|
سؤال بخصوص توكيل الانجلون وغبور
هل الآن العربية أنجلون أصبحت تبع غبور ولا لسه مع الو غالي
لان السيارة معايا إلان وعايز صيانة ال 5000 ولما اتصلت بأبو غالي قالولي بيعملوا صيانة في المركز وهيخلص يوم 15 عايز اعرف هل التوكيل اتغير و لا إيه؟ |
رد: سؤال بخصوص توكيل الانجلون وغبور
طيب جربت تتصل تانى
حتى عشان تحجز |
رد: سؤال بخصوص توكيل الانجلون وغبور
أنا حجزت بالفعل في أبو غالي يوم ١٥
ولكن أنا عايز اعرف هل التوكيل هيستمر مع أبو غالي ولا غبور |
رد: سؤال بخصوص توكيل الانجلون وغبور
اللى اعرفوا ان غبور خد وكالة ايمجراند فقط وليس الانجلون هما صحيح كلهم ملك جيلى بس كل واحدة براند لوحدة ولكل واحدة علامة تجارية مستقلة .
|
رد: سؤال بخصوص توكيل الانجلون وغبور
انا سمعت ان ما فيش انجلون تانى فى مصر و اللى اشتراها اخذ صابونه كبيرة
ربنا مش حيسامحهم |
رد: سؤال بخصوص توكيل الانجلون وغبور
اقتباس:
اقتباس:
ههههههههههههههههههه احلي واجمل صابونه فالدنيا طيب ما هو مافيش تويوتا عيون نزلت بعد 99 ولا اكسيل بعد98 ولا نوبيرا بعد 2008 ولا تويوتا كرولا2007 بعد ال2007 ولا ولا ولا اعدلك كمان ؟؟؟؟؟؟؟ ولا هو المفروض الانجلون تنزل طول العمر ؟؟؟؟؟؟؟؟؟؟؟؟؟؟؟؟؟؟ نزل موديل 3سنين من 2009-2012 وباع من 15 - 20 دفعه x عدد200 سياره يعني اكتر من 3000 سياره حلو قوي كده وطبعا ماينفعش تنزل الاميجراند مع الانجلون لان الاتنين واحد الاختلاف فالشكل وبس والسعر متقارب مع اختلاف التصنيع الاصلي للانجلون مقارنه بالتقفيل المحلي للاميجراند ........ وده قرار الشركه الام جيلي مش اي حد في مصر .ماينفعش غبور ينزل النترا الشكل القديم والشكل الجديد بنفس السعر صح ولا ايه ؟؟؟؟؟ اما بالنسبه لموضوع السياره انجلون وصيانتها وضمانها فهي مستمره مع ابو غالي لمده 25 عام . وبرضه ممكن تعمل صيانه الانجلون في غبور ولاكن علي حسابك الشخصي امام الضمان مع ابو غالي مستمر |
رد: سؤال بخصوص توكيل الانجلون وغبور
عارف انا مستنى بس اللجنة الفنية للسيارة تكشف اللى فى العربية و يطلع ان كل كلامى صحو بعدين انا دايماً مستغرب دفاعك المستميت عنها و برغم انى شايف منها المر من الشركة إلا انه غير المسموح اعبر عن همى يا ترى هو ده ليهانا بأدفع أقساط فى عربية مصدية و غياراتها مش بتيجى صح و التكييف لو شغلته العربية موتورها يسخن على الأخر و سقفها و قع و الشكمان كان متاكلياراجل دى مش صابونه الصابونه لها قيمة و ربنا لا يسامحهم على شقاى اللى اترمى على الأرض
|
| الساعة الآن 03:12 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017