نصيحة لوجه الله علشان سلامتكم وسلامه عربياتكم
 

ياريت يا جماعة اي حد هيكون هيشتري تيل فرامل او كاوتش عربية يكون شاريها من مصر مأمون وموثوق ويتاكد ان الحاجات دي تكون اصلية ومن المصنع علشان لو كانت مخشوشة لا قدر الله بتعمل مشاكل ملهاش نهاية على الطريق وممكن تؤدي الى حوادث مميتة لا قدر الله
وبسبب قطع غيار المخشوشة مصر احتلت المرتبة الاولى عالميا في عدد الحوادث
وياريت ياجماعة متستخسروش تدفعوا وتقولوا الارخص افضل لا والله هاتوا الاصلى حتى لو غالي بس هيحافظ على حياتكم
وربنا يكفينا شر الحوادث

رد: نصيحة لوجه الله علشان سلامتكم وسلامه عربياتكم
 

ما فيش قطع غيار اوريجينال فى مصر اصلا
ممكن اة يابانى او المانى انما اوريجينال ما فيش

رد: نصيحة لوجه الله علشان سلامتكم وسلامه عربياتكم
 

فعلا معرفش ليه مصر منتشر فيها الغش في قطع الغيار الحيوية
ويبقى حظي كويس لو قطعه الغيار لقتها تركي
اما لو عاوز الايطالي او الالماني يبقى اخد معايا الميكانيكي او الصنايعي يلف معايا ويمكن كمان فى الاخر ينضحك علينا

رد: نصيحة لوجه الله علشان سلامتكم وسلامه عربياتكم
 

والله ولا ايطالى ولا المانى
زمان فى سنة مثلا 90 كنت بجيب الكبالن الايطالى الواحد بـ 180 جنية
النهردة الفردة بـ 50 جنية
واحسن حاجة فى السوق بـ 90 تقريبا
يبقى ازاى فية المانى او ايطالى
بلد غريبة قطع الغيار المستعملة ( الاستيراد) افضل من الجديدة
لنا الله

رد: نصيحة لوجه الله علشان سلامتكم وسلامه عربياتكم
 

علشان كدا الواحد بيضطر يروح التوكيل علشان يلاقي قطع غيار اصلية ومضمونة
حسبي الله ونعم الوكيل

رد: نصيحة لوجه الله علشان سلامتكم وسلامه عربياتكم
 

التوكيلات ساعات بتودى عربيات تتصلح برة التوكيل
بص طالما ما ففيش ضمير هانعيش فى الدوامة دى على طول

رد: نصيحة لوجه الله علشان سلامتكم وسلامه عربياتكم
 

بالنسبة لعربيتي ال 131
الالماني او الايطالي الموجود دلوقتي مش الماني ولا ايطالي اغلب الظن صيني ومدموغ عليه بلد الصنع ده ان مش كان معمول تحت بير السلم
وكمان الاستيراد حاليا مش تضمنه لانه ممكن يكون خلع من عربيات من مصر هنا