|
انا عاوز افهم وجهت نظر الشعب المصرى
ازيكم يا جماعه دلوقت فى موضوع مهم مضيقنى هنا فى مصر لما تيجى تتكلم على سياره مثلا الاوكتفيا اسكودا تلاقى واحد يقولك المانى ياعم دى اسكودا وكذالك الاوبل فطبعا الشركه اخدت اسم عالى اوى فى مصر زى التويوتا كورولا يقولك يبانى فيها ايه يعنى ولو جم وشافوا اللى بيقولوا عليه كويس شوف يعم المواصفات بتاع الخليج وبتاع مصر تخليك تكره عربيات مصر كلها ومع ان الاسكودا مش تستحق السعر ده كله وده طبعا من الصيت اللى اخدته نفسى افوق الشعب ده تعرفوا لدرجه انى وانا بجيب الفيات بجد كنت قرفان منها بسبب كلام الناس ولما شوفتها وشوفت الامكانيات اللى فيها عجبتنى اوى وكمان عضم العربيه بسم الله عليه تقيل اتفرج على الباقى خفيف ريشه ياريت بقا من اهل الخبره يشوفوا الموضوع ده عشان عاوز افهم ايه الفرق بين الايطالى والالمانى او الفيات والاسكودا على سبيل المثال
ولكم تحياتى ((معلش وجعت دمغكوا))ptmnlo123per1127 |
رد: انا عاوز افهم وجهت نظر الشعب المصرى
اهلا بيك يا مودى ومبروك عليك العربية الجديدة بس مقولتلناش نوعها ايه
انا معاك طبعا فى ان عربيات الخليج او اوربا او امريكا تكره الواحد فى عربيات مصر بكمالياتها المتشلفطة واسعارها المتشعوطة lol بس ماباليد حيلة ده امر واقع مفيش منه هروب الفيات عربيتها اتحسنت جامد طبعاً عن العشر سنين اللى فاتو بس لسه الناس فى مصر مش قادرة ترجع تثق فيها تانى خاصة ان التوكيل لسه زى ماهو والسكوداً فعلاً بقت موضة اكتر من كونها عربية متميزة لكن فى نفس الوقت العربية بتجمع بين ستايل محبب للمصريين (شكل وحجم وكماليات) مع سعر منافس فى الشريحة ديه عامة اختلاف الاذواق وطريقة التفكير شىء طبيعى وياريت حضرتك تقولنا بشكل مفصل انت اخترت عربيتك بناء على ايه وليه استبعدت العربيات المنافسة ولو حابب تقرا اكتر عن وجهات نظر الناس فى العربيات الالمانى او اليابانى ممكن تقراء الموضوع ده بتحب انهى مدرسة فى صناعة السيارات (اضغط على اسم الموضوع) |
رد: انا عاوز افهم وجهت نظر الشعب المصرى
الألمانى خد سمعته اساسا من مرسيدس, و لكن للأسف حدث تعميم سخيف فأصبحت كل سيارة تصنع فى المانيا أو حتى فيها بعض المكونات الألمانية, تنسحب عليها سمعة مرسيدس,
رغم أن جودة مرسيدس لا جدال فيها و يعود جزء كبير منها الى سعرها, فهى سيارة مصممة للصفوة, لذا فان الجودة عامل اساسى فى صناعتها, الا ان هذا الكلام لا ينطبق على سيارات فولكس و سكودا الشعبية, و بالطبع لا ينطبق مطلقا على اوبل, و التى تعتبر سيارة امريكية من جنرال موتورز تصنع فقط فى المانيا. و رغم أن فولكس مثلا تعانى فى العالم كله على صعيد الاعتمادية, و الشكاوى منها تزداد, الا ان الناس هنا مازالت تصر على ان فولكس "المانى"!! لكن هل الألمانى هو قمة السيارات فى العالم كما يعتقد المصريون؟!! بالطبع لا, فالألمان مثلا و حتى الأن لم يستطيعوا أن يجاروا سرعة الايطاليين و سياراتهم الرياضية الساحرة, فمازالت الفيرارى مثلا تباع بثلاثة أضعاف سعر البورش من نفس الفئة, بل ان ارخص سيارة من فيرارى تباع بسعر يبلغ ضعف أغلى سيارة من بورش الألمانية. السيارات الايطالية فى رأيى أكثر ابتكارية و أمتع فى القيادة من السيارات الألمانية, قارن بين شباب و نشاط الفيات برافو و سخافة و ثقل الجيتا و الجولف مثلا! قارن بين طابع الفاروميو الرياضى و هى السيارة التى يقال عنها فى اوروبا انك لا تكون سائقا حقيقيا, ما لم تقد الفاروميو مرة واحدة على الأقل! و بين المرسيدس الهادئة الطباع المصممة لكبار السن. صحيح أن الألمان اشتهروا بالجودة, لكنهم لم يستطيعوا هزيمة الايطاليين فى سباقات السرعة, فلم تستطع مرسيدس و لا غيرها مجاراة الفاروميو فى سباقات الجائزة الكبرى, و حاليا تلهث وراء فيرارى فى سباقات الفورمولا واحد. و لم يتفوق أحد بعد على لانسيا و فيات فى سباقات الرالى, و لم تصل سيارة المانية أو غير المانية لجاذبية و روح الفيرارى, و شباب الفاروميو, و طابع لانسيا الاسطورى, و عصبية اداء محركات فيات, و عراقة مازيراتى. بالنسبة لى فاننى أفضل السيارات الايطالية, تليها السيارات الفرنسية لأنها الأكثر ابتكارية فمعظم الابتكارات الجديدة فى عالم السيارات تخرج فقط من فرنسا, كما و أن لها شهرة رائعة على صعيد الثبات, و لاسيما سيتروين. أما السيارات اليابانية, مثل التويوتا و الهوندا و غيرها, فهى خارج نطاق اللعبة أصلا, هى سيارات سخيفة الشكل و الأداء, سيارات صنعت لتناسب الذوق العام المتدنى, و ليست سيارات للتميز. من جرب الفيات من قبل حتى لو كانت 128 أو 127, سوف يحبها بكل تأكيد. أما من لم يقد الفيات من قبل, يمكنه أن يقول ما يقول, لأنه لا يعرف, فهو لم يشعر بمتعة القيادة من قبل على الأرجح مع سيارته الكورية أو اليابانية أو أيا كانت, انه ليس سائقا حقيقيا! |
رد: انا عاوز افهم وجهت نظر الشعب المصرى
اقتباس:
وبالنسبه لسعر اي عربيه فهو غالي لكن هي عمليه نسبيه .. يعني الاوكتافيا اكيد مش مرسيدس و الا كان سعرها بقى مرسيدس .. لكن هي سعرها منافس مع الجيتا و السيفيك مثلا ... فهي دي المقارنه ساعتها ... وكل فئه سعريه ليها جوكر ... زي البيكانتو - الانسر - الالنترا (لحد ما نشوف النيو سيراتو حتعمل ايه ) - الكورولا - الاوكتافيا - الباسات - سي 180 - ... لكن ده مش معناه انهم احسن عربيات .. لكنهم اكترهم شعبيه .. والصيت ده عامل مهم جدا ... يعني اكيد لما اي حد يجي يشتري عربيه ليها سمعه كويسه بيكون متطمن نسبيا ... لأن اسعار العربيات عندنا مش قليله و فلوسها مش سهله علشان نغامر او نجرب .. واي واحد بيشتري عربيه جديده او مستعمله حتى ..... بيسأل طوب الارض الاول ... التويوتا مشهوره انها عربيه تدور و تمشي (اعتماديه عاليه و اعطال قليله ) وناس كتير متنزلش من التويوتا الا علشان تركب تويوتا ... اما بخصوص المواصفات فإحنا اساسا بلد اللا مواصفات .... اذا كانو بيجيبولنا قمح لا يصلح للاستخدام الادمي ... يعني اللقمه نفسها معيوبه .. مابالك بالعربيات !!! ووكلا كتير بيطلبو العربيات بعد ما يفضوها من العوامل المهمه (الغير مرئيه ) و ينزلوها بشويه مواصفات من عينه الضحك على الدقون ... يعني تلاقي العربيه نازله مرايات وازاز كهربا و سنتر و ريموت و مفيهاش اي عوامل امان مثلا ... ودي ميزه الاوروبي عن الاسيوي عموما ... الشركات الاوروبيه متنزلش عربياتها منقوصه مواصفات رئيسيه .. لكن للأسف اغلب الشركات الاسيويه بتنزل العربيه زي الوكيل ما بيطلب معلش اتكلمت كتير .... اخرحاجه .... الفيات .. عن نفسي حفضل البرافو في رينج ال 150 الف عن اي عربيه تانيه ( كورولا - سيفيك - اوكتافيا - ميجان - سيتروين - .... ) اي عربيه .... لكن ... تفضيلي ليها كعريه مش معناه اني اقرر اشتريها ... لازم حفكر في حاجات تانيه كتير قبل القرار ده ... الصيانه - الوكيل - اسعار قطع الغيار و توافرها - واهم حاجه : -سعر اعاده البيع ... او بمعنى ادق نسبه انخفاض سعر اعاده البيع للعربيه عن العربيات المنافسه ... يعني مثلا لو قلت لي ان الكورولا كمان 5 سنين سعرها بينزل 20% في حين ان السيفيك بنتزل 40% و البرافو بتنزل 50 % ...تفتكر ساعتها حشتري مين فيهم ؟؟؟ بسم الله الرحمن الرحيم .. الاجابه .. برافو ... بس مستعمله كمان 5 سنين ptmnlo123per1147 |
رد: انا عاوز افهم وجهت نظر الشعب المصرى
السلام عليكم
صناعة السيارات تشعبت و حدث فيها الكثير من الاندماجات و الانقسامات في السنين الأخيرة بحيث يصعب وجود سيارة لها طابع بلد واحد أوبل مملوكة لجنرال موتورز من زمااااان و لكن الإدارة العليا أمريكي بينما إدارة المصانع و التصميمات ألماني ، بمعني إدارة البيزنس أمريكي ، بينما الإدارة الفنية ألماني و ده لأسباب مالية (لا توجد عاطفة في البيزنس - اللي تكسب به العب به) ، لو أوبل تصميماتها و زوقها و العاملين فيها مش ألمان حتخسر أهم سوق ليها و هو ألمانيا لانسر و تويوتا المفروض انهم ياباني الصنع و مع ذلك بعض المكونات صيني و التجميع في اليابان لتخفيض التكلفة فولكس تضخمت و بقي لها مصانع في البرازيل و الصين و و و و بالتالي حتة الالماني لا يجب تعميمها علي كل منتجاتها تبقي حقيقة أن من أكبر أسواق السيارات في العالم هي أمريكا و أوروبا و بالتالي زوق المستهلك يتحكم في المعروض و في هذه الدول الاقتراب من الكمال في كل المواصفات مطلوب و لذلك مثلا الاسكودا أوكتافيا التشيكي غير الألماني في الاعتمادية و و و البولو الهاتش باك الألماني غير الاسباني !!!! و لا تقارن بالصيني السيدان حقائق: - منتجات فولكس في البرازيل زي الباراتي و البويبنتر لا تدخل أوروبا و لا يعلم الألمان عنها شئ - منتج فيات في أمريكا اللاتينية لا تدخل أوروبا و بعض المنتجات لا يعلم عنها الطلاينة شئ كفيات باليو (الكلام ده مبني علي مناقشات مع ألمان و طلاينة في زيارات عمل لمصر) و هكذا ، لذلك تظل السيارات المصنعه في الدول مثل أمريكا و ألمانيا لها طابع خاص و مختلفة عن مثيلتها المصنعه في دول أخري و كله بتمنه |
رد: انا عاوز افهم وجهت نظر الشعب المصرى
اسمحلي يا استاذ فادي انا غير متفق معاك
الجودة و الاعتمادية مش محصورة في مرسيدس زي مبتقول و فولكس و سكودا من احسن العربيات من الناحية ده علي مستوي العالم. اما المشاكل اللي قلت انهم بيعانو منها و رغم انها مش كتير لكن سببها انهم بيحطوا تكنلوجيا العربيات الفارهة في العربيات العادية و طبعا بيتطروا يعدلوا فيها لخفض التكاليف و هو ده اللي بيسبب المشاكل و انا واثق انهم بيعملوا علي تلافي المشاكل ده و ومؤمن بنجاحهم. من امتي بقت السرعة هي اللي بتحدد جودة العربية. و ميق قالك ان بورش بتنافس فيراري اصلا. فيراري بتصنع عربيات سوبر رياضية لا تصلح للاستخدام اليومي و لا داخل المدن و موجه الي الناس ذوي الدخول الخرافية لاستخدامهم في اوقات اجازتهم عكس بورش تماما اللي هدفهم صنع سيارة تعطيك الحس الرياضي و نفس الوقت تصلح للاستخدام اليومي و بسعر معقول. اما فيراري فليها لمبرغيني اللي علي حسب فكرتك عن اوبل تبقي عربية الماني بحكم انها مملوكة لاودي اللي كان ليها دور كبير في انتشال لامبورجيني و زيادة كفائتها و اعتماديتها عشان تقدر تنافس و ذلك باشتراكهم في مكونات كتيرة. اعمل ايه بشباب الفيات و رشاقة الالفا لما تظهر مشاكلها و طبعا انت عارف ان سمعة فيات و الفا سابقاهم من الناحية دي خصوصا من ناحيةالمشاكل الكهربائية و ان كان في تحسن واضح في كلا الماركتين لكن لسة بدري لما يحصلو الالماني و علي مالناس تقتنع. اما بالنسبة للروح و الكلام دي فالالمان مبعترفوش بية. العربيات الالماني بتيقي مبنية علي اساس هندسي عالي و كل جزء بيبقي مصمم لعم غرض معين في تكامل مع باقي الاجزاء التانية. و موضوع السائق الحقيقي ده انا سمعتة هو هو بس كان علي البي ام اللي ما فيش اتنين يختلفوا علي المتعة في سواقتها رايك طبعا علي عيني و راسي و انا معاك ان العربيات الايطالي كويسة لكن مش زي الالماني اما موضوع الفرنساوي دي فمش هكلم علية لان في ناس تتدايق مني بس سؤالي ليك ايه هي الابتكارات اللي خرجت من فرنسا في ال 10 سنين اللي فاتو و ان كان الفرنساوي مشهور بالثبات امال الالماني يبقي اية. اما موضوع الياباني فانت مبخس لحقهم قوي و انت كنت متفق معاك ان هدفهم غير العربات الاوروبي خالص. انا شايف ان العربيات الالماني هي اكتر عربيات الواحد بيبقي مبسوط و مقتنع و هو سايقهم لانهم بيدوك اكتر من ميزة في نفس الوقت ان كانت جودة تقفيل او راحة و فخامة او حس رياضي و الكلام ده مبني علي تجارب. في النهاية مقدرش اقول غير اولا اختلاف الاراء لبارت السلع |
رد: انا عاوز افهم وجهت نظر الشعب المصرى
ارجوا التصحيح
اقتباس:
|
| الساعة الآن 07:01 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017