|
الحمد لله .... استلمت الاسبرانزا a516 (وزتي في حوزتي)
باركولي يا جماعة
الحمد لله استلمت العربية امبارح (الأربعاء) اسبرانزا a516 (اللون النبيتي) _طبعا أنا انطباعي الأول عن أول قيادة للعربية جيد جدا من حيث الراحة في القعدة والتمكن من العربية والتعامل مع الدواسات وظبط وضعية الكرسي _في مشاكل بسيطة في كيفية الالمام والتعامل مع الزراير اللي في الطابلوه وأذرعة التحكم _من أكتر الحاجات اللي جذبت انتباهي الباور بتاع العربية مريح بشكل كبير جدا بس كده لغاية دلوقتي وكل ما أجرب حاجة حشرح لكم تجربتي وتقييمي طبعا كانت قصة كفاح على ما استلمت العربية لأنها (شحة) جدا في السوق اليومين دول بسبب زيادة الطلب عليها بدخول موسم الصيف والأجازلت وكمان لأن المصنع عمل حركة لئيمة جدا انه قلل انتاج المصنع للسيارات الملاكي ووجه معظم الانتاج لصالح مشروع التاكسي وبالتالي العربية زاد الطلب عليها وغليت بعد ما كانت وصل سعرها ل 66 ألف دلوقتي استحالة تجيبها بأقل من 68 الى 69 ولسه كمان متوقع انها تزيد المعرض اللي استلمت منه العربية كان صاحبه معرفة ولسه ما استلمتش المبايعة لغاية دلوقتي وحستلمها بعون الله يوم السبت .... كل اللي استلمته كان صورة من الوصل اللي مضيت عليه بتاع استلام العربية عقبالكم جميعا ....... ان شاء الله كل واحد يجيب العربية اللي نفسه فيها |
رد: الحمد لله .... استلمت الاسبرانزا a516 (وزتي في حوزتي)
مبررررررررررررررروك الف مبروك يادكتور (وانا اول واحد مباركلك اهو يعنى استاهل لفه بقا )ptmnlo123per1140 ربنا يبرلكلك فيها ياباشا |
رد: الحمد لله .... استلمت الاسبرانزا a516 (وزتي في حوزتي)
الف مبروووووووووووووووووووووو ووووووووووووووووووووووووو ووووك
|
رد: الحمد لله .... استلمت الاسبرانزا a516 (وزتي في حوزتي)
ربنا يعطيك خيرها و يكفيك شرها
ألف ألف مبروك و عقبال المرسيدس و البي إم ربنا يمليهالك خير و خللي حاجة لله شكرا لله |
رد: الحمد لله .... استلمت الاسبرانزا a516 (وزتي في حوزتي)
الف مبروك يا دكتور ...
ربنا يديك خيرها و يكفيك شرها .. وفي انتظار التقييم مع الاستخدام ... |
رد: الحمد لله .... استلمت الاسبرانزا a516 (وزتي في حوزتي)
الف مبروك دكتور مصطفى ربنا يديك خيرها ويكفيك شرها-- |
رد: الحمد لله .... استلمت الاسبرانزا a516 (وزتي في حوزتي)
اقتباس:
وبجد والله نصائحك أفدتني جامد وأنا بستلم العربية وحسيت كده اني فاهم كل حاجة ومحدش يعرف يضحك عليا ألف شكر يا غالي على مساعداتك....وان شاء الله حطمع في المزيد الفترة الجاية اقتباس:
كلك ذوق والله ومايفوتكش أي واجب اقتباس:
ان شاء الله حعمل بنصيحتك....جزاك الله كل خير اقتباس:
كلك ذوق اقتباس:
و هو يعني انت ما تعرفش تبارك لحد كده بنية صافية من غير مصلحة ptmnlo123per111 وبعدين ايه حكاية أنا أول واحد يبارك لك دي .... انت حتذلنيptmnlo123per195 على فكرة بقى..... : : : : : : : : : : : : : : : : : العربية وصاحب العربية تحت أمرك يا معلم ptmnlo123per122 |
| الساعة الآن 03:29 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017