رد: م/احمد مهران
 

استكمالا للموضوع بس من ناحية اسعار المتحدة احب اضيف المشاركة وهى الحقيقة عبارة عن موضوع لسة نازل امبارح بس وبيأكد ان المتحدة بتسعى انه توصل لافضل شىء مرضى للعميل

بسم الله الرحمن الرحيم

السلام عليكم و رحمة الله و بركاته

http://a7lashare.com//uploads/images...4fd61d32f5.gif

السادة المحترمين المتعاملين مع مركز المتحدة .....

النهاردة عندى اخبار كويسة للكل بس هى هتبدأ خلال ايام فقط لمالكى ال 516 ثم تتبع باذن لكل موديلات الاسبرانزا و ال بى واى دى

ايه الموضوع ؟؟؟؟؟؟؟؟؟؟؟؟؟

الموضوع انه من حوالى سنة تقريبا تعرفنا باحد الناس وهو الاستاذ / خالد حجاج وهو صاحب شركة متخصصة فى قطع غيار التوك توك والموتوسيكل وهى شركة الصفا للاستيراد . وعرفت بانهم يدرسون وبالفعل يقوموا باستيراد قطع غيار السيارات الصينية ولكنهم حريصين على اسمهم وعلى ان تكون قطع الغيار المستوردة من خلالهم منتجات بمستوى عالى من الجودة بمعنى هاى كوبى او انها تكون اصلية بنسبة 100 %

وباعتبارنا ناس اصحاب خبرة جيدة فى التمييز بين قطعة الغيار الاصلية والاخرى ذات الجودة الرديئة فقد قام الناس بزيارتنا وتم التعارف بينا وتم الاتفاق على الاتى :

1 – ان تقوم المتحدة بمد الصفا بكل المعلومات الفنية التى تمكنهم من استيراد قطع الغيار الجيدة بمعنى كوبى الاصلى او قطع غيار اصلية فعلا

2 – يكون للمتحدة الحق فى الحصول على اسعار قطع الغيار بسعر اليد الاولى من المستورد ( شركة الصفا ) وده طبعا معناه هيكون سعر قطعة الغيار مماثل الى حد كبير جداااااااا اسعار محلات قطع الغيار بالتوفيقية وشارع دمشق و غيرها ممن سيتعاملوا بنفس نوع قطع الغيار سواء اصلى او كوبى ......

المهم :

بعد العمل بجدية من الصفا وتوفير قطع الغيار الان اصبح فعلا موجود الان تشكيلة كبيرة جدا من قطع الغيار تغطى تقريبا بنسبة 75 % جميع قطع غيار ال 516 والمفاجأة انه بها اصناف كتير اصلية بنسبة 100 % حاجة محترمة فعلا وكمان اصناف كتير من الكوبى فيها اللى ممكن فحصه بالعين المجردة والتأكيد على انه جيد فعلا يمكن ضمانه بدون اى نسبة قلق وبعضها لا يمكن التأكيد على انه جيد الا بعد اختباره فى التشغيل . ولكن ده من وجهة نظر المتحدة اما استاذ / خالد فيؤكد على انه مثل هذه القطع ( صاحبة الحاجة الى الاختبار ) منتقاه من مصادر موثوق فيها بالنسبة له وتستحق الضمان وربما يمكننا التوصل الى اتفاق بان تقوم شركة الصفا بضمانها ضمان رسميا من خلال المتحدة واعتقد انشاء الله انه ممكن يحصل ده عموما القطع دى فعلا الفنش بتاعها فعلا شكله مخدوم وانشاء الله تثبت جودتها .

الحقيقة الموضوع فى شوية تفاصيل بسيطة لسة عايزة تاخد الشكل النهائى قبل اما يتم البدأ بالعمل فى التخفيضات الجديدة ولكن المهم انه انشاء الله هيتم زى ما وعدت خلال ايام انشاء الله . وباذن الله هتكون حاجة مفيدة لكل من المتحدة والصفا ومالكى الاسبرانزا .

ودلوقتى و لاول عايزين مشاركاتكم لانه ممكن يكون فى استفسارات كتير تفيد وتوضح اهمية الموضوع بالنسبة للجميع . لانه ولا اخفى عليكم مدى استمرار مثل هذا الاتفاق واستمرار المتحدة فى الالتزام وايضا الصفا واجتهادها فى ان تقوم بتغطية كاملة لقطع الغيار لكل فئات السيارة مرتبط بمدى انتشار معرفة الناس وتعاملهم مع هذه المنتجات . واما عن المتحدة والتزامها فى وعودها وحرصها على سمعتها فاعتقد ان ما يقرب من سنتين تعامل مع مالكى الاسبرانزا تكفى لطمأنة الناس لهذه المنتجات وايضا شركة الصفا ليست شركة يملكها فرد يذهب للصين ينتقى بعض قطع الغيار على طريقة تجار فوانيس رمضان يعنى . فهى شركة اقصد الصفا طبعا هى شركة مصرية رأس مالها بالملايين – ربنا يزيدهم ماشاء الله - ولها ادارة حكيمة ولهم مكاتب دائمة ومستقرة منذ عدة سنوات ما يقرب من 10 سنين على الاقل فى الهند والصين وسوف اضيف هنا فى الموضوع لاحقا صور ومعلومات اكثر عن الصفا باذن الله .....

رد: م/احمد مهران
 

وممكن حالا ندى فكرة سريعة كدة عشان الناس تبسط معانا لغاية اما اجهز كشف كامل
بس فى الاول عايز اوضح حاجة مهمة اوى انه اللى هنقول عليه اصلى ده يعنى زيه زى بتاع العربية اللى بتيجى به من شرركة شيرى نفسها مع العربية واللى راكب العربية زيرو هيعرف معنى الكلام ده بنفسه
واللى هيتقال عليه الصفا ده يعنى حاجة هاى كوبى محترمة
اكصدام امامى فبر - الصفا 120 جنيه
اكصدام خلفى فبر - الصفا 150 جنيه
اسطوانة دبرياج - الصفا 150 جنيه
بلية دبرياج لوك اصلى 300 جنيه
حساس البيئة ( حساس الشكمان ) اصلى 190 جنيه
حساس البيئة ( حساس الشكمان ) الصفا 140 جنيه
صرة عجل امامى الصفا 275 جنيه
حساس سرعة اصلى 90 جنيه
صرة عجل خلفى الصفا 200 جنيه
طقم تيل فرامل امامى اصلى 110 جنيه
طقم تيل فرامل الصفا 70 جنيه
فلتر بنزين اسبرانزا اصلى 25 جنيه
فلتر بنزين اسبرانزا الصفا 15 جنيه
فلتر زيت اسبرانزا الصفا 20 جنيه
فلتر هواء اسبرانزا الصفا 15 جنيه

رد: عروض مركز خدمة المتحدة - سبيرانزا شيرى
 

أستاذ محمود
إيه أسعار سير الكاتينه والبلى وكذلك مصنعيه التركيب حيث قد قرأت أن المتحده قد رفعت أسعارها سواء لقطع الغيار أو المصنعيه حتى أنها أصبحت تفارب سعر أبو الفتوح وشكرا

رد: عروض مركز خدمة المتحدة - سبيرانزا شيرى
 

انا شايف ان الموضوع الكلام فيه كتير اوى عن تجربه مع المتحده الناس دى فاهمه اوى فى العربيه وافضل من الوكيل فى حاجات كتير جدا وبيقدم خدمه ممتازه وبتحس انك شايف شغل صح فى عربيتك بعكس مراكز الخدمه الفاشله الللى تبع ابو الفتوح والمووضع مش حكايه اسعار قطع غيار ومصنعيه الموضوع انك تعمل شغل صح وبالتالى اللى عايز يحافظ على عربيته يعامل معاهم واللى مش فارقه معاه يروح لااى ميكانيكى عامل نفسه فاهم وهياخد منه نص الفلوس ومعاه ربنا بقى.

رد: عروض مركز خدمة المتحدة - سبيرانزا شيرى
 

حضرتك الموضوع اللى حضرتك قريته فيه سوء تفاهم من صاحب الموضوع وقد تم التوضيح له بالفعل وازالة سوء التفاهم ...
واما عن زيادة الاسعار والكلام ده اعتقد ان الموضوع اللى حضرتك بتقراه دلوقتى اكبر دليل على انه فيه تغير فعلا بس لصالح العميل وللتكلفة الاقل فى كل شىء وبالنسبة للكاتينة فحالا سوف اضيف مشاركة فيها توضيح كامل لتكلفة تغير الكاتينة فى المتحدة وسيكون بها جديد فى شكل ومضمون العرض الخاص بالكاتينة بالنسبة لاسبرانزا ... اتمنى انه تكون وصلت لحضرتك المعلومة مافيش زيادة فى عروض ومالهاش علاقة باى نقد او سوء تفاهم حضرتك قريته وانما هو نتيجة شغل من سنة تقريبا مع شركة الصفا لاستيراد قطع الغيار ... وشكرا

رد: عروض مركز خدمة المتحدة - سبيرانزا شيرى
 

السلام عليكم ورحمة الله وبركاته

تغير طقم الكاتينة من الحاجات المهمة جدا اللى مافيهاش هزار واللى خدت مننا وقت كتير اوى عشان نقدر نوصل لحل مناسب فيها على ان يكون الحل متسم بالمرونة فى السعر وحتى يتاح امام العميل الاختيارات المناسبة والجديد هنا هو شكل ومضمون الاختيارات مع تعديل فى السعر لصالح العميل خصوصا بعد الامتيازات التى توفرت لنا من خلال الشراكة فى العمل مع الصفا

بالاضافة الى عرض فعلا جديد لم يكن موجود بالمتحدة من قبل ايضا اتيح لنا من خلال الاتحاد مع الصفا
ندخل فى الموضوع

هنقول مثل بس كدة على ال 516 الاول عشان الناس تعرف النظام الجديد

دلوقتى لما يجى حد يغير طقم كاتينة فى المتحدة هنركبله الطقم ونراجع العربية وكله تمام و عند الحساب هنخيره ما بين اختيارين


اولا : انه يكون سعر طقم الكاتينة هيكون 650 ج وده طبعا سعر جديد بخصم 50 ج عن السعر الحالى وعليه ضمان 30000 كم او سنة ونص مع العلم اننا عارفين انه يمشى 40000 كم انا شخصيا هغيره فى عربيتى اليومين دول وماشى به 41000 كم- والفرق فى مدة الضمان ده ليه سبب ليه علاقة بزحام المرور الحاصل فى البلد بس مش مجاله دلوقتى عشان منخرجش من الموضوع بس - وده اقصد يعنى ان السير بيعيش ل 40000كم على فكرة انا شوفته كتير مع عربيات التاكسى الراجل ده بيعمل 40000 كم فى كام شهر ويجى يغير تانى عشان كدة بنعمله خصم بسيط وكدة

ثانيا : ان العميل يحاسب على سعر الطقم ب 550 ج فقط زى سعر المحل اللى ممكن يشتريه منه لو هو يعرف يميز الاصلى من اللى مش الاصلى بس طبعا هيكون زى المحل بدون اى ضمان من المتحدة وهنا معناه انه هيتحمل المخاطرة اللى نسبتها من 1% : 3% لو حصل فى الطقم اى مشكلة على حسابه

طبعا القطع اللى فى العرض الاول والثانى هى هى نفس القطع وهى نفسها القطع اللى احنا بنشتغل بيه من سنتين فى المتحدة وقبل كدة باربع سنين من خلال شغل الشباب قبل المتحدة . وعشان كدة انا خليت العميل يختار السعر بعد التركيب عشان محدش يفكر انه اللى من غير ضمان هيكون حاجة سيئة - والحمد لله اعتقد الناس تعرف اننا عندنا ضمير - بس طبعا الكلام ده مافيهوش هزار ولا خواطر ده شغل ومسئولية عشان نكون واضحين اى حاجة ممكن الواحد يتحملها بسهولة الا الكاتينة خسائرها لو حصلت بتكون كبيرة طبعا .

الشرح السابق ينطبق كسعر لطقم الكاتينة وهو 550 ج بدون ضمان او 650 بالضمان بالنسبة للسيارات
ال 516 و ال ام 11 والتيجو

وبالنسبة لتكلفة التركيب هى 150 ج لل 516
و 175 ج لل ام 11 ده بعد فصالى مع محمد رشاد طبعا هههههههه
والتيجو تركيب 200 ج

وطبعا اسعار التركيب شاملة الصيانة الدورية كاملة يعنى تغير بوجيهات او تنظيفها على حسب .نفس الشىء بالنسبة للفلاتر مع تربيط العفشة ومراجعة السيارة بالجهاز وغسيل المحرك

والجديد بئة وده طبعا مرتبط ايضا بالشراكة الى تمت بين المتحدة وشركة الصفا للاستيراد هو والتخفيض اللى حصل فى الاسعار اعلاه ولكن المرة دى من ناحية الجودة مش السعر


وهو عرض جديد من نوعه لم يسبق وجوده بالمتحدة من قبل

ايضا خاص حتى الان بال 516 وال ام 11 والتيجو

وهو توافر الطقم الاصلى للسيارة واللى كلنا عارفين انه بيكون امن وكلنا بنمشى به اول مرة لغاية 60000 كم والمتحدة هتضمنه لمسافة 50000 كم فعلا وده هيكون سعره 750 ج ومافيش منه من غير ضمان .

واما بالنسبة لل 113 فهيكون السعر بالبضمان 675 ج بخصم 25 ج فعلا من المتحدة و هيكون السعر بدون ضمان 575 ج وتكلفة التركيب هتكون 200 ج

ومش عايز الناس اللى معاها 113 تزعل لانه انشاء الله مع توافر قطع غيار من خلال الصفا لباقى موديلات اسبرانزا اكيد بردوا هتفرق شوية لكن ده لسة مش متاح فعلا .

حاجة مهمة لازم اقولها طبعا سياسة التسعير اقصد بضمان ومن غير ضمان دى اصلا مش موجودة عندنا الافى حاجات نادرة زى المساعدين الانسر والكاتينة حاليا ووالله معرفش حاجة تانية . اقصد ان سياسة الضمان عندنا هتكون هى هى زى ما انتم متعودين عليها عندنا . ولكن المرة دى حاولت اقرب الفرق اللى ناس بتحسه عندنا فى سعر الكاتينة وفى نفس الوقت اوازن حجم المخاطر اللى ممكن تتحملها الشركة عندنا .لانه الموضوع فى النهاية شركة الهدف منها انشاء الله الربح احنا مش منتدى يا شباب . بس طبعا اولا مكسبنا هو حب الناس لينا وتعاملكم معانا لانه هو ده اللى انشاء الله يحقق الربح

وتحت امر حضراتكم فى اى استفسار .

رد: عروض مركز خدمة المتحدة - سبيرانزا شيرى