للملاك و المهتمين ... عشان الاونو تنطق !
 

أنا من فترة اقتنعت بسعر و بشكل و مواصفات الاونو .. بس الحاجة اللي مخلية الموضوع ده ميكملش هو الموتور الضعيف 1000cc اللي ممكن ميسعفكش في مطلع و انتا محمل ولا حاجة ... فهل في للاونو مواتير متاحة تسقط ليها و تكون برضو قطع غيارها موجودة و حنينة ... و ده ممكن هيعوز تعديل في العفشة و الفرامل ... فهل برضو الحاجات دي متاحة و مش معقدة ...
اما بقى بالنسبة للشاسيه و الثبات الضعيف ممكن يتحطلها بارات من تحت - زي الادا و 128 كده - و في المساعدين الامامي ولا ايه ...
و اخيرا :crazyW14: هل هي تقدر تسافر مثلا مطروح و فيها 4 شباب زي الفل و هي بحالتها من غير تعديل ..

و جزاكم الله خيرا على الخدمات اللي بتقدموها للناس .. و الغريب اعمى و لو بصير ..
و اسف عالاطالة بس انا عارف ان الناس هنا اخوات .. :36_1_1[1]:

رد: للملاك و المهتمين ... عشان الاونو تنطق !
 

ايه يا شباب شدوا حيلكوا .. هي الاسئلة من بره المنهج ولا ايه ؟! :fun_36_6_2[1]:

رد: للملاك و المهتمين ... عشان الاونو تنطق !
 

رد: للملاك و المهتمين ... عشان الاونو تنطق !
 

اهلا و سهلا بيك في مصر موتورز
الاونو سياره ممتازه و مدنيه في الاصل
لكن لا مانع من السفر بالسياره ان كانت بحاله ممتازه
يعني العفشه و قواعد الموتور مضبوطه و الموتور كويس تسافر بيها و انت مطمن
لكن طبعا من غير قرص علي الموتور
عاوز تجري اجري لكن بلاش القرص علي الاونو او اي عربيه عموما
بالنسبه للمواتير حتلاقي مواتير كتير تركب للانون
اقوي موتور كان 1300 تيربو بيخرج حوالي 110 حصان اعتقد
بس دا بيخلي العربيه زي الطلقه و محتاج تعديلات كتير و دماغ فايقه له
من الاخر حيبقي عملي للشباب المتطلب للسرعه فقط
عندك كمان مواتير الريجاتا ال 1300 تركب علي الاونو و حتحتاج تكبير اقرص الفرامل فقط
و علي فكره الموتور بتاعك كويس جدا و سحبه كويس لا بتقف علي مطالع ولا حاجه
(ليا واحد صاحبي كان جايبها زيرو في 98 و كان بيجيب بيها 180 علي الطريق!!!)
اما بالنسبه للثبات حيبقي المفروض تجيب عفشه سبور او اقل واجب مساعدين مونرو
بس لازم تكون العفشه عندك رقم واحد و الا المساعدين حيبهدلوا العفشه
و بالنسبه للبارات حاول تشوفها استعمال عند اي حد بيكون جايب عربيات اونو متقطعه

رد: للملاك و المهتمين ... عشان الاونو تنطق !
 

انا فعلا شوفت واحد رجع من مطروح للقاهرة ب 128 و كان فيها عيلة و شايل على السقف مخدات ... :crazyW14: بس طلع الساعة 10 صباحا .. و وصل 6 بليل .. اكيد وقف في كل الاستراحات
بس فعلا لو العربية كويسة و امان يعني ممكن تسافر بس 80 او 90 يبقى حلو عليها