|
اتهور وأعمل كدا ولا بلاش ؟
سلام عليكم
يا جماعة أنا عندي دلوقتي مازدا 3 2011 بس مطلعة عيني ف البنزين !! وقرفت من الموضوع ده فبفكر أبعها واشتري عربية توفرلي شوية فكنت بفكر احجز البونتو ايفو 2013 بس هو أنا كدا أبقى خسران وحندم على اني بعت المازدا ولا البونتو عربية كويسة وهتوفرلي من غير ما أحس بفرق كبير ف الثبات والسحب عشان بيقولو الحصان بتاعها قليل أوي ؟؟ يا ريت حد يفدني عشان بجد أنا تعبت من الموضوع ده ! |
رد: اتهور وأعمل كدا ولا بلاش ؟
بص يا باشا ...
ما العن من سيدي الا ستي ... اولا المازدا عربية محترمة بنت ناس و حرام قوي تبيعها عشان تجيب بونتوايفو ... اولا الفيات قطع غيارها غالية و توكيلها مرار طافح ... طبقا مقارنة بعم غبور تبقى المازدا ارحم بكتير ... و بعدين الايفو صغيرة نسبيا ... انما بسم الله ماشاء الله المازدا ملعب كورة .... خدها مني نصيحة و ما تبيعش ... و حاول تعدل بس من نمط سواقتك عشان توفر ... يعني ما تحرقش عليها كتير و كدة |
رد: اتهور وأعمل كدا ولا بلاش ؟
والله هيا المازدا محترمة وكويسة
لكن لو هتبيعها يبقا فكر في حاجة تاني بعيد عن البونتو والفيات عموما يعني الاولوية للياباني ولو ملقيتش حاجة ياباني مناسبة هات كوري وحاول كمان تكشف على العربية شوف هل في عيب او في حاجة مزودة استهلاك البنزين ولا ايه بالضبط ؟؟ وتقبل تحياتي :Wkiss5: |
رد: اتهور وأعمل كدا ولا بلاش ؟
المازدا أفضل طبعا
|
رد: اتهور وأعمل كدا ولا بلاش ؟
عالج مشكلتك في البنزين
بلاش تهور:shyy: |
رد: اتهور وأعمل كدا ولا بلاش ؟
طيب ايه رائيك تركب غاز هتوفر جااااااااااااااامد جدااااااااااااااااااااااا ااا جدااااااااااااااااااااااا اااااااااا |
رد: اتهور وأعمل كدا ولا بلاش ؟
اقتباس:
حتى لو هتركب البرافو التى جيت ، برضو اليابانى لا يعلى عليه ركبلها بوجيهات 6 شمعة ، وإظبطهم على 0.4 الخلوص بالفلر وركب مكثفات لزيادة الشرارة او مضاعف الموبينة وخلى العربية مظبوطة على الشعرة ، وغير فلتر الهوا فى ميعاده ونظف منطقة دخول الهوا وحساسات الموتور ، أكيد بعد ده كله هتلاقى الأداء اتحسن كتير والإستهلاك قل اللى قالك غير المازدا بيكرهك ومش عاوزلك الخير (حسد يعنى ):fun_10_1_124[1]: |
| الساعة الآن 11:15 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017