل موضوع عن تعديلات الفيات مش عارف شوفته ولا لاء بس هو تعديلات شكليه اكتر وطبعاً الفيات براند جامد وكل حاجة بس فى التعديل فكك منها واشترى دماغك وفلوسك وارجع للشارك تانى او ممكن تفكر فى جولف 2 رابيت |
رد: ال 126 كلت دماغى بتعديلاتها
العربيه ال 126 عربيه جميله لليحافظ عليها هى معانا من الزيرو سنة 93 كنا جيبينها ب 10300 جنيه من شركة النصر.عربيه عباره عن حتة زلطه و الله هى مركونة دلوقتى شويه بس مش عاوزين نفرط فيها لحد دلوقت مع اننا معانا اكسيل و سبيرانزا هى 600 سى سى و تبريد هواء مش مياه يعنى مفيهاش ريدياتير.وهى ديه مشكلتها السخونيه بس جمبله فى الزحمه قوى و فى الركنه مبتشغلش بالك فى الركنه خالص+ البنزين قليل قوى و الله لو مستثمر يعرف يشترى خط الأنتاج بتاعها ال متكهن من 15 سنه ده لو كان موجود و يحطلها موتور جامد شويه و الله العربيه ديه حتكسر الدنيا و يا سلام لو نزلت ب 18 ولا 20 الف حتبقى قنبله
|
رد: ال 126 كلت دماغى بتعديلاتها
اه و صحيح عندنا فى اسكندريه مش كل الميكايكيا بيحبو يشتغلوا فيها مش عارف فى منطقتك الميكايكيا بيدلعوا بردوا ولا ايه؟
|
رد: ال 126 كلت دماغى بتعديلاتها
اقتباس:
والله انا زى ما قولتلك امكانياتى هى العربية الى معايا بس مقدرش ازود عليها جنيه دلوقتى ومش بمزاجى انا لو عليا هجيب حته E30 ولا m40 واعيش اللحظة وانسى اى عربية تانية اتخلقت :) بس ده مش متاح حاليا ومقدرش امشى من غير عربية انا نسيت المواصلات بتتركب منين يا جدع :) كده بقالى بتاع 12 سنة مبركبهاش فصعب اوى تصرفش بسرعة ومعنديش استعداد ابيع واشترى حاجة فى حدود امكانياتى زى ال 127 ولا 128 والعك ده لان كلو عايز مصاريف وقرف شبعنا منه انا فكرت فى ال 126 عشان رخيصة وبقيت تمن الريتمو ممكن اصرف عليها تمنها مرة ولا مرتين مش مشكلة بس اركب عربية تريح دماغى من القرف المستمر ده لكن لازم تتظبط طبعا ومعنديش مشكلة تسحب كل تمن الريتمو بس ارتاح طالما هتقضى الغرض فعشان كده محتاس فى حوار التعديلات ده جدا بتاع الموتور والفتيس اما الشكل الخارجى والكلام ده مقدور عليه انا اصلا مهندس جرافيكس 3d والدنيا واقفة اليومين دول خاللللللللللص غهطلع الكبت التصميمى عليها بقى :10FEE3~144: صايع يعنى :) اقتباس:
انا على فكرة عاشق للعربيات القديمة ومبقتنعش بالزيو خاللللللللللللللللللللللل ص فحاسس بيكو :) بص بردو لو فكرتو تبيعوها قولى :CONGRA~238: طيب طالما العربية معاك متقولى هى بشنطة ورا باب تالت يعنى ولا الشنطة نص زى السيات ودى مودلات كام ودى كام؟ اقتباس:
والصراحة انت لو فاهم بتعمل ايه تروح لصنايعى نص نص وتقف على ايده وتشغله انت ده احسن حل انا وصلتو فى الاخر او لو واحد فاهم طبعا هيريحك جدا حتى لو حراق شوية بس يكون فاهم بجد مش فاهم كلام عشان دول كتير وتحس انه هو صاحب شركة بى ام دبليو وبيتواضع ويشتغلك فى عربيتك وتبقى هتعيط من كتر التواضع والخبرة الى هو فيها واول ما يشتغل تلاقى نفسك تلقائى بتشيل عصاية الفتيس وتجرى وراه بيها :10FEE3~144: طيب مفيش اى اقتراحات للتعديل او حد جرب معاها قبل كده؟ |
الساعة الآن 04:51 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017