|
بولنيز ولا ماذدا 323 لمده 4 شهور فقط
السلام عليكم ورحمة الله وبركاته جمعة مباركة على الجميع ان شاء الله دلوقت عاوز اسئلكم على حاجه معايا ميزانية فى حدود 21 الف حاليا ومحتار بين بولنيز او ماذدا323 وانا ميهمنيش الشكل نهايا اللى يهمنى انها تقضى معايا 4 شهور بالطول والعرض وبعدين ابيعها علشان اجيب اللانوس ان شاء الله فانتم ايه رايكم بولنيز ولا ماذدا 323 منتظركم |
رد: بولنيز ولا ماذدا 323 لمده 4 شهور فقط
العربيات دى اللى موجود منها سليم قليل اوى دلوقتى
وبعدين تشترى قديم وتصرف عليه وترجع تبيع وتخسر ال 21 يجيبوا شاهين حالتها كويسة انما المازدا عفشتها ورا ضعيفة جدا انا شوفت عجلة خلفى طرقعت وهى ماشية خلعت المقص بالطنبورة والعربية مانفعتش تمشى والبولونيز كل اللى موجود منها اصحابها سابوها لما ماتت وصاجها عفن واللى عامل فيها شغل هيقولك 19 الف وهى عربية زى الحجر فى بيعها بالعافية هتبيعها ب 10 الف ولا حاجة ، مع انك جايبها ب 19 ال21 ممكن يبقوا 22 ويجيبوا شاهين سليمة لكن دور كويس وماتستعجلش |
رد: بولنيز ولا ماذدا 323 لمده 4 شهور فقط
سيد فيات لازم يفضل راكب فيات متفكر فى معبودة الجماهير 131 او مرسيدس الفيات 132 :Wkiss5: |
رد: بولنيز ولا ماذدا 323 لمده 4 شهور فقط
بص ابعد تماماً عن البلونيز ممكن مازدا هي حلوه وكله ...بس طالمه فتره مؤقته ممكن تجيب 128 اوائل تسعينات هتتباع هو وان شاء الله ش هتخسر فيها ونفس متانه المازدا لان المازدا ضعيفه نسبيا ..بس المازدا ناعمه وركوبه الصراحه ...وربنا الموفق
|
رد: بولنيز ولا ماذدا 323 لمده 4 شهور فقط
اقتباس:
خلاص بلاها بولونيز وبلاها ماذدا بس مش شايف ان مستحيل الاقى شاهين ب 22 الف وتكون نضيفه كمان انا كل الحكاية انى ممكن انزل اجيب لانوس زيرو تقسيط حاليا ومعايا 40% من قيميتها بس للاسف البنك اللى هيرضى يدهانى ب 40% بصورة البطاقة فوايده عالية جدا فانا مستنى على اول السنه هتيجى فلوس باذن الله واكمل ده على ده واروح اجيبها من بنك زى بنك المشرق فوايده قليله جداااا وغير كدا هيبقى معايا اعلى من 50% من تمنها ان شاء الله فلو ملقتش حاجه كويسه اكيد هتضطر اصبر بقى وامرى لله الاربع شهور دول لغاية اول السنه الجديده :Wkiss5: |
رد: بولنيز ولا ماذدا 323 لمده 4 شهور فقط
اقتباس:
ههههههههههههههههه انت هتعمل زى اصحابى فى الجامعه كل ما يشوفونى يقولولى سيد فيات من كتر ما كانوا بيشوفونى بال 128 ومن كتر ما كانوا بيسألونى على العربيات والتصليح وكدا المشكلة ان كل ال 131 او 132 النضيف اصحابهم بيبقوا طالبين ارقام خرافية يعنى ال 131 ممكن توصل ل 30 الف و ال 132 النضيف بتكون بحوالى 25 الف فحرااام يعنى وكمان الحكاية زى ما بقولك 4 شهور وهبيع تانى فعاوز اللى ابيعه ميقعدش معايا سنه عقبال ما يتباع :Wkiss5::Wkiss5: |
رد: بولنيز ولا ماذدا 323 لمده 4 شهور فقط
اقتباس:
لا لا لا لا لا لا لا لا كله الا ال 128 تانى و لا يلدغ مؤمن من جحر مرتين هههههههههههههههههه بجد تغور ال 128 بسلك دبرياجها اللى بيتقطع على اعطالها اللى مبتنتهيش على العجل اللى ورا الى لو ركبت اتنين تلاته ورا مهما كانت القنطرة سليمة تلاقى العجل اللى ورا بقى معوج على ابالاتينها على كوندنسرها على شنطها وكبوتها اللى كل يومين تنزل تلاقيهم متقلبين فى امكان وفى اى وقت على الشروخ اللى كانت بتخليك تقعد مع السمكرى اكتر من ما بتقعد فى بيتك كفاية كدا ولا اكمل ههههههههههههههههههههههه انا مستعد اقضى الاربع شهور موصلات ولا ارجع لل 128 تانى بص الحكاية كلها للاسف ال 128 لما اتصنعت كانت وقت صناعتها تكنولوجيا حديثه ومتطورة جدا وكانت متجربتش قبل كدا ومكنوش يعرفوا عيوبها ايه ومع الزمن بدائت عيوب العربيه تظهر وراحوا مصنعين موديلات بعدها زى ال 127 و الريتموا اتفادوا فيها كمية اعطال رهيبه من اللى كانت بتحصل فى ال 128 ولكن مازال فيهم بعض الاعطال اللى اتفادوها مع الموديلات الاحدث |
| الساعة الآن 08:27 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017