مشروع نقل ركاب ميكروباص رحلات او اتوبيس خاص.ارجو الافادة
 

السلام عليكم يا جماعة
انا بفكر اعمل مشروع نقل ركاب رحلات او اتوبيسات خاصة
كل اللى اعرفه ان ترخيص الاجرة موقوف وبالتالى ليس امامى الا ترخيص رحلات او اتوبيس خاص ومش عارف ايه اجراءات ولا شروط الاتنين وياترى المعاملة الضريبية هاتبقى ازاى فى الاتنين ولازم يبقى فيه مكتب فعلى وسجل ضريبى ولا لا واجيب مستعمل ولا جديد .ارجو الافادة من ذوى الخبرات وجزاكم الله كل خير

رد: مشروع نقل ركاب ميكروباص رحلات او اتوبيس خاص.ارجو الافادة
 

ايه يا جماعة ٦٠ مشاهدة وولا رد واحد.لعل المانع خير

رد: مشروع نقل ركاب ميكروباص رحلات او اتوبيس خاص.ارجو الافادة
 

انتى ناوى تجيب عربيه نوعها ايه وانا افيدك

رد: مشروع نقل ركاب ميكروباص رحلات او اتوبيس خاص.ارجو الافادة
 

اولا شكرا لحضرتك على الرد ولاستعدادك المساعدة
سؤالك محير جدا وبصراحة انا كنت مخلى جزئية اختيار السيارة لآخر مرحلة.بس اقدر اقولك انا امكانياتى ايه وانت تنصحنى بخبرتك اذا كان
ينفع او تنصحنى باختيار تانى
يعنى اقدر مثلا اجيب مثلا ٢ h1 مستعمل موديل ٢٠٠٦ او ممكن ٣ شوفرليه ٨ راكب الجديد او ميكروباص صينى جديد او ما يعادل ما سبق
وناوى ان شاءالله اشغلهم ورديات موظفين لمسافة حوالى ٣٠ ك فى التوصيلة الواحدة

رد: مشروع نقل ركاب ميكروباص رحلات او اتوبيس خاص.ارجو الافادة
 

بص يا باشا انا داخل على هذا المشروع انا عن نفسى هجيب سوزوكى فان عامله 60 الف ولكن عندى مشكله لو عندك الحل انا محتار اشغلها فين انتى من رايك اشغلها فين لو عارف شركات فى اكتوبر او فى العبور وهاخد كام فى الدوره

رد: مشروع نقل ركاب ميكروباص رحلات او اتوبيس خاص.ارجو الافادة
 

السلام عليكم
كيف الحال اخ محمد اتمنى ان تكون بخير وتتمتع بجميع اوقاتك
موضوع العربيات دة موضوع متعب لو انتة مش شغال فية قبل كدة تمام
لنجاح المشروع اول حاجة لازم انتة الى تسوق العربية يعنى مش ينفع سواق لان حيهلكلك العربية وكل همة اليومية وبس دة غير المخالفات والصيانة وحاجات كتير مش حتعرفها الا لما تخوض التجربة
يعنى لازم انتة تسوق العربية
تانى حاجة سيبك من الاتش 1 عربية تعبانة من حكم خبرتى الطويلة فى السيارات
لو عايز عربية كويسة ممكن سوزوكى تناية 7 راكب كويسة او تويوتا بومة 14 راكب اولو عندك امكانيات يبقى تويوتا هياسى 2008 السقف العالى دى تمام لاكن قطع غيارها غالية شوية وفى كمان تويوتا بومة ميكروباص صينى حتى هية كويسة
والله الموفق

رد: مشروع نقل ركاب ميكروباص رحلات او اتوبيس خاص.ارجو الافادة
 

متشكر ياجماعة جدا على اهتمامكم والردود الميفدة من الاخ محمد النرويجى والاستاذaldebbas
يا استاذ محمد النرويجى اكيد انت مش نروجى بجد
اعرفك بنفسى انا اخوك محمد السويسى بس انا بئا سويسى بجد
وبالتالى ناوى ان شاء الله لو ربنا سهل اعمل المشروع ده فى السويس
السويس العين السخنة ان شاء الله الشركات موجودة و السائقين كمان
لو حابب تبدأ معايا فى السويس اهلا بيك.ننوى خير وان شاء الله نجد خير ولكن مش متخيلها انك تقدر تسيب بلدك فى القاهرة عشان العربية.عاما ربنا يوفقك اينما كنت.
وبالنسبة للاخ aldabbas معلوماتك قيمة الف شكر ليك بس يا جماعة
سؤالى الاساسى فى اول مداخلة ايه الفرق بين الرحلات واتوبيس خاص والاجراءات والضرايب والتامينات ومميزات وسلبيات كل واحدة وهل لازم افتح مكتب فعلا ولا لا .ارجوكم الافادة فى النقاط دى لان الخطوات دى اهم حاليا من العربيات .ولكم خالص تحياتى