فيرنا 2012 ولا 2013 ؟؟؟
 

السلام عليكم،
عايز آخد رأيكم في حاجة مهمة ،، من أسبوعين قررت الذهاب لمعرض سيارات موزع كبير ومعروف اشتري سيارة فيرنا جديدة ، وقبل ما أروحلهم بيومين كلمتهم بالتليفون وسألتهم عندكم فيرنا 2012 قالي أنشاء الله موجودة يافندم واللون اللي أنت عايزه "بعد كدا فهمت أن دا الرد الطبيعي علشان يسحب رجلي وأروحلهم يصطادوني هناك" المهم فرحتلهم وقولتلهم عايز أشتري فيرنا 2012 قعد الموظف يعمل شوية تليفونات ويدور ورجع وقالي مش موجودة للأسف خلصت من جميع الفروع والمخازن المتوفر دلوقتي 2013 فقط ، قولتله ماشي خلينا نبدأ الإجراءات علشان ألحق أستلم وأرخص قبل العيد .. المهم دفعت الف جنيه عربون جدية تعاقد وبدأت الإجراءات مع البنك للحصول على الموافقة بالتمويل ((قرض السيارة)) ودا أخدله بالظبط يومين وجاتلي الموافقة بالمبلغ المطلوب ، فكلمتهم قولتلهم الموافقة جت فين بقا العربية علشان نخلص باقي الإجراءات .. أسبوع كامل في حكايات وحاضر وهنرد عليك علطول لحد ما دخلت علينا أجازة العيد وكمان اسبوع ............. لحد ما كلموني امبارح قالولي في خبر كويس لقينالك 2012 ، فسألته ازاي ظهرت مرة واحدة ، قالي دي كانت محجوزة لواحد قريب مدير الفروع وكان عليها موافقة بنكية ولكن الراجل مخلصش فيها لحد ما فترة الموافقة أنتهت وقولنا نقولك لو تحب تخلص فيها ، فسالته يعني العربية مفيهاش أي مشاكل ، قالي لأ طبعاً بقولك محجوزة لواحد طرف مدير الفروع يعني أكيد تمام ، قولتلهم ماشي هاتوها أشوفها الأول ولو فعلاً تمام أخلص فيها ، قالي عايزين حضرتك تشرفنا تدفع 20% من قيمة السيارة علشان نعمل أمر توريد ، قولتلهم معلش مش هدفع أي فلوس تانية لحد ما أتأكد أن العربية تمام ووقتها أدفع المقدمة مرة واحدة قالولي طيب اول ما تيجي العربية هنكلمك خلال يومين.

فأنا دلوقتي مرتاب جداً وقلقان من الموضوع أحسن تكون العربية كان فيها مشكلة أوكانت بتتصلح وظبطوها ،،، تنصحوني أعمل آه ، وآه الحاجات اللي لازم آخد بالي منها واشيك عليها كويس قبل ما أستلم العربية .

برجاء الأهتمام للأهمية وشكراً.

رد: فيرنا 2012 ولا 2013 ؟؟؟
 

وتاخدها ليه أصلا أ،ا مش فاهم هوا إنتا هتدفع فلوس ولا هتاخدها تخليص حق.
إنتا مش خلاص حجزت فيرنا 2013 ودفعت دفعة حجز, يبقى لا تسيب اللون ولا الموديل علشان خاطر عيونهم ولو ماطل معاك أكتر من كام يوم كمان على مايسلمك الـ 2013 قوله أنا ليا حق كدة أسترد دفعة الحجز لأنك إنتا الي بتماطل.
وخليك ناشف في ردك عليه علشان يعرف فعلا إنك عندك جدية إلغاء الحجز.

رد: فيرنا 2012 ولا 2013 ؟؟؟
 

شكراً أسلام على ردك ،، لكن انا اعتقد أن المماطلة قائمة على أساس إني طالب لون مميز "شامبيه" ودا قليل فالسوق من 2013 ، دا إن مكنش انهم لسا مستلموش العربية وبيقوليلي كدا على ما يستلموها ويخلصو اوراقها المطلوبة للترخيص ، وعلشان انا مبحبش المماطلات وكتر الكلام رحتلهم لانهم المفروض موزع كبير ومعتمد وهيقدر يوفرهالي بسرعة وكمان سعرهم غالي عن سعر السوق ، لكن الظاهر ان دا بقا طابع البني آدمين خاصة البياعين ، وعلشان انا مستعجلهم لأني معرفهم أني بعت عربيتي ومتشحطط فالمواصلات انا والعائلة بسبب تأخيرهم فالمفروض كدا انهم بيساعدوني بالـ 2012 على اساس ان مفيش أي فرق بينها فرق وبين مواصفات 2013 .
هوا بالنسبالي مفيش مشكلة بس أنا موسوس شوية وعايز اعرف آخد بالي من آه فالعربية عند الإستلام ؟
وشكراً.

رد: فيرنا 2012 ولا 2013 ؟؟؟
 

ياأخوانا ياريت تفيدوني برأيكم ضروري

رد: فيرنا 2012 ولا 2013 ؟؟؟
 

لا ياباشا
انتا حجزت 2013 يبقا تشتري 2013 مش 2012
وهوا فعلا مفيش فرق في الكماليات بس انا لو مكانك مرضهاش واسترد مقدم الحجز واشوف معرض تاني

رد: فيرنا 2012 ولا 2013 ؟؟؟
 

مافيش فيرنا 2013 خلالالالالالالالالالالالا لالالالالالالالالالالالال الالاص تم ةقف التجميع تماما فى غبور وهو دلوقتى هينزل بموديل صينى جيلى الموضوع ده فى نصب كبيير خد بالك :fun_10_1_124[1]::fun_10_1_124[1]::fun_10_1_124[1]:

رد: فيرنا 2012 ولا 2013 ؟؟؟
 

رحتلهم امبارح اشوف العربية لقيتها لون غير اللي انا كنت متوقعه ، اللون الشامبيه المفروض أنه دهبي ميتالك ، واللي شوفته لون مابين الفيراني والفضي ، قالي يافندم مبقاش ينزل من اللون دا تاني وأنه مكتوب في ورقها أنها شامبيه ، قولتله امال والعربيات الجديدة اللي مالية الشوارع من نفس اللون دا ، قالي دي موديل 2011 وما قبله ، غير كدا ببص على اللون النبيتي لقيته مش نبيتي زي اللي بشوفه كتير فالشارع ولقيته غامق جداً زي لون الكابوتشي بلا مبالغة وشكله مستفز جداً ،،، المهم فطبعاً معجبتنيش خالص ومسترحيتلهاش مع أني قلبت فيها فوق وتحت ويمين وشمال وملقتش فيها غلطة وكمان لقيت ان الكوتش اللي نازل فيها تركي مش نسر بس مقاس 13 مش 14 ، وقولتله من الآخر مش عايزها ولو عندك 2013 وهستلم خلال الأسبوع دا اوك ولو مفيش هسحب مبلغ الحجز علطول.
المهم الفايدة أن ذي ما الكل قال ان الأحدث بتبقا افضل واضمن وفي نفس الوقت الواحد المفروض مش يتنازل عن اللي هوا عايزه علشان يبقا راكب مستريح نفسياً ودا شئ مهم جداً ويبقا حازم مع البياع ويدولوش الفرصة يقنعه بغير اللي هوا عايزه.
شكراً للجميع .