|
الاستاذ / عماد حبيب نرجو الرد للاهمية
السلام عليكم اخوانى الكرام مشرفى واعضاء المنتدى الكريم .... واضح جدا انه مازال موضوع ارتفاع الحرارة فى السيارة البى واى دىf3 موديل 2012 مستمر ..فاكثر من عضو يشكوا من ارتفاع الحرارة بالرغم من الذهاب لاكثرمن مره للتوكيل ..ولكن دون جدوى يعود المؤشر للارتفاع مره اخرى ... اين التوكيل؟؟؟ ورجاله المخلصين بالمنتدى ..الاستاذ /الفاضل الكريم عماد حبيب ... الاستاذه /الفاضلة داليا ... اين انتم من هذه الشكاوى التى لم يتم الوصول لحل لها !!! السيارة البى واى دى ..وتوكيل الامل الان فى امتحان كبير ليس بالسهل ..... فالسيارة بعد ان اخذت واستحوذت على اعجاب الكثيرين جدا من الاعضاء وشريحه كبيرة من المجتمع ...نخاف عليها جميعا الان لانه يوجد بعض الامور يمكن ان تكون بسيطه عند التوكيل ...لكنها كبيرة عند العميل الذى يشترى ( مثل ارتفاع الحرارة ) فكيف اشترى سيارة جديدة ومره اخرى جديدة ..يعنى لاافكر فى اى شىء يخصها قبل خمس سنوات على الاقل !!!!واصدم بموضوع مثل ارتفاع الحرارة فماذا افعل ( انا العميل ) فى ذلك ذهبت بها للتوكيل لاكثر من خمس مرات كما قال احد الاعضاء ....والحرارة تروح شويه وترجع تانى ... العيب فين ايها التوكيل ؟؟؟؟ ونروح لمين يحل المشكلة ؟؟؟؟ نرجو من الاستاذ/ عماد حبيب الرد بكل صراحة على السؤال التالى كما عهدناه منه من صدق وامانة ...جعلتنا نحب توكيل الامل كله برغم ما فيه من بعض العيوب ...... 1- هل موديل 2012 من البى واى دى فى مشكلة فى الحرارة ؟؟؟؟ 2- هل التوكيل لا يستطيع حل عيب ارتفاع الحرارة ؟؟ 3- موديل 2013 من البى واى دى f3 مازال به مشكله الحرارة ام تم علاجها وتقوية الارضى ؟؟؟؟ واجابه حضرتك سوف تحدد وتضع النقط فوق الحروف لكل من يريد امتلاك السيارة وتصبر شوية من امتلكها بالفعل ....حتى يتصرف ... ياريت الرد من حضرتك باستفاضة لكل شىء حتى نستفيد جميعا من اشترى ومن سوف يحدد قرار الشراء ........ |
رد: الاستاذ / عماد حبيب نرجو الرد للاهمية
اقتباس:
هو حضرتك معاك العربية وقابلتك المشكلة دية ومتحلتش ولا قرأت عنها في المنتدى |
رد: الاستاذ / عماد حبيب نرجو الرد للاهمية
حل مشكلة السخونة في الاف ثري
اقتباس:
|
رد: الاستاذ / عماد حبيب نرجو الرد للاهمية
اقتباس:
السلام عليكم اخى الكريم بارك الله فيك ... انا لا امتلك العربية ولكن كل ما ادخل القسم الاقى حد بيشتكى من الحرارة .....وانها بتتحل وترجع تانى .... وانا عاوز اجيبها خلاص وخايف من موضوع الحرارة !!! وليه التوكيل مايحلهاش هى العربية رخيصة ..ولا ببلاش!!!!والكلام كله على موديل 2012 ومش عارف الموديل الجديد حيكون كذلك .. وياريت الاستاذ/ عماد يطمنا ................ |
رد: الاستاذ / عماد حبيب نرجو الرد للاهمية
اقتباس:
السلام عليكم الف شكر لحضرتك ... وياريت كل اللى عنده مشكلة الحرارة يقوم بالتجربة ....( مع ان التوكيل المفروض يعمل هذه التاكيهات ) وليس العميل طالما فى الضمان ... وياريت الاستاذ / عماد يفيدنا فى ذلك .... |
رد: الاستاذ / عماد حبيب نرجو الرد للاهمية
فعلا انا مقبل علىشراء هذة السيارة
بس بعد موضوع السخونة دة خلانى اعيد النظر مرة تانى علشان مش من الطبيعى انى اشترى سيارة جديدة و افكر ازاى احل مشاكلها امال يبقى اية الفرق بينها و بين المستعمل سورى فى الكلمة تغور سعرها و امكانيتها قدام مشاكلها اللى مبتخلصش انا عايز عربية اتبسط بيها مش تنكد عليا هضطر ادور من اول و جديد تانى على عربية جديدة حتى لو استنى شوية و اكمل بحاجة احسن حسبى اللة و نعم الوكيل فى التوكيل و الناس اللى فية و كل الناس اللى بتشتكى من العربية خليكو ورا التوكيل لغاية تفضحوة و تخدو حقكو منة و يبقى اخرة الكام عربية اللى بعها يسقط توكيل اليأس :THUMBS~113: |
رد: الاستاذ / عماد حبيب نرجو الرد للاهمية
الساده/ اعضاء المنتدى الكرام تحياتى واحترامى احب ان اوضح انه لا توجد اى مشكله متعلقه بمؤشر الحراره بالسياره byd f3 المانيوال على الاطلاق اما الملحوظه التى يتكلم عنها بعض من ملاك السياره byd f3 الاوتوماتيك وهى ارتفاع مؤشر الحراره دون ارتفاع فى درجه حراره المحرك نتيجه تفويت فى ربط احد الاسلاك الارضى فى بعض السيارات وهى نسبه ضئيله جدا من السيارات الاوتوماتيك وتعطى اشاره كاذبه احيانا وقمنا بتلافى هذه الملحوظه ولم يظهر فى الانتاج الجديد لوجود ضفيره جديده مجدوله للآرضى تعمل على تلافى اى تفويت فى الاشاره بالسياره وتم تلافى الملحوظه بعد عمل الاختبارات وتلافى السبب وعلى اى مالك للسياره له ملحوظه عن ارتفاع مؤشر الحراره الكاذب بالأتصال وتحديدموعد لحل المشكله فورا عن طريق الاداره العليا للشركه ومتابعه خدمات ما بعد البيع ويتم الكشف على السياره للاختباربجهاز تحديد الاعطال ومتابعه تشغيل المروحه وتوقفها على درجه الحراره المحدده للتشغيل والتوقف ووجد ان السياره لا تسخن اطلاقا والمحرك ودائره التبريد فى درجه الحراره الطبيعيه ملحوظه: بعض ملاك السيارات يتعامل مع مياه التبريد عن طريق فتح غطاء الراديتاير و السياره فى وضع التشغيل مما ينتج عنه دخول هواء فى دائره التبريد مما يتسبب فى سخونه غير متوقعه وبدون وجود اى سبب الا دخول الهواء بدائره التبريد برجاء التعامل مع قربه المياه فقط وتملاء حتى المنتصف او العلامه العليا MAX ونهيب بسيادتكم بالاتصال برقم 0197771747 لمتابعه الملحوظات على السياره وتوجيه سيادتكم لاءختبار السياره واصلاح اى مشاكل بها وسنتابع معكم حتى النتائج النهائيه والارضاء الكامل ان شاء الله |
| الساعة الآن 12:19 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017