|
مشكلة عداد الاربى ام
عربيتى فيرنا 2012 عاملة 4500 كيلو بعد صيانة 1000 بمدة بدات تظهر مشكلة رخمة هى ان عداد الار بى ام بيعلى لحد 2 واوقات 2.5 مع بداية الدوارة لمدة دقيقة مثلا زيرجع مكانة تانى حتى لو نزلت طلب ورجعت ركبت العربية بس مكنش بيعمل الحركة دى علطول يعنى كل فترة وبصراحة ان قولت يمكن بنزين مش نظيف مع انى بحط 92 من فترة قريبة لقيت الموضوع بدا يزيد لدرجة ان مشيت 4 كيلو والعداد عالى وقررت اروح التوكيل عندنا بالاسماعيلية فى طريق نفشية البشوات قالولى هات العربية وهى فيها المشكلة لكن العربية كدة من مشكلة مينفعش اشوفها طبعـــا اضطريت اقل ادبى عليهم لحد مطلع مهندس محترم وقالهم حطوا العربية على الكمبيوتر وشوية وقالى العربية مفيهاش حاجة وظبطتلك العربية واطلع جرب وفعلا بعد ظبطها خربها وبدا الموضوع يبقى يوميا . ممكن حد يقولى المشكلة دى ممكن تكون من اية لانى الموضوع خلاص بقى يخنق وخصوصا ان ان قولتهم ممكن يكون حساس ايدل المهندس قالى كان بان على الكمبيوتر |
رد: مشكلة عداد الاربى ام
ياريت يا جماعة حد يرد عليا او تكون المشكلة اتكررت معاة
|
رد: مشكلة عداد الاربى ام
حاول تبقي تصور المشكله وهي بتحصل باي موبايل عشان تبقي اثبات ليك لما تيجي تشتكي
وهو غالبا حيبقي حساس الايدل |
رد: مشكلة عداد الاربى ام
سيدى المواطن ركز معايا مشكلتك تنحصر مابيين نقطتيين مالهمش ثالث 1- نظافة حساس الايدل كنترول والبوابة " نظافة يعنى " 2- يكون حساس الايدل كنترول خرف التحليل عربيتك جديدة صعب قوى ان يكون الاحتمال الاول دة لسة مامشيتش والتنظيف معرووف انة ممكن مابيين 30000 و 50000 وانت لسة بدرى بس مافييش مانع قبل مانكلف ان احنا ننظف ثانيا الاحتمال رقم 2 ممكن سيادتك تكون شلت اقطاب البطارية ورجعتها تانى " افتكر كويس" مما نتج عنة تغيير فى حركة الايدل كنترول ودة سهلة عن طريق عمل الايدل ليرن اذا لم تشعربالتغيير يبقى علييك والتغيير حساس الايدل كنترول ب 350 " مصر الجديدة " و الى 250 جنية جديد من خارج التوكيل التوفيقية " حلمى جورج" شارع ذكى فى التوكيل حيعمل حوالى 1100 جنية:12BF86~159: معلومة بسيطة حساس الايدل كنتروول ممكن مايطلعش بالكمبيوتر لان ممكن الملف بتاعة سليم يعنى المقاومة مضبوطة فميطلعش ولكنة ميكانيكيا بايظ مش شغال عيب صناعة وبيبقى شكلة كدة :01AD96~139: :joy23: |
رد: مشكلة عداد الاربى ام
نضافة ازاى فى 4500 كيلو متر
هو لودر بيشتغل فى الجبل |
رد: مشكلة عداد الاربى ام
طب انا هروح صيانة 5000 هقولهم تانى عليها بس لو ماتحلتش المشكلة اعمل اية
:pty: |
رد: مشكلة عداد الاربى ام
استاذى الكريم الموضوع دا مينفعش تسكت علية لحد الصيانة معايا براحة كدة وانا اقولك على كل حاجة 1-الصبح بدرى او اى وقت تكون العربية فية باردة ولسة طازة اول ما تدور العربية بتلاقى فى مؤشر rpm العداد بيوصل لحد 1 او 1000 لفة فى الدقيقة طب لية عشان العربية تسخن والماتور زيتة يسخن والكلام اللى انت عارفة دا طب بعد كدة بيدا العداد ينزل شوية سنة سنة لحد ما يوصل تقريبا 750 لفة فى الدقيقة او تحت الواحد بسنة بسيطة حتى هتلاقى صوت العربية هدى سنة وبقى طبيعى الموضوع دا اخرة 5 دقايق 2-طب مسالتش نفسك ازاى العداد يعلى وانا مش دايس بنزين؟؟؟ هنا بقى اقولك فى حاجة اسمها صمام ايدل او ششهرتة حساس ايدل وظيفتة اية بقى اقولك انت لما بتدور العربية وانت مش دايس بنزين خالص البوابة بتاعتها اللى فى الماتور بتقفل نهائى ولا نفس بيعدى منها طيب ازاى بقى بتحافظ على دورانها وعدم توقف الماتور السبب انى صمام الايدل مفتوحلة خرم بسيط بعد البوابة اصلا هو اللى بيحافظ على عدد لفات الماتور والعربية باردة او سخنة او فى الصبح بدرى او اى حالة ميكونش انت دايس فيها بنزين وبيظبط على اساس لو العربية باردة يعلى العداد لحد 1000 او 1 ولما تسخن ثابت على 750 3-حصل عيب انى العداد بيعلى يبقى البلف شغال اة وسليم ولكن بصورة غير دقيقة 4-اية المشاكل اللى ممكن تقابلك بقى انى تلاقى رعشة فى الماتور عند الدوارة وهووووب بيطل تيجى تهدى فى اشاررة وهووووب تبطل طبعا دا لو سيبتها واهملت الموضوع وطبعا زيادة استهلاك البنزين وحرق على الفاضى لانة فترة والوضع هيسوء وتيجى تقول للتوكيل يقولك اهمال منك لية العربية ماشية معاك 5000 وانت عملت حاجة غلط يبقى تروح للتوكيل تغيرة وتقولة دا تبع الضمان وسعرة فى التوكيل 740 جنية اصلى وسيبك من التقليد او الاصلى اللى بيقولة علية من كوريا وبتاع دا تمنة الحقيقى اقل من كدة يبقى مش كويس ودى من القطع المهمة فى العربية يبقى تجيبها من التوكيل وتغيرة على حسابهم ارجو انى اكون وصلتلك المعلومة .........!SLAM |
| الساعة الآن 08:38 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017