اريد معلومات عن 307xt mod. 2005 و اسعار قطع غيارها و صيانتها
 

الاعضاء الاعزاء . .

ارجو افادتى بكفاءة ال 307xt mod. 2005 automatic و مدى توافر قطع غيارها و ايه مشاكلها او عيوبها و اسعار صيانتها و لانى قدامى واحده ب 70000 و محتار و قلقان جدا من شراءها مع انى معجب جدا بيها و بامكانيتها ولكنى متردد و ما هو اقرب مركز خدمه لمنطقة المهندسين ممكن اكشف عليها فيه و كم تكلفة الكشف , وشكرا جزيلا على المنتدى القوى ده و مساعدتكم الكبيرة .

رد: اريد معلومات عن 307xt mod. 2005 و اسعار قطع غيارها و صيانتها
 

بص يا سيدي الكشف بالنسبه لل بيجو في اي مركز خدمة معتمد ب 150 جنية

و ده لينك في كل ارقام و عناوين المراكز

http://www.masrmotors.com/vb/showthread.php?t=864

و بالنسبه للفتيس الاتوماتيك هو عيب ال 307 الوحيد

لان التعامل معاه في مصر غلط لان فيه تكنولجيا عاليه اووووي

و السوفت وير بتاعه في مشاكل بس دلوقتي بينزل له سوفت وير جديد افضل بكثير

لو حضرتك من النوع المحافظ علي السياراة هتنفعك لو من النوع عيز عربيه تنساها مش هتنفعك

و علي اي حال كده كده ال 307 كل قطع غيارها بقيت خارج التوكيل و باسعار كويسة جدا و ميكانيكتها مش معقدة خالص

اغلب ميكانيكية البيجو فهمين فيها

و بالنسبه للسعر لو العربيه حالتها حلوه اوووي كويس اما لو فيها مشاكل لازم تقل

و ربنا يقدم الفيه الخير ان شاء الله

و متساش صلاة الاستخارة

رد: اريد معلومات عن 307xt mod. 2005 و اسعار قطع غيارها و صيانتها
 

العضو العزيز نور ....

شكرا جدا جدا على ردك و معلوماتك القيمة الى افادتنى بيها و فعلا انت الخبرة بتاعة المنتدى ده ، بص يا سيدى انا كشفت على العربية فى وهدان الى فى العجوزة و نتيجة الكشف بينت شوية مشاكل كدة وهى :
- بلف الفتيس فيه مشكلة و بيأثر على سحب العربية و عايز يتغير.
- فيه وحدة اسمها com 2000 دى مخليا لمبة الاير باج على طول منورة و ممكن بعد كدة تاثر على الاشارات و كل المنطقة بتاعت الطارة و محتاجة تتغير.
-الشاشة بتاعت المعلومات فيها خطوط ومش موضحة اى حاجة محروقة يعنى و محتاجة تتغير.
- تيل الفرامل امامى و خلفى محتاج تغيير.
-كارتيرات امامية .
-الكبالن فيها بوش خفيف مع الوقت هتحتاج تغيير .
- باقى العربية سليم.
انا وصلت مع صاحب العربية لي 66000 جنيه نهائى فهل المشاكل دى بسيطة وتتلم وبكام تقريبا ولا اصرف نظر احسن و اشوف حاجة مظبوطة عن كدة ؟.

وشكرا يا باشا على اهتمامك ومساعدتك الكبيرة. . .

رد: اريد معلومات عن 307xt mod. 2005 و اسعار قطع غيارها و صيانتها
 

طيب دة انا كنت ناوى اشترى 308 اوتوماتيك
بس كلامك يا اخ نور خوفنى اوى والله
ptmnlo123per144

رد: اريد معلومات عن 307xt mod. 2005 و اسعار قطع غيارها و صيانتها
 

السلام عليكم
الاخ علاء متخفش من 308 لان شركه بيجو كان فعلا عندها مشاكل في موديلات معينه بس تم انهاء المشاكل كلها وال308 مفيهاش اي مشكله حتي الانptmnlo123per171

رد: اريد معلومات عن 307xt mod. 2005 و اسعار قطع غيارها و صيانتها
 

الاستاذ احمد فتحي العربيه دي لو الحاله الخرجيه جيده يبقي سعرها 65000 كويس
وبالنسبه للحاجات دي حتكلفك شويه

رد: اريد معلومات عن 307xt mod. 2005 و اسعار قطع غيارها و صيانتها
 

استاذ أحمد
انا رأى تصرف نظر عن السياره دى نهائيا لأن المسأله مش هتنحصر فى تكاليف ماديه فقط
بل السياره للأسف لن ترجع كما كانت ابدا لعدة اسباب
اولا : الشاشه لو غيرتها لازم تغيرها برقم الشاسيه والموتور يعنى عليك وعلى الوكيل وهتلاقى سعرها يتراوح بين 5000 و7000 جنيه
ثانيا: الفالف بادى الخاص بالفتيس وهو كما يسمى بعلبة البلوف وهو يعتبر عقل الفتيس لن يقل ايضا عن 3000 جنيه استيراد وتركيب.
ثالثا:لمبة الايرباج مضاءه معنى ذلك ان فى مشكله فى psi الخاص بالسياره وممكن يحتاج تغيير مع حساس الايرباج وتمنه لن يقل عن 3000 جنيه وبيحتاج تكويد المفتاح واعادة تشفيره
ودى ايضا تكلفه لوحدها.
يبقى هتحتاج تصرف حوالى من 12000 الى 15000 جنيه غير المصنعيات ووجع القلب مع الصنايعيه وعطلة السياره
بالأضافه الى سعرها وهو 66000 يبقى الاجمالى 81000 فضلا عن وجع القلب والمخاطره وممكن تلاقى حاجه كمان فى السكه وخاصة فيما يخص الفتيس لأن الفالف بادى مادام بايظ هيسحب معاه الاجزاء الداخليه فى الفتيس يعنى تكاليف اخرى.
اما باقى الاعطال مقدور عليها
فالأفضل صرف النظر عن هذه السياره والبحث عن سياره حالتها كويسه
وده رقم ميكانيكى بيجو وستروين ممكن ترفع السياره عنده وتسأله
أمجد الميكانيكى وانا بصلح عنده وهو محترم وفاهم جدا
0122822870

ويارب اكون افادتك