معلهش انا لسه مبتدا
 

السلام عليكم ورحمة الله وبركاته
اخوانى الكرام
ماهى اقصى مده او اقصى مسافه ااقدر امشى بها على سرعة الاول
لانى ساكن فى منطقه زحمه ومعرض انى ااقف كل شويه
وعلى ماطلع على طريق سريع شويه مش قبل نص ساعه
فهل هذا يوثر على العربيه لو مشيت المده دى ع الاول بس
عربيتى 128 مو 98
ولكم جزيل الشكر
وانا اسف لسه بتعلم والله

رد: معلهش انا لسه مبتدا
 

المسافة المقطوعة مش مهم وانما السرعة هى اللى مهمة
امشى على الاول زى ما انت عاوز بس ما تزودتش سرعتك

رد: معلهش انا لسه مبتدا
 

على سرعة 10 لمسافات و وقت طويل

رد: معلهش انا لسه مبتدا
 

اشكرك مستر استرا
اشكرك يااستاز احمد على

رد: معلهش انا لسه مبتدا
 

بس لو لقيت ان الطريق اللى انت ماشى فية زحمة بس بيمشى واحدة واحدة خليك ماشى على الاول ولو لقيتة زحمة اوى بمعنى تمشى شوية وتقف شويتين خليك على الاول بس لما تقف مور العربية وشيلك رجلك من على الدبرياش عشان الدبرياش يعيش معاك مدة اطول ولو وانت ماشى ولقيت الطريق فتح اول ما يفتح انقل على التانى لما تحس ان صوت الماتور على وانت على الاول بس انا عن نفسى بمجرد انى بطلع بالعربية والطريق سالك بنقل على طول على التانى

رد: معلهش انا لسه مبتدا
 

بص يا باشا ....:thnkr:

الاول دة تطلع بيه بس ... يعني اول اما تلاقي عداد دورات المحرك RPM وصل 3000 دورة يعني على رقم 3 ... تنقل للغيار التاني على طول ... و في حالة الزحمة اللي بتمشي يعني خليك على التاني ما دام العربية مش تقيلة ... و لو العربية تقيلة او زحمة بتقف و تمشي هات الاول و ما تتقلش عليه ..

بص كل اما صوت الموتور يعلى او دورات الموتور توصل 3 او 4 بالكتير قوي انقل غيار اعلى ... ولو العربية اترعشت ( خسعت ) و انت مثلا على غيار عالي سقط غيار ( يعني ادي الغيار الاقل ) :balloons71:

و يوم عن يوم هتكتشف انت بنفسك عربيتك

ملحوظة صغيرة : لما تمشي بالاول لما تشيل رجلك عن دواسة البنزين دوس دبرياج و انت بترفع رجلك ... عشان العربية تتحرك و ما تشدش منك ...