|
أكلت مطب و العربية بتزقزق
بسم الله الرحمن الرحيم السلام عليكم ورحمة الله و بركاته عندي مشكلة كبيرررررررررررررررة في لانوس 2012 كنت ماشي في شارع على سرعة تقريبا 80 ومرة واحدة خير اللهم اجعله خير شفت مطب من المطبات الحلوة الزوغننة دي - حسبي الله ونعم الوكيل في اللي عملها - وحاولت افرمل لكن انا شفته قبلها بحوالي 30 متر ومش لحقت للأسف الشديد واضطريت اني اكل المطب دا على سرعة تقريبا 40 ومن بعدها يا جدعان العربية بتزقزق اول ما تمشي وكل ما دوس فرامل احس ان علبة العربية بتزقزق وكل ما ألف الدريكسيون للأخر برضه اسمع زقزقة العربية تطلع تزقزق او تقف تزقزق كإن في حاجة اتفكت فيها الزقزقة بسيطة بس مضايقياني اوي حد يقلي اعمل ايييييييييييييييييييييييي ي
|
رد: أكلت مطب و العربية بتزقزق
اي يا جماعة مفيش حد عارف اي اللي بيحصل بالظبط
|
رد: أكلت مطب و العربية بتزقزق
انا مش عارف اصلا العربيه دايو ولا ايه
عموما هحولك على المهندسين الكبار عندنا هنا فى ا لمنتدى وهو الاستاذ احمد على 1999 والاستاذ مستر استرا |
رد: أكلت مطب و العربية بتزقزق
اقتباس:
|
رد: أكلت مطب و العربية بتزقزق
مش متخيل الصوت بصراحة
بس ممكن يكون من لقم التيل ودة ممكن تدى فرملتين تلاتة جامدين شوية |
رد: أكلت مطب و العربية بتزقزق
السلام عليكم في الطبيعي ان اللانوس بعد فتره الطابلوه بيطلع صوت تزييق ممكن من المطب الصوت طلع بدري وممكن يكون فيه حاجه في جلد العفشه خلي عفشجي يبصلك عليها والله المستعان |
رد: أكلت مطب و العربية بتزقزق
اقتباس:
جايز اوى ان العفشة مش متربط عليها كويس ومع المشى بيسمع صوت التزييق نتيجة خلوص خفيف اوى ياريت كمان لو تعرضا على سمكرى يبص على الشاسيه من تحت لأن ممكن تكون حاجة اتعوجت كده ولا كده...... بعد الشر يعنى |
| الساعة الآن 03:47 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017