|
عايز اشتري جاك J5 من السعودية
كنت عايز نصيحة من الاعضاء الكرام حيث افكر ان اشتري سيارة جاك J5من السعودية حيث اني مقيم هناك على ان انزل بيها عند المغادرة النهائية من السعودية والاستقرار في مصر
واذا كانت الاجابة نعم فاجيب عادي ولا اوتو عايز تقرير مميزات وعيوب واشكركم جدا |
رد: عايز اشتري جاك J5 من السعودية
أنا مش عارف الJ5 هى الهاتش باك ولا الصغيره
عموما انا معايا ال b15 فياريت أى صوره عن الJ5 عشان نفيدك ياأستاذ هانى ......................... .تقبل تحياتى |
رد: عايز اشتري جاك J5 من السعودية
هذه صورة السيارة اللي انا اقصدها
يمكن اسمها في السعودية المعروف عند الوكيل بتاعها J5 ويمكن اسمها في مصر B15 على ما اظن والف شكر للدكتور كمال على الرد http://masrmotors.com/vb/data:image/...oMKKjxPzxF/9k=http://t1.gstatic.com/images?q=tbn:A...aBqcFE4JcswU69 |
رد: عايز اشتري جاك J5 من السعودية
:Bravo::Bravo::Bravo: شكلا لاكن الله أعلم أنا ما اعرفش عنها حاجة
|
رد: عايز اشتري جاك J5 من السعودية
واضح من تصفحي في المنتدى الجميل ده المنور باعضائه ان العربية ممتازة جدا بالنسبة لسعرها
لكن مشكلتها الوحيدة في التوكيل ولا شك انه امر مهم بالنسبة لاي سيارة لكن في ناس قالوا انها تشبه كتير اللانسر وتركب عليها قطع غيار اللانسر فهل هذا صحيح واذا كان صحيح فهل هذا يجعلنا نكبر دماغنا من التوكيل ونعمل صيانتنا بره ونتلافى مشكلة الوكيل السئ ونتوكل على الله ونشتري العربية؟؟؟؟؟؟؟؟؟؟ |
رد: عايز اشتري جاك J5 من السعودية
الأخ الفاضل الاستاذ هانى .
السياره الجاك B15 معايا من يونيه 2010 وبعمل صيانه فى التوكيل كل 10 الاف كيلو وممكن اعمل صيانه بره التوكيل لكن عشان أنا فى الضمان بروح للصيانه فى التوكيل ... جوده السياره عاليه جدا والحمد لله ومحصلش معايا أعطال تذكر طوال هذه المده (غيرت مكنه طلمبه بنزين فقط ) ....وكل الناس إللى كنت بقابلهم فى التوكيل لم ارى أحد إشتكى من اى اعطال وفى ناس عدت ال70 الف ... لو السياره عجباك اشتريها وإللى نازل منها فى مصر مانوال مش اتوماتك بالنسبه للتوكيل ....كل التوكيلات هنا فى مصر سيئه للغايه..أنا اتعاملت مع توكيل رينو فى عربيتى السابقه وكانت مره عطلانه وقالولى لازم تحجز وتيجى بعد اسبوعين (تصور توكيل بيعتبر من احسن التوكيلات فى مصر يقولك خد عربيتك العطلانه وتعالى بعد اسبوعين ).......مره تانيه روحت اشترى من عندهم كبالن قالوا معندناش وروح هاتها من بره التوكيل ووصفولى محل اسمه ميشيل حليم فى جسر السويس ... عموما ربنا يوفقك ...... |
رد: عايز اشتري جاك J5 من السعودية
تسلم الايادي يا دكتور كمال على الافادة وجزاك الله خيرا
لكن هنا في السعودية في مانيوال وفي اوتوماتيك وانا محتار بينهم انا من سكان القاهرة يعني زحمة وشايف الاوتو انسب ولا ليك راي تاني |
| الساعة الآن 07:23 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017