|
استلام فيرنا زيرو
السلام عليكم ورحمة الله
هل متابعة صيانة السيارة الزيرو (فيرنا ) فى الضمان مهمه ولا ممكن التغاضي عنها خصوصا انها هتكون تاكسي ؟ يعنى اقصد عشان هى زيرو اروح اعمل صيانه هناك حتى ولو لاول مره عشان فى حاجه فى عيوب التقفيل ولا اتوكل على الله واتابع بره ؟ وايه اهم اشياء تتعمل فى استلام السيارة وبعدها من احتياطات للصيانه من فضلكم ؟ 1- الزيت 2-افضل نوع ومقاس الكاوتش و الجنوط 3- ايه حكاية تركيب سسط ناشفه فى الخلف عشان متحكش ؟ دى بتيجي من موديل تانى ولا بتاعة الفيرنا بس نوع معين ؟ 4- ايه ورق الضمان والعدد اللى بتيجي مع العربيه ؟ 5- المزيد عندكم باذن الله وشكرا جزيلا |
رد: استلام فيرنا زيرو
مبروك مقدماً ربنا يجعلها فاتحة خير ويرزقك خيرها ويكفيك شرها
بالنسبة للتوكيل والضمان احسن تروح اول صيانة تختم الضمان وبعدين شوف لو العربيه تمام مفيش مشاكل مستاهلة يبقى خليك بره التوكيل احسن واوفر وانجز طبعاً وزى ما بقول لكل الناس لما تيجى تستلم اتعامل على انها عربيه مستعملة مش جديدة يعنى بص فى كل حاجة الصاج لا قدر الله ممكن يكون مخبوط او محكوك ممكن اكسسوارات تبقى متشاله وراد كل حاجة سواء من المعرض او من تخزين العربيه او حتى من المصنع فراجع على كل حاجة فى العربيه وشغل كل الكماليات حتى التكييف بالنسبة للكاوتش سيبك من افضل نوع انت محتاج اكتر حاجة موفرة خاصة ان كل الانواع بتتخرم وكل الانواع بتتبهدل ومفيش نوع جربته ممكن يعدى 20 الف كم استهلاك فشوف حاجة من الكورى والاندونديسى سعرها متوسط وتاريخ انتاجها حديث اهم حاجة وبالنسبة للاحتياطات هتبص على سوائل وزيوت العربيه وممكن تاخدها زيارة لمركز ترصيص وزوايا تركيب سوست انشف او اى تعديل فى العفشه اصبر عليه دلوقتى خالص خلى العربيه تلين وخد خيرها وبعدين فكر فى التعديل وكمان علشان تحافظ على الضمان يارب اكون افدتك وان شاء الله باقى الاخوة يفيدوك فى باقى الاسئله :010104~171: |
رد: استلام فيرنا زيرو
طيب من فضلكم فين عنوان توكيل هيونداى فى المنصورة
وشكرا:140109~347: |
رد: استلام فيرنا زيرو
اخيرا جيبت التاكسى
|
رد: استلام فيرنا زيرو
1000000 مبروك
بارك الله لك وليس الان اى رد افضل من رد ابو نورا |
رد: استلام فيرنا زيرو
ايه رايكم
ان شاء الله اجيب موديل 2013 فاميه ولا زجاج عادى هو فرق زيادة الف ج للفاميه وهل هيعوقنى فى القياده خصوصا للاجره ( واحد قالى الفاميه بيخلي اللى عاوز يركب مش شايف اللى جوه وبيفتح الباب عليه وهو جوه ) وكمان انا قلقان منه فى القياده كمان اكمنى مش من هواة حتى احط ستاير عشا ن الرؤية ولا بيكون فاميه لايت هتعود عليه ؟ متشكر جدا لاهتمامكم وارائكم القيمه :Wkiss5: جزاكم الله خيرا |
رد: استلام فيرنا زيرو
اقتباس:
اوعى تعملها والله العظيم واحد صاحبى فى اسماعيليه جابها فيرنا زيرو بالزجاج الفاميه ورئيس قسم التراخيص فى المرور رفض انه يرخصله وأجبره ان يغير زجاج الخلفى طالما هيرخصها تاكسى |
| الساعة الآن 03:10 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017