مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   ميكانيكا السيارة (https://www.masrmotors.com/vb/forumdisplay.php?f=148)
-   -   ممكن الركنة تعمل كدة ؟؟ (https://www.masrmotors.com/vb/showthread.php?t=95911)

M.Sami el adham 26-08-2012 05:14 PM
ممكن الركنة تعمل كدة ؟؟
 
السلام عليكم
معايا سيتروين ax كنت راكنها لوجود سيارة اخرى .. ركنتها لمدة شهرين او اقل ..كانت حالة الموتور زى الفل و العفشة كانت زى الفل بردو .. لما جيت احركها : اولا لقيت تخبيط ورا جامد جدا و طقطقة فكل حتة .. رحت ربطت عفشة , بردو نفس الكلام , ثانيا الموتور معرق زيت من مطرح جوان التاكيهات كدة لغاية عمة الكربارتير و الفلتر ..سحب العربية ضعف جدا .. للعلم مش بتطلع اى نوع من انواع الدخان من الشكمان و الحمد لله !! التكيف كان شغال زى الفل .. فجاة الكمبرسور بيشتغل بس مش بتطلع هوا ساقع .. ارجو سرعة الرد و شكرا :Wkiss5:

Hisham.Elgazzar 26-08-2012 05:33 PM
رد: ممكن الركنة تعمل كدة ؟؟
 
طيب انت متأكد ان العربية دى ماحدش ركبها وبوظها غيرك
الكباس كده فوت
اكيد فى حد قعد ياخد مطبات بالهبل لحد ما فكك العربية
وشغل التكييف وقرص على الموتور عرق الزيت وفوت الكباس وبوظ العفشة وبعدين ركنها فى نفس المكان اللى كنت راكن فيه

M.Sami el adham 26-08-2012 05:36 PM
رد: ممكن الركنة تعمل كدة ؟؟
 
والله العربية ركنة فى الجراج محدش جه جنبها ... هو الموتور لما يعرق زيت يبقى ايه مش فاهم ؟ ! و الكباس ايه اللى خلاه يفوت ؟ و بعدين انا معايا نسخة مفتاح واجدة و مفيش اصلا حد بيعرف يسوق عندى :pty:

Hisham.Elgazzar 26-08-2012 05:39 PM
رد: ممكن الركنة تعمل كدة ؟؟
 
يبقى هى نصيبها كده مفيش حاجة بإذن الله
راجع على التكييف واكشف على الشحن بتاعه
الركنة بتبوظ العربية وتخليها تفتح بقها انا مجرب

M.Sami el adham 26-08-2012 05:45 PM
رد: ممكن الركنة تعمل كدة ؟؟
 
فعلاااااا !!!! والله انا مستغرب جدااا .. يعنى انا راكنها فى جراج و شغل عالى :D و فى الاخر تفتح بقها ... زى فيه واحد صحبى معاه 131 زى الفل !!! ركنها 3 شهور .. بيركب بقاها جايبة طقم شنبر فجأة والله .. حاجة تنرفز والله :shyy: .. شكرا لاهتمامك يا باشا :Wkiss5: و بالنسبة للابارث اللى حاططها فى مشروع كدة فى تحويل 131 كوبيه .. لابارث بالموتور و كله ان شاء :) تابعنى :Wkiss5:

shooter22522 26-08-2012 08:21 PM
رد: ممكن الركنة تعمل كدة ؟؟
 
كان معانا العربيه ديت لمده سنه واتباعت
وقفت لمده 3 شهور علشان رخصها اتسحبت
كانت عامله60 الف كيلو حصلها بظبط زى عربيتك
رودناها للمكانيكى الموتور كان عليه حاجه زى شمع كده من الركنه
نظف الماتور وكشف على البوجيهات
والكاوتشات تقلت روحنا غسلناها نزلت تراب كتير مكنتش متصوره
وكله بقى تمام

sherifabden 26-08-2012 08:54 PM
رد: ممكن الركنة تعمل كدة ؟؟
 
طب يا جماعة محدش يعرف التفسير العلمي لموضوع ركنة العربية دي ؟؟
يعني ليه لما العربية تركن فترة بتبوظ او بتظهر مشكلة فيها ؟؟؟


الساعة الآن 07:32 PM.

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017