سيارة ريجاتا موديل 1986
 

انا عايز اعمل تعديلات كاملة على سيارة ريجاتا موديل 1986 تعديلات على الموتور والعفشة والشكل داخلي وخارجي انا مش عارف اروح لمين والموضوع دا هيتكلف اد ايه ياريت يا جماعة حد يرد عليا وبذات في موضوع التكلفة دا

رد: سيارة ريجاتا موديل 1986
 

يا جماعة انا مستني رد من امبارح ومحدش رد
حد يرد بحاجة تفيدني
انا مش عارف اعمل ايه وفين وهيبقي بكام
وبصراحة انا ما صدقت لقيت منتدي على السيارات
شكرا

رد: سيارة ريجاتا موديل 1986
 

بص يا اسلام.

انت لو عايز تعدل على الموتور عندك الفلاتؤ وسعرها من 50 الى 250 جنيه وتلاقيها عند انزو.

والعفشة ممكن تجيب كراسي سبور وكدة وسعرها في السعودية 900 ريال.

أتمنى اني افدتك.

رد: سيارة ريجاتا موديل 1986
 

لك جزيل الشكر اكيد انت افادتني بس انا كنت عايز الموضوع اوسع لاني عايز اغير العربية تماما فانا كنت عايز اعرف الموضوع دا هيكلف كتير ولا لا علشان ابقي عارف قبل ما اروح شكرا يا دمياطي على ردك وكفاية انك رديت عليا

رد: سيارة ريجاتا موديل 1986
 

بص يا اسلام باشا انا معايا شاهين 2001 و ماشى فى تعديلها اليومين دول
لو عاوز تعدل صح اوى حتتكلف جامد
نبدأ مثلا بالشكل الخارجى :-
1- انت محتاج بودى كيت محترم حيخشلو فى 2000 جنيه و لو حتركب زوايد بس حتبقى 1200 جنيه فى الحدود دى
2- طبعا الجنوط و دى بتبقى انت و زوقك و عاوزها جديدة و لا مستعملة و كمان بتختلف مع لون العربية لو قولتلى اللون حقدر افيدك اكتر بس هى جديدة من 3000 و طالع و دى طبعا الحاجة الصح الاصلية
3- طبعا حتحتاج عفشة اسبور عشان الجنوط دى تركب صح و العفشة الكونى بتعملها من 2000 ل 3000 مش فاكر بالظبط
4- طبعا حتحتاج تعدل فى الفوانيس و دى حوالى 200 جنيه او 300 على حسب زوقك و لو عمولة حيبقى اغلى
5- اسبويلر و برده انت عاوز انهى شكل ليه و كل ده بيتظبط عند بتاع الفيبر و سعره من 200 لغاية 600 جنيه
نخش بقى على الشكل الداخلى :-
1-كراسى ريكارو و دى بتبدا من 1000 للكرسى الواحد و طبعا لازم لونه يليق على لون العربية عشان كده بقولك تقولنا على لونها
2-و ساوند سيستم على زوقك
3-دواسات بلون الكراسى
4-دريكسيون momo و ده مش غالى بس مش فاكر السعر
5-ترش التابلوه و برده ده على حسب لون العربية و بيعمل 200 او 150
نطلع برة بقة للكبير "الماتور"
1-فلتر هوا و ده سعره من 90 جنيه و ده الصينى لغاية 500 جنيه و ده الk&n الاصلى
2-بوجيهات سبليت فاير و دى بتعمل فى حدود 300 الجديدة و النوع القديم كان بيعمل 140 بس مش موجود
3-كابلات البوجيهات و بتعمل 400 جنيه
5-كرونة سبور و معرفش سعرها
6-شجرة شكمان كاملة و دى فى حدود 2000 او 1500 جنيه
يا رب اكون افدتك
و انتظر صور الشاهين لما تخلص انشاء الله

رد: سيارة ريجاتا موديل 1986
 

شكراااااااااااااااااااااا ااااااااااااااااااااااااا اااااااااااا اوي يا تيفا على ردك بصراحة انا عاجز عن الشكر هي العربية لونها احمر بس كنت عايز اسالك سؤال هي الفلاتر بتركب في عربية مش انجيكشن وسؤال كمان بقي الموضوع دا كله يتكلف اكتر من 15 الف كدة ولا كدة اقل ولا اكتر وشكرا لزوقك بجد

رد: سيارة ريجاتا موديل 1986
 

بص يا اسلام باشا اولا لا شكر على واجب
ثانيا :- تعديل العربيات ميعتمدش على الفلوس بيعتمد على زوق صاحبها
و بعدين متعملش كل حاجة مرة واحدة يا راجل , و على فكرة اللون الاحمر لون جامد انت كده ممكن تحتاج جنوط سوده او بيضة و لو كانت بيضة حتبقى احسن لانك حتعرف ترش التابلوه ابيض فى احمر
و الفلاتر الاسبور فى منها نوعين انجكشن و كربراتير
و على فكرة انت ممكن كل متحوشلك فلوس تعمل حاجة انا عن نفسى حعمل كده و نصيحة خد حاجة حاجة يعنى مثلا تبدا بالعربية من جوة و تخلص اللى انت عاوز تعمله مش تعمل جزء من جوة و بعدين تعمل جزء من برة
اعمل حاجة حاجة احسن