|
قيم اداء الرئيس فى المائة يوم التى اوشكت على الانتهاء
1/جيد جدا 2/ جيد3/مقبول/4سىئ/ انا هاديلة جيد :pod_of_gold::pod_of_gold ::pod_of_gold:
|
رد: قيم اداء الرئيس فى المائة يوم التى اوشكت على الانتهاء
عن نفسي أعتبره فى ممتاز فى الفتره السابقه ماعدا الأسبوعيين الماضيين.
فى الفتره السابقه أهم إنجاز له هو إخراج الجيش من مستنقع الحياه السياسية والتفرغ لحماية البلاد ثم محاربة البلطجه والقبض على بعض كبار البلطجيه وجذب إستثمارات كبيره لمصر والبدء فى القضاء على الفساد والمفسدين. ما لم يعجبنى : عدم إتخاذ أى خطوات إيجابية ضد الفيلم المسئ لسيد الخلق أجمعين وبيان الرئاسة وكلمة مرسي فى هذا الموضوع كان بيان باهت للتهدئه وفرقعه إعلاميه. وكان يجب سحب السفير المصرى من أمريكا أو طرد السفيره الأمريكيه. ولم يعجبنى أيضاً فض إعتصام جامعة النيل بالقوه "مع إختلافى مع المعتصمين". ومن الظلم تقييم رئيس فى 100 يوم لإنه إستلم دوله مهلهله ومشاكلها الإقتصاديه والإجتماعيه كبيره. ده لو استلم شقه على المحاره ماكانش هليحق يشطبها فى ال 100 يوم دول. |
رد: قيم اداء الرئيس فى المائة يوم التى اوشكت على الانتهاء
جيد
بس المنطق بيقول 100 يوم مش كفاية للحكم السريع البلد استلمها لا بلد ربنا يعينه ولابد فعلا من طرد السفير الامريكى و استدعاء سفيرنا و ايقاف عرض هذا السفه ونشر الصورة الصحيحة لسيد الخلق كلهم اللهم صلى و سلم و بارك على سيدنا و حبيبنا محمد فداك نفسى و اولادى و ابى و امى و زوجى واهلى يا رسول الله |
رد: قيم اداء الرئيس فى المائة يوم التى اوشكت على الانتهاء
100 يوم غير كافية نهائيا لبلد فى مثل ظروف مصر
وربنا يعينه ويحسن ظننا به ويجعل قلوبنا جميعا على مصلحة البلد |
رد: قيم اداء الرئيس فى المائة يوم التى اوشكت على الانتهاء
اهى ماشيه :fun_36_3_4[1]::fun_36_3_4[1]: |
رد: قيم اداء الرئيس فى المائة يوم التى اوشكت على الانتهاء
اداء عشوائى بأمتياز لا نفذ خطته (100 يوم) ولا احنا عارفين بكرة وبعدة ناوى يعمل ايه
|
رد: قيم اداء الرئيس فى المائة يوم التى اوشكت على الانتهاء
على مستوى السياسة الخارجية بقينا نسمع عن رؤية مصرية خالصة زى موضوع سوريا
بالمقارنة بالنظام السابق كان شايف الدنيا بتمشى ازاى واحنا نمشى وراها نقطة رد الرئيس على الفيلم المسيىء كان سياسى بالدرجة وده مش كويس يعنى امريكا وعلاقتنا بأمريكا مش أعز علينا من رسول الله صلى الله عليه وسلم , ومش لازم نقطع العلاقات او نطرد السفراء لكن كان الرد ممكن يكون اشد من كده ومش من الحرية انك تسمح بانتاج فيلم وعرضه بحجة الحرية والابداع ده لو كان فيلم مسيىء لليهود واسرائيل والله العظيم كان اتحذف من قبل ما ينشر فى الاعلام وكان زمان الكاست بتاع الفيلم كله فى السجن بتهمة معاداة السامية موضوع جذب الاستثمارات هيبان صحته من عدمه مش دلوقتى ولا بعد 100 يوم انما بعد سنين السياسة الداخلية لحد دلوقتى مفيش تغيير كبيير فى المؤسات سوى حركة مجالس ادارات الصحف القومية اللى اتغيرت والاعلام الحكومى لسه على عهده السابق بنظام عاش الملك مات الملك الامن الداخلى اعتقد انه اتحسن وبصورة كبيرة ولبتدينا نشوف كمائن مرور من تانى ( الواحد كان قرب ينساها) لكن لسه مطلوب المزيد سياسة اداراة الازمات زى ازمة وقود , ظهور وباء , ازمة تموين لسه بتدار بنفس المنطق الغبى القديم الا وهو طمئنة الناس وان مفيش اى حاجة وكل شيىء تحت السيطرة ولعل ازمة الوقود وتسمم المياه بالمنوفية خير دليل المطلوب ايه ؟ 100 يوم مش كافيه ولا نقدر نحكم على اداء الرئيس ككل منها خصوصا ان الحكومة اتشكلت بعد شهر تقريبا من اداءه اليمين مفيش مانع نعطى الرئيس والحكومة فرصة ولمدة عام على الأقل لكن مع مراجعة الاخطاء ربنا يوفق الجميع |
| الساعة الآن 06:30 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017