|
ما هي الصيانه الدوريه للماروتي؟؟
السلام عليكم ورحمة الله وبركاته
يا ريت يا جماعه حد يقلي السيور الي لازم اغيرها كل فتره هي ايه و اغيرها بعد كام كيلو و يا ريت لو حد يعرف امتي اغير سير الكاتينه لماروتي 2008 يقلي عشان العربيه عاندي عامله 17000 كيلو و مش عارف اغيره امتي و الكتالوج كاتب ان سير الدينامو يتغير كل 40000 كيلو و الكاتينه كل 100000 كيلو بس انا روحت النهارده عند كهربائي و قلتله انا عاوز اغير سير الدينامو عشان لما اجي ادور العربيه بسمع صوت صفير بص علي السير و قلي السير حالته كويسه و ده بتاعها الاصلي هو بس مرخي و عاوز يتشد شويه و اصبر عليه شويه لغايت متغيره عشان هو مفهوش اي شقوق او تأكل فقلتله خلاص ماشي شده و ظبط كل حاجه و كله تمام بس انا كونت عاوز اعرف ايه الي لازم اغيره كل فتره للعربيه ذي سير الدينامو و سير الكاتينه و فلتر البنزين و فلتر الهواء و لو في حاجه تانيه بتتغير يا ريت يا جماعه حدي يقلي هي ايه و بتتغير كل اد ايه عشان ان مش عاوز العربيه تعمل معايا الدنيئه :) و جزاكم الله كل خير م معلش السؤال طويل بس انا لسه جديد في موضوع العربيات ده. |
رد: ما هي الصيانه الدوريه للماروتي؟؟
متابع معاك . نرجوا الافادة العامة للجميع لمن له خبرة في هذا الموضوع |
رد: ما هي الصيانه الدوريه للماروتي؟؟
اين الردود يا جماعه :)
|
رد: ما هي الصيانه الدوريه للماروتي؟؟
السلام عليكم..
انا هكتب لحضرتك اللي انا عارفه ...غير كدة ممكن الاعضاء يساعدوا حضرتك.. الزيت بغيره حسب عدد الكيلوات بتاعته....فلتر الزيت بغيره (مرة ومرة).. فلتر البنزين حسب الكيلوات بتاعته....فلتر الهوا برضو حسب الكيلوات بس تقريبا 5 الاف كيلو...سير الكاتينة ده بقي اهم حاجة لان لو اتقطع (لا قدر الله زي ما حصل معايا) بيجيب صبابات وبيبقي حوار بيأثر علي كل حاجة ف الموتور..ولما اتقطع معايا كانت الماروتي عاملة 28 الف كيلو..اعتقد حضرتك تغيره دلوقتي افضل(ع فكرة هو تمنه 50 جند بس ) وبالمرة تغير معاه سير الدينامو... ده اللي انا اعرفه..ربنا يقدملك اللي فيه الخير ويبعد عنك شرها.. |
رد: ما هي الصيانه الدوريه للماروتي؟؟
|
| الساعة الآن 11:35 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017