أجيب ريو ولا إيجاد قطع غيارها بعد كده هيسبب مشكلة ؟
 

السلام عليكم
أنا كنت عايزة أجيب ريو بس خايفة من موضوع قطع غيارها لإن العربية مش منتشرة أوى ، لأن ده أول عربية لى _وطبعآ خبرتى محدودة جدآ بالعربيات -و ناوية العربية تظل معى فترة طويلة إن شاء الله ،فيا ترى هلاقى قطع غيارها بسهولة بعد فترة فى التوكيل و إذا لم يوجد به هل ممكن الاقيها بره بسهولة لأنى خايفة بعد فتره الموضوع ده يسبب مشكلة لى و أيهم ممكن تكون أكثر إنتشار فى موضوع قطع الغيار السيدان و لا الهاتشباك ولا مبتفرقش ، ولا أفكر فى حاجة تانية أحسن
وشكرآ وعذرآ للإطالة

رد: أجيب ريو ولا إيجاد قطع غيارها بعد كده هيسبب مشكلة ؟
 

هى السيدان طبعا بتبقى اكتر انتشارا
وعموما هى هتاخد وقت حسب سرعة انتشارها عقبال ما تبقى قطع غيارها متوفرة بس مش كتير ان شاء الله
بس هى عربية ممتازة ويفضل ان حضرتك فى الفترة الاولى انك تتعاملى مع التوكيل
ولو عايزة عربية كويسة جدا ومنتشرة هى وقطع غيارها وقريبة من الفئة دى ممكن تفكرى فى اللانسر

رد: أجيب ريو ولا إيجاد قطع غيارها بعد كده هيسبب مشكلة ؟
 

شكرآ جزيلآ للرد ، أنا فعلآ إن شاء الله ناوية أتعامل مع التوكيل بس أنا خايفة بعد مده ملاقيش قطع الغيار و أتعذب عقبال ما ألاقيها و انا الحقيقة معنديش حد عنده خبره و ممكن يدورلى زى ما بيحصل مع الناس اللى معاها عربيات مش منتشرة أوى ،،أنا كنت بفكر فى السيراتو كمان بس حاسة إنها كبيرة شوية على يعنى الريو ملمومة شوية عنها،، و الحقيقة انا مش برتاح لانسر أوى

رد: أجيب ريو ولا إيجاد قطع غيارها بعد كده هيسبب مشكلة ؟
 

بالنسبه للريو تحديدا الهاتش باك منتشر اكتر وشكلها احلي من السيدان من وجهه نظري
وبما انك بنت يبقي الهاتش باك انسب لحضرتك
توافر قطع الغيار متقلقيش منه العربيه متقطعه في الحرفيين كتير وموجوده اللي مش هتلاقيه عند الوكيل موجود بره
وللعلم اختي معاها واحده هاتش باك خليجي وكانت مخبوطه وجبت فانوس ورفرف من الحرفيين وصلحت الاكصدام
ولسه شاري تيل امامي من محل مش من الوكيل :pod_of_gold:

رد: أجيب ريو ولا إيجاد قطع غيارها بعد كده هيسبب مشكلة ؟
 

شكرآ جدآ لرد حضرتك هو أنا بس كنت بتكلم على بعد فترة من الوقت يعنى بعد كام سنه كده -لأنى مش ناوية أغيرها إلا بعد فترة إن شاء الله- ممكن ألاقى قطع غيارها بعد فترة بسهولة و معلش إنى بتعبكم معايا بس أنا بثق فى آراء أعضاء المنتدى و إستفدت منه كتير

رد: أجيب ريو ولا إيجاد قطع غيارها بعد كده هيسبب مشكلة ؟
 

بما ان انتى جبتى سيرت السيراتو يبقى السيراتو افضل طبعا منتشرة جدا قطع غيارها منتشرة جدا جدا وافضل من الريو فى سعر اعادة البيع مش هتتعبى لما تنوى تغيريها فى اى وقت دلوقتى او بعد كام سنة هى اكبر طبعا من الريو بس دى حاجة ودى حاجة والموضوع فى الاول وفى الاخر اذواق وبالنسية لقطع غيار الريو اعتقد ان التوكيل محترم ومبيجبش عربية غير لما يوفر قطع غيارها وبعد شوية اكيد قطع الغيار هتبقة منتشرة بره التوكيل

رد: أجيب ريو ولا إيجاد قطع غيارها بعد كده هيسبب مشكلة ؟
 

فى إنتظار المزيد من الآراء :)