|
ايه الفرق بين الشراء من معرض والشراء من التوكيل ؟ وأيهما أفضل ؟
السلام عليكم كنت عايز افهم يا جماعه هوا ايه الفرق بين شراء عربيه من معرض زى المصريه مثلا وغيره وبين شراء عربيه من التوكيل هوا انا اللى فهمته لحد دلوقتى ان تقريبا والله اعلم المعرض بتدفع وتاخد العربيه انما التوكيل بتستنى بتاع تلات شهور صح ولا غلط ؟ وياترى ايه الفروق التانيه ؟ وايه أفضل ؟ ولو اشتريت من معرض مش بيبقى فيها برده ضمان وبروح التوكيل لحد عدد كيلوات معين خلال فتره الضمان ؟ |
رد: ايه الفرق بين الشراء من معرض والشراء من التوكيل ؟ وأيهما أفضل ؟
تقريبا كدا ان انتا لما تييجى تشترى من توكيل زى ما تقول كدا بتطلب اوردر فبتستنى لما الاوردر يجهز و يعنى تقريبا بيستوردوا العربيات على اد الطلبات ودا بياخد وقت شهور قليلة تقريبا وطبعا بيكون السعر ااقل من المعرض انما المعرض بيوفر عليك الوقت لانة تقريبا بيكون شاريهم من التوكيل اساسا ودا على حد علمى والله اعلم
|
رد: ايه الفرق بين الشراء من معرض والشراء من التوكيل ؟ وأيهما أفضل ؟
ايوا المعرض علية ضمان طبعا بردوا اللى هو التوكيل عادى مش هتفرق فى موضوع الضمان
|
رد: ايه الفرق بين الشراء من معرض والشراء من التوكيل ؟ وأيهما أفضل ؟
تمام شكرا يا جماعه
طب هوا سعر المعرض بيذيد عن سعر التوكيل قد ايه؟ |
رد: ايه الفرق بين الشراء من معرض والشراء من التوكيل ؟ وأيهما أفضل ؟
على حد علمى والله اعلم
التوكيل بتروح تطلب العربية بكل المواصفات اللى انت عاوزها ومنها اللون والفئة وتنتظر فى قائمة التسليم بعد شهر او 3 شهور بعض التوكيلات لاتوفر بعض الكماليات مثل "باركينج سينسور - اير باج - مرايات ضم كهرباء" التوكيل صيانة شاملة اكيد المعرض قد لا تتوافر بعض المواصفات مثل اللون او الفئة عنده التسليم فورى بعض المعارض تكون السيارات خليجى يعنى بها بعض الكماليات الغير متوافرة فى التوكيل مثل "باركينج سينسور - اير باج - مرايات ضم كهرباء" العيب فى الخليجى انه بره التوكيل يعنى بتروح تعمل تعاقد صيانة بمبلغ اضافى وليس شامل مثل سيارات التوكيل مميزات الخليجى فى بعض الاحيان "التقفيل - جودة الخامات - التكييف -الاهتمام بالكماليات والرفاهية" |
رد: ايه الفرق بين الشراء من معرض والشراء من التوكيل ؟ وأيهما أفضل ؟
الفرق بين التوكيل والموزع المعتمد والمعرض
التوكيل = حجز السياره بالمواصفات المتوفر فيها ( داخل مصر ) ثم الاستلام بعد فتره من اسبوع الي 3شهور اما الموزع المعتمد = تدفع فلوسك تستلم عربيتك (معظم الالوان ) + ورق السياره في نفس اليوم او تاني يوم بالكتير = يمكن الاستفاده باقل سعر في السوق لان الموزع المعتمد مسؤول عن توزيع والبيع للمعارض فيمكن شراء السياره بعر منافس جدا اما المعرض = تدفع فلوسك وتستلم سيارتك في نفس اليوم لو امكن مع زياده في السعر + تاخير في استلام الورق السياره + صعوبه الالتزام بالكلام وده مقارنه من جانب التسليم والسعر فقط |
رد: ايه الفرق بين الشراء من معرض والشراء من التوكيل ؟ وأيهما أفضل ؟
بالنسبه لموضوع الضمان مافيش فرق بن المعرض والتوكيل اما موضوع الحجز والسعر ده بيتوقف على اذاى كانت العريبه موديل جديد فى السوق مثلا مثل النيسان صنى الجديده فو التوكيل سعرها 100000 بس بالحجز بعد شهرين او 3 اما فى المعرض ممكن تكون موجوده بس بسعر اعلى 3000او4000جنيه اما لو كانت السياره موجوده فى السوق ومش حاجه جديده نزله السوق هتلاقيها فى المعرض ارخص من التوكيل
|
| الساعة الآن 01:14 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017