رد: حجزنا البرليانس v5 2015
 

الف مبروك مقدما .... ربنا يديك خيرها و يكفيك شرها .. بس انا ليا اعتراض صغير على حاجة حضرتك كتبتها فى التقرير بتاعك....
سمك الصاج 5.5 مم ؟؟؟؟ ده كتير اوى على صاج اى عربية .. اغلب صاج العربيات بيكون 0.6 مم و الله اعلم

تقبل مرورى

رد: حجزنا البرليانس v5 2015
 

بس على كلام الراجل مسئول المبيعات فى المعرض قلى انها 5.5 والهيونداى ix35 3.2 بس هحاول اتأكد برضه من الموضوع ده

رد: حجزنا البرليانس v5 2015
 

تحياتي لك أستاذ محمد و مبروك عليك السيارة
حبيت أقول لحضرتك اني الحمد لله استلمت العربية V5 High Line 2015 و العربية فيها وحدة رفع و أنا جربتها بنفسي.
بس لازم تفعل الاوبشن بتاع رفع الزجاج عند غلق السيارة بالريموت تقريبا اسمه(Auto Close Window ) من قائمة Comfort من كمبيوتر العربية، و كمان عشان الرفع الاوتوماتيكي يشتغل لازم تدوس على زرار ال Lock في الريموت ضغطة طويلة شوية....حبيت أوضح لحضرتك علشان ما تروحش تركب و حدة رفع و هي موجودة أصلا.
تحياتي...حاتم

رد: حجزنا البرليانس v5 2015
 

ان شاء الله هنستلم فى خلال اسبوعين
بس حضرتك متاكد ان الى مع حضرتك 2015 اصل الموزع الى كان معانا فتح وقفل العربيه كتير ونزل الزجاج ودور السياره وقفلها وفضل يفتش كتير وجرب على سياراتين 2015 والزجاج مش بيرفع مع غلق السياره ده يدل ان 2015 مفهاش وحده رفع بس 2014 كان بيقولنا ان كان فيها وحده رفع فانا مستغرب الصراحه :w6w200504112220146b

رد: حجزنا البرليانس v5 2015
 

صباح الخير أستاذ محمد
أنا بحمد الله رخصت العربية النهاردة 2015 و بزجاج خلفي و جانبي غامق (فيميه) فموضوع انها 2015 ده ما فيهوش شك، السؤال هنا هل الموزع دخل على قائمة Comfort في كمبيوتر العربية و فعل غلق الزجاج أوتوماتيكيا؟ واضح انه لأ، وواضح انه بيريح دماغه و بيقوللك انها نازلة من غير وحدة رفع، والا لو هو عارف و عنده معلومة انها من غير وحدة رفع...ايه اللي يخليه يقعد يجرب!!؟؟
ان شاء الله لما تستلمها حضرتك ابعتلي و أنا اقول لحضرتك تفعل وحدة الرفع ازاي.