جولف 1600 سى سى - 1400 سى سى تربو ما هو الافضل ؟ ومميزات وعيوب التربو
 

ارجو من اصحاب الخبرة انه يفرق بين العربيتين ؟فى كل حاجة فى السعر واداة المحرك وقوته وكدهياريت اللى فاهم يشرحلنا هل التربو كويس ولا عااااااادى يعنى ولاايهشكرا

رد: جولف 1600 سى سى - 1400 سى سى تربو ما هو الافضل ؟ ومميزات وعيوب التربو
 

انا والله مش من اصحاب الخبره لكن كل الى اقدر اقولو ان التيربو بيديك احساس بالقوه الشديده بس لو مش متركب كويس هيضيعلك الدنيا فى الموتور لانو بيتعمل على اساس حسابات كتيره واكيد هتحس بيه عند التسارع

رد: جولف 1600 سى سى - 1400 سى سى تربو ما هو الافضل ؟ ومميزات وعيوب التربو
 

اللى اعرفه

ان الجولف ال 1400 بتدى 160 حصان وسعرها 215 الف

اما الجولف ال 1600 بتدى 102 حصان وسعرها 174 الف


طبعا ال 1400 اقوى بكتير والصراحه العربيه ملهاش حل :lvly:

رد: جولف 1600 سى سى - 1400 سى سى تربو ما هو الافضل ؟ ومميزات وعيوب التربو
 

لو بتتكلم على الزيرو فأعتقد انك تقصد الجولف الـ TSI ...

موتور TSI عباره عن موتور راكب عليه تيربو تشارجر وسوبر تشارجر فى نفس الوقت ..

السوبر تشارجر بيزود عزم العربية على الـ RPM المنخفض .. ولما تبدأ تزود الـ RPM بيجى دور التيربو تشارجر ...

وعلشان كده الموتور ده بيطلع اقصى عزم ليه فى مدى كبير مش فى نقطه واحده ..

طبعا هو موتور جبار جدا وبييجى مع فتيس DSG الرائع ب 7 نقلات وبميزه double clutch واللى بتخليك متحسش بالنقله خالص ...

عيبه كعاده التكنولوجيا الحديثة فى مصر انه مش متناسب مع مصر .. ويحتاج بنزين 95 على الاقل ..

واكيد صيانته هتكون مكلفه جدا ....

رد: جولف 1600 سى سى - 1400 سى سى تربو ما هو الافضل ؟ ومميزات وعيوب التربو
 

نادرا لما تلاقي حد بيرد وفاهم

وعمتا رائ المتواضع مع موافقتي التامة لكل كلمة العضو الي فوق قالها

ان عربية ال 1400 تربو هيا كا (قوة ) تعتبر ممتازة جدا

بس هيعيبك في اعادة البيع + انك مجبر صيانة بداخل التوكيل

لأن الصيانة مش هتكون تغير زيت وفلتر ولا بي الاحساس

لاء دي بتبقي حسابات هندسية دقيقية ولازم الكمبيوتر يتوصل بالعربية بتاعتك كل فترة معينة